Home /News /ahmedabad /

અમદાવાદ: ઢોર પાર્ટીને જોઈને ગાય પહેલા માળે ચઢી, નીચે કૂદતા પગ અને માથામાં ઈજા

અમદાવાદ: ઢોર પાર્ટીને જોઈને ગાય પહેલા માળે ચઢી, નીચે કૂદતા પગ અને માથામાં ઈજા

ગાય પહેલા માળેથી નીચે કૂદી

Ahmedabad Stray Cattle: અમદાવાદ મ્યુનિસિપલ કોર્પોરેશનની ઢોર પકડ પાર્ટીની ટીમે ગુરુવારે ગોમતીપુર વિસ્તારમાં કાર્યવાહી કરી હતી. ઢોર પકડ પાર્ટીની સાત જેટલી ટીમ ગોમતીપુર પોલીસ સ્ટેશન સામે ઢોર પકડવા માટે પહોંચી હતી. આ દરમિયાન એક ગાય પહેલા માળે પહોંચી ગઈ હતી.

વધુ જુઓ ...
    અમદાવાદ: ગુજરાત હાઇકોર્ટે ઝાટકણી કાઢ્યા બાદ રાજ્યના વિવિધ શહેરોમાં રખડતા ઢોરોને પાંજરે પુરવાની કામગીરી હાલ પૂરજોશમાં ચાલી રહી છે. ઢોર પકડ પાર્ટી તરફથી શહેરના રસ્તાઓ પર રખડતા ઢોરને પકડીને પાંજરે પુરવામાં આવી રહ્યા છે. આ દરમિયાન અમદાવાદ શહેરમાં એક વિચિત્ર કિસ્સો સામે આવ્યો છે. અહીં ઢોર પાર્ટીથી ડરીને એક ગાય મકાનના પહેલા માળ સુધી પહોંચી ગઈ હતી. એટલું જ નહીં, ડરી ગયેલી ગાયે ત્યાંથી કૂદકો મારી દીધો હતો. અમદાવાદ શહેરના ગોમતીપુર વિસ્તારમાં આ બનાવ બન્યો છે.

    ગાયે કૂદકો માર્યો


    મળતી માહિતી પ્રમાણે અમદાવાદ મ્યુનિસિપલ કોર્પોરેશનની ઢોર પકડ પાર્ટીની ટીમે ગુરુવારે ગોમતીપુર વિસ્તારમાં કાર્યવાહી કરી હતી. ઢોર પકડ પાર્ટીની સાત જેટલી ટીમ ગોમતીપુર પોલીસ સ્ટેશન સામે ઢોર પકડવા માટે પહોંચી હતી. આ દરમિયાન એક ગાય મકાનના પહેલા માળ સુધી પહોંચી ગઈ હતી. હકીકતમાં ગાય ઢોર પકડ પાર્ટીથી ડરીને મકાનના પહેલા માળ સુધી પહોંચી ગઈ હતી.

    પાછી ન ફરી શકતો ભૂસકો માર્યો


    બીજી તરફ ઢોર પકડ પાર્ટીના સભ્યને જોઈને ડરે ગયેલી ગાયે પહેલા માળેથી ભૂસકો માર્યો હતો. હકીકતમાં ગાયને પરત ફરવા માટે કોઈ જગ્યા મળી ન હતી. પહેલા માળેથી નીચે કૂદતા ગાયને પગ અને માથાના ભાગે ઈજા પહોંચી હતી. બાદમાં ગાયને સારવાર માટે ઢોરવાડામાં ખસેડવામાં આવી હતી.

    ઉલ્લેખનીય છે કે મંગળવારે આ વિસ્તારમાં કાર્યવાહી દરમિયાન ઢોર પકડ પાર્ટીની ટીમ પર હુમલો થયો હતો. આ દરમિયાન એક કર્મીને ઈજા પહોંચી હતી. જેના બીજા દિવસે એટલે કે ગુરુવારે પણ આ વિસ્તારમાં ઢોર પકડવાની કાર્યવાહી ચલાવવામાં આવી હતી.


    વીડિયો આવ્યો સામે


    ગાયે કૂદકો માર્યો હોવાનો જે વીડિયો સામે આવ્યો છે તેમાં જોઈ શકાય છે કે એક ગાય મકાનના પહેલા માળે ગેલેરીમાં પહોંચી ગઈ છે. બીજી તરફ ઢોર પકડ પાર્ટીનો વ્યક્તિ સીડી પરથી ઉપર આવે છે. ઢોર પકડ પાર્ટીના સભ્યને જોઈને જ ગાય અચાનક ભડકે છે અને ગેલેરીમાંથી નીચે કૂદે છે.
    Published by:Vinod Zankhaliya
    First published:

    Tags: Stray Cattle, અમદાવાદ, ગુનો, પોલીસ

    विज्ञापन

    विज्ञापन

    આગામી સમાચાર

    विज्ञापन
    विज्ञापन