સિવિલ હોસ્પિટલની નવતર પહેલ, 1લી એપ્રિલથી દર્દીઓના હિતાર્થે ફોલોઅપ માટે SMS સેવા શરૂ કરાશે

Home /News /ahmedabad /સિવિલ હોસ્પિટલની નવતર પહેલ, 1લી એપ્રિલથી દર્દીઓના હિતાર્થે ફોલોઅપ માટે SMS સેવા શરૂ કરાશે

SMS સેવા

Civil Hospital Ahmedabad: અમદાવાદ સિવિલ હોસ્પિટલમાં રોજના હજારોની સંખ્યામાં લોકો સારવાર માટે આવે છે અમદાવાદ શહેર તેમજ ગુજરાત પર અને બહારના રાજ્યોના પણ દર્દીઓ સારવાર અર્થે આવે છે. સારવાર માટે આવતા દર્દીઓને મુશ્કેલી ન પડે અને સારામાં સારી સુવિધા મળી શકે તેવા પ્રયાસ કરવામાં આવી રહ્યા છે.

News18 Gujarati
Last Updated : March 31, 2023, 20:14 IST
Ahmadabad, India

વિભુ પટેલ

અમદાવાદ: અમદાવાદ સિવિલ હોસ્પિટલમાં રોજના હજારોની સંખ્યામાં લોકો સારવાર માટે આવે છે અમદાવાદ શહેર તેમજ ગુજરાત પર અને બહારના રાજ્યોના પણ દર્દીઓ સારવાર અર્થે આવે છે ત્યારે દર્દીઓની સુવિધામાં સિવિલ હોસ્પિટલ દ્વારા સતત વધારો કરવામાં આવી રહ્યો છે. સારવાર માટે આવતા દર્દીઓને મુશ્કેલી ન પડે અને સારામાં સારી સુવિધા મળી શકે તેવા પ્રયાસ કરવામાં આવી રહ્યા છે અને સાથે ડીઝીટલ તરફ દેશ જઈ રહ્યો છે ત્યારે સિવિલ હોસ્પિટલમાં પણ ફોલો અપ માટે આવતા દર્દીઓને એસએમએસ સુવિધા શરૂ કરાશે જેના કારણે દર્દીને મેસેજ દ્વારા જાણ કરવામાં આવશે.

સિવિલમાં સુવિધામાં કરાયો વધારો

અમદાવાદ સિવિલ હોસ્પિટલ દ્વારા 1લી એપ્રિલથી દર્દીઓના હિતાર્થે નવતર પહેલ હાથ ધરવામાં આવી રહી છે. જેના અંતર્ગત હોસ્પિટલમાં નિદાન અને સારવાર અર્થે આવતા દર્દીઓ એક વખત ડોક્ટરની મુલાકાત લીધા બાદ ફરી વખત તપાસ માટે આવવા તેઓને SMS કરીને જાણ કરવામાં આવશે. વધુમાં દર્દીઓએ ફરી વખત હોસ્પિટલમાં આવતી વખતે આગળની સારવારના કાગળ ઓપીડી વિભાગમાં સવારે 8:30 કલાકે બતાવવાના રહેશે.

આ પણ વાંચો: ગુજરાતમાં આજે કોરોના વાયરસના 338 નવા કેસ નોંધાયા, 276 લોકોનું રસીકરણ કરાયું

દર્દીઓને SMS કરીને જાણ કરવામાં આવશે

સિવિલ હોસ્પિટલમાં સુપ્રીટેન્ડન્ટ ડૉ. રાકેશ જોશીએ જણાવ્યું છે કે, દર્દીઓને સત્વરે અને સરળતાથી શ્રેષ્ઠ સારવાર ઉપલબ્ધ બને તે માટે દર્દીઓના સુખાકારીમાં વધારો કરતી પહેલ હાથ ધરવામાં આવી છે. દર્દીઓ એક વખત ડોક્ટરની મુલાકાત લીધા બાદ ફરી વખત તપાસ માટે આવવા તેઓને SMS કરીને જાણ કરવામાં આવશે. આ સુવિધા પહેલો એપ્રિલ સિવિલ હોસ્પિટલમાં શરૂ કરવામાં આવશે.

આ પણ વાંચો: વિધવા મહિલાને લગ્નની લાલચ આપી શારીરિક સંબંધ બાંધ્યો, મનપાના કર્મી વિરુદ્ધ ફરીયાદ

સિવિલ હોસ્પિટલે પણ ડિજિટલ અભિગમ અપનાવ્યો

સમગ્ર દેશમાં જ્યારે ડિજિટલ ઇન્ડિયા અંતર્ગત ગુડ ગવર્નન્સ અને એમ ગવર્નન્સના અભિગમ સાથે સરકારી સેવાઓને સરળ બનાવવામાં આવી રહી છે ત્યારે આ સમગ્ર પ્રક્રિયાને અનુસરીને સિવિલ હોસ્પિટલે પણ આ ડિજિટલ અભિગમ અપનાવ્યો છે. દર્દીઓની સુવિધામાં સિવિલ હોસ્પિટલ દ્વારા સતત વધારો કરવામાં આવી રહ્યો છે. સારવાર માટે આવતા દર્દીઓને મુશ્કેલી ન પડે અને સારામાં સારી સુવિધા મળી શકે તેવા પ્રયાસ કરવામાં આવી રહ્યા છે.