1.46 કરોડના એમ ડી ડ્રગ્સના આરોપીએ સેશન્સ કોર્ટમાં જામીન અરજી કરી

અમદાવાદ : ક્રાઈમ બ્રાન્ચે ઝડપેલા 1.46 કરોડના ડ્ર્ગ્સ મામલે ચાર આરોપીઓ પૈકીના આરોપી શહેઝાદ તેજાબ વાળાએ સેશન્સ કોર્ટમાં જામીન અરજી કરી છે. ઉલ્લખનીય છે કે ગુજરાતના વરિષ્ઠ રાજનેતા શંકરસિંહ વાઘેલા ‘બાપુ’ની પાર્ટી જનવિકલ્પના ઉમેદવાર રહેલા તેજાબવાલા શેહજાદ હુસૈનને અમદાવાદ ક્રાઈમ બ્રાન્ચે SG હાઈવે પર આવેલ એક ટ્રાવેલ્સના લક્ઝરી બસના ડ્રાઈવર પાસેથી કુરિયરમાં દોઢ કરોડનું એમડી ડ્રગ્સ લેતા ઝડપી પાડ્યો હતો.કરોડના ડ્રગ્સ કૌભાંડ શહેજાદ ખાન અને તેના સાથીઓ અન્ય રાજ્યના કેટલાક ડ્રગ્સ માફિયાઓ સાથે સીધા સંપર્કમાં હોવાની માહિતી મળી હતી. તમામ ઘટનાને જોતા ઉચ્ચ અધિકારીઓ તપાસમાં લાગી ગયા હતા અને કુલ ચાર આરોપીઓની ધરપકડ કરી હતી.

પોલીસે ડ્રગ્સ માફિયા શેહજાદ હુસૈનના સાગરિતો તેમજ તેમના લાગતા વળગતા લોકો સામે તપાસ શરુ કરી હતી. પોલીસ દ્વારા ધરપકડ કરાયેલા શેહજાદ હુસૈનની તપાસ કરતા શેહજાદ સાથે તેમના પિતા અને બીજા 2 લોકોની ધરપકડ કરાઇ હતી.પરંતુ પોલીસનું માનવુ હતુ કે શેહજાદ પોતે શાકભાજીના વેપારીના પડદા પાછળ ડ્રગ્સનું રેકેટ ચલાવતો હતો.