Chello Show: ઓસ્કારમાં એન્ટ્રી મેળવનાર ‘છેલ્લો શો’ ફિલ્મની રિલીઝ પહેલા જ બાળ કલાકારનું અમદાવાદમાં અવસાન

અમદાવાદ : ભારતના બાળ કલાકાર અને ઓસ્કારમાં એન્ટ્રી મેળવેલ ફિલ્મ ‘છેલ્લો શો’ ના 10 વર્ષીય એક્ટર રાહુલ કોળી માટે તેની પ્રથમ ફિલ્મ તેના માટે નવી કારકિર્દીની સીડી બની હતી. પરંતુ 2 ઓક્ટોબરના રોજ અમદાવાદની કેન્સર હોસ્પિટલમાં લ્યુકેમિયાના કારણે તેનું અવસાન થતા ગમગીની છવાઇ છે.

જામનગર નજીક આવેલા તેના વતન હાપા ખાતે તેના પરિવાર દ્વારા પ્રાર્થના સભા યોજવામાં આવી હતી. રાહુલના પિતા રામુ કોળી ઓટોરિક્ષા ડ્રાઇવર છે અને તેમણે જણાવ્યું કે, ‘તે ખૂબ જ ખુશ હતો અને કહેતો હતો કે, 14 ઓક્ટોબર પછી આપણું જીવન બદલાઇ જશે.’ મૂવી રિલિઝ થશે ત્યારે રાહુલના નિધનને 13 દિવસ અટલે કે તેનું તેરમું થશે. જે દિવસે મૃત્યું પછીની કેટલીક વિધિઓ કરવામાં આવે છે.

આપને જણાવી દઇએ કે, 12 દિવસ પહેલા જ ફેડરેશન ઓફ ઇન્ડિયાએ 95માં એકેડેમી એવોર્ડ્સમાં ભારતની ઓફિશ્યલ એન્ટ્રી તરીકે ગુજરા ફિલ્મની પસંદગી કરી હતી. ફિલ્મ ‘છેલ્લો શો’ ડાયરેક્ટર યુએસ સ્થિત પાન નલિન ઉર્ફે નલિન પંડ્યા છે. જેઓ સૌરાષ્ટ્રમાં ઉછર્યા છે અને તેની આસપાસ આ ફિલ્મની કહાની હશે. રાહુલે ફિલ્મમાં સિગ્નલમેનના પુત્ર અને મુખ્ય પાત્ર સમયના ખાસ મિત્ર મનુની ભૂમિકા ભજવી હતી. આ ફિલ્મમાં 6 બાળ કલાકારો છે, જે તમામ સ્ટોરીમાં ખૂબ મહત્વનો રોલ નિભાવશે.

ફિલ્મ નિર્માતા નલિને જણાવ્યું કે, રાહુલના અવસાનથી ફિલ્મ સાથે જોડાયેલા દરેક વ્યક્તિને આઘાતમાં સરી ગયા છે. અમે આ કઠીન સમયમાં તેના પરિવારની સાથે છીએ. અમે તેને બચાવી શક્યા નથી.

 આ પણ વાંચો :  ટુવ્હીલરના નુકાસાનનો ખર્ચો લેવા કિશોરને જ ઉઠાવી લીધો

રાહુલને બ્લડ કેન્સર એટલે કે, લ્યુકેમિયા હોવાનું નિદાન થયા બાદ અમદાવાદની ગુજરાત કેન્સર રીસર્ચ ઇન્સ્ટીટ્યૂયમાં છેલ્લા ચાર મહિનાથી તેની સારવાર ચાલી રહી હતી. શૂટ પૂર્ણ થયા પછી પરિવારને બીમારીની જાણ થઇ હતી. તેને શરૂઆતમાં થોડો તાવ હતો અને દવા લેવા છતા તે વારંવાર બીમાર પડી રહ્યો હતો.

આ પણ વાંચો:  પીએમ મોદીએ સ્કેચ લાવવા ગાર્ડને કર્યો ઇશારો, Video

તેના પિતાએ ભારે હ્યદયે મીડિયાને જણાવ્યું હતુ કે, ‘રવિવારે તેણે નાસ્તો કર્યો અને પછી સખત તાવ આવ્યા પછી રાહુલને 3 વખત લોહીની ઉલટીઓ થઇ હતી. આ રીતે મેં મારું બાળક ગુમાવી દીધું. પરંતુ અમારો પરિવાર તેની અંતિમ શુદ્ધિકરણ વિધિ કર્યા પછી 14 ઓક્ટોબરના રોજ તેની ફિલ્મ એકસાથે જોઇશું.’ તેણે વધુમાં જણાવ્યું કે, રાહુલ 3 ભાઇ બહેનોમાં સૌથી મોટો હતો. અમે ગરીબ છીએ, પરંતુ તેનું સ્વપ્ન અમારા માટે બધુ જ હતું. તેની સારવાર માટે અમારે અમારી રિક્ષા વેચવી પડી. જ્યારે ફિલ્મ ક્રૂને ખબર પડી કે શું કર્યુ છે, ત્યારે તેઓએ અમને રિક્ષા પરત અપાવી દીધી.

2013ની ફિલ્મ ‘ધ ગુડ રોડ’ પછી આ બીજી ગુજરાતી ભાષાની ફિલ્મ છે, જેને ઓસ્કાર માટે નોમિનેટ કરવામાં આવી છે, જ્યાં તે બેસ્ટ ઇન્ટરનેશનલ ફીચર ફિલ્મ કેટેગરીમાં સ્પર્ધા કરશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Oscar Award, અમદાવાદ, ગુજરાત