Home /News /ahmedabad /અમદાવાદની શિવાની શુક્લાએ 125 કિલો ડેડલિફ્ટમાં જીત્યો ગોલ્ડ મેડલ; જીતી ચૂકી છે 18 મેડલો

અમદાવાદની શિવાની શુક્લાએ 125 કિલો ડેડલિફ્ટમાં જીત્યો ગોલ્ડ મેડલ; જીતી ચૂકી છે 18 મેડલો

14 ગોલ્ડ મેડલ, 4 સિલ્વર મેડલ અને 2 વાર નેશનલ ચેમ્પિયન તરીકે વિજેતા મેળવી છે

23 વર્ષીય શિવાની શુક્લાએ જુનિયર કેટેગરીમાં નેશનલ લેવલ પર પાવર લિફ્ટિંગ ક્ષેત્રે મહત્તમ 125 કિલો ડેડલિફ્ટમાં ગોલ્ડ મેડલ જીતીને ઈતિહાસ રચી અમદાવાદ અને ગુજરાતનું ગૌરવ વધાર્યું છે.14 ગોલ્ડ મેડલ, 4 સિલ્વર મેડલ અને 2 વાર નેશનલ ચેમ્પિયનશિપ જીતી ચૂકી છે.

વધુ જુઓ ...
    Parth Patel, Ahmedabad:  આપણે અત્યાર સુધીમાં ઘણી સ્પર્ધાઓ જોઈ હશે અને મિત્રો સાથે રમ્યા પણ હોઈશું. તેમાં પણ બોડીબિલ્ડીંગ, વેઈટ લિફ્ટિંગ જેવી સ્પર્ધાઓથી આપણે સૌ માહિતગાર છીએ. પરંતુ તમને જાણીને નવાઈ લાગશે કે પાવર લિફ્ટિંગ એટલે કે કેવી સ્પર્ધા હશે. ઘણા ઓછા લોકો જાણે છે કે આ પાવર લિફ્ટિંગ રમત એ ઓલિમ્પિક વેઈટ લિફ્ટિંગની જેમ રમાતી એક મજબૂત રમત છે.

    125 કિલો ડેડલિફ્ટમાં ગોલ્ડ મેડલ જીતીને ઈતિહાસ રચ્યો

    પાવર લિફ્ટિંગ રમતમાં ત્રણ લિફ્ટ્સ પર મહત્તમ વજનના ત્રણ પ્રયાસોનો સમાવેશ થાય છે. જેમાં સ્ક્વોટ, બેન્ચ પ્રેસ અને ડેડલિફ્ટ. જેમાં અમદાવાદના વસ્ત્રાલ વિસ્તારમાં રહેતી 23 વર્ષીય શિવાની શુક્લાએ જુનિયર કેટેગરીમાં નેશનલ લેવલ પર પાવર લિફ્ટિંગ ક્ષેત્રે મહત્તમ 125 કિલો ડેડલિફ્ટમાં ગોલ્ડ મેડલ જીતીને ઈતિહાસ રચી અમદાવાદ અને ગુજરાતનું ગૌરવ વધાર્યું છે.

    જમ્મુ-કશ્મીર ખાતે યોજાયેલી નેશનલ લેવલની પાવર લિફ્ટીંગ સ્પર્ધામાં વિજેતા યુવતીને ઈન્ડિયન પાવર લિફ્ટીંગ ફેડરેશન દ્વારા વિજેતા શિવાનીને ગોલ્ડ મેડલ અર્પણ કર્યો હતો. આ માટે શિવાની શુક્લાની કોચ પુજા સિંઘ એ શિવાનીને સખત અને સતત આ સ્પર્ધા માટે તૈયાર કરી હતી અને ગોલ્ડ મેડલ વિજેતા બનાવી હતી. આ સ્પર્ધા સામાન્ય રીતે ફેડરેશન પર આધાર રાખે છે.

    આ પણ વાંચો:  શું તમે તમારા ઘરનું ઈન્ટિરીટર ડેકોરેટ કરવા માંગો છો? અહી 1000 કરતા પણ વધુ છે વેરાયટી

    14 ગોલ્ડ મેડલ, 4 સિલ્વર મેડલ અને 2 વાર નેશનલ ચેમ્પિયન તરીકે વિજેતા મેળવી છે

    શિવાની એ પોતાની કારકિર્દીની શરૂઆત એક જીમથી કરી હતી. તેણે સૌપ્રથમ અમદાવાદ સ્પોર્ટ્સ પાવર લિફ્ટિંગ એસોસિએશન દ્વારા આયોજીત સ્પર્ધામાં ગોલ્ડ મેડલ મેળવ્યો હતો. ત્યારબાદ ગુજરાત અને ઈન્ડિયા લેવલે પણ પ્રથમ રેન્ક મેળવી અનોખી સિદ્ધિ હાંસલ કરી છે. તેણે અત્યાર સુધીમાં 14 ગોલ્ડ મેડલ અને 4 સિલ્વર મેડલ મેળવ્યા છે. જેમાં 2 વખત નેશનલ લેવલ પર વિજેતા પ્રાપ્ત કરી ચુકી છે.

    ઈન્ટરનેશનલ લેવલ પર પહોંચી ભારતનું ગૌરવ વધારવાનું સ્વપ્ન

    શિવાની શુક્લા સાથે વાત કરતા જણાવ્યું કે પાવર લિફ્ટિંગ ક્ષેત્રે મોટા ભાગે સ્પર્ધક તરીકે છોકરાઓ નામના મેળવતા જોયા છે. પરંતુ એક છોકરી તરીકે સ્પર્ધામાં ભાગ લઈને તેણે ઈતિહાસ રચ્યો છે. જે સૌ લોકો માટે એક ખુશીની વાત છે. તેનું સ્વપ્ન ઈન્ટરનેશનલ લેવલ પર પહોંચી ભારતનું ગૌરવ વધારવાનું છે.
    Published by:Santosh Kanojiya
    First published:

    Tags: Ahmedabad news, Award, Gold Medal, National

    विज्ञापन

    ન્યૂઝ 18 ગુજરાતી ટ્રેન્ડિંગ

    વધુ વાંચો
    विज्ञापन
    विज्ञापन
    विज्ञापन