Home /News /ahmedabad /

નવરાત્રીમાં ગરબે ઘૂમ્યા બાદ ભૂખ લાગે તો ચિંતા નહીં, રાત્રે 12 વાગ્યા બાદ પણ ખુલ્લી રહેશે રેસ્ટારાં

નવરાત્રીમાં ગરબે ઘૂમ્યા બાદ ભૂખ લાગે તો ચિંતા નહીં, રાત્રે 12 વાગ્યા બાદ પણ ખુલ્લી રહેશે રેસ્ટારાં

નવરાત્રીમાં ગરબે ઘૂમ્યા બાદ ભૂખ લાગે તો ચિંતા નહીં

Navratri 2022: વગર કોઈ ડર અને છૂપાઈને ખાવાને બદલે કાયદાની મંજૂરી સાથે ગરબા રમ્યા બાદ પરિવાર અથવા તો મિત્રોની સાથે રાત્રે 12 વાગ્યા બાદ પણ ખાણીપીણીની મોજ માણી શકાશે

    અમદાવાદ: આ વખતે નવરાત્રિમાં રાત્રિના 12 વાગ્યા સુધી લાઉડ સ્પીકરની છૂટ અપાઈ છે. આ અંગે ગૃહ રાજ્યમંત્રી હર્ષ સંઘવીએ કહ્યું કે, રાત્રિના 12 વાગ્યા સુધી નોરતા રમ્યા બાદ ઘરે જતી વખતે લોકો ખાણીપીણી પણ કરતા હોય છે, ત્યારે રાજ્યમાં અનેક જગ્યાએ ખેલૈયાઓને ઘરે જતા પહેલા પેટનો ખાડો ભરવો હશે તો તેમને છૂટ છે. કેમકે, રાજ્યમાં અનેક જગ્યાએ રેસ્ટોરાં ખુલ્લી રાખવમાં આવશે. એટલે કે, વગર કોઈ ડર અને છૂપાઈને ખાવાને બદલે કાયદાની મંજૂરી સાથે ગરબા રમ્યા બાદ પરિવાર અથવા તો મિત્રોની સાથે રાત્રે 12 વાગ્યા બાદ પણ ખાણીપીણીની મોજ માણી શકાશે. સાથે જ ગૃહ રાજ્યમંત્રી હર્ષ સંઘવીએ કહ્યું કે, નવરાત્રિમાં પ્રતિબંધ કરતા વ્યવસ્થા વધુ મહત્વની છે.

    બીજી બાજુ, નવરાત્રિના પર્વને આડે ગણતરીના દિવસો બાકી રહ્યા છે, તેવામાં કોરોનાકાળ બાદ આ વર્ષે ધામધૂમથી નવરાત્રીનું આયોજન કરવામાં આવ્યું છે. અમદાવાદ શહેર પોલીસ દ્વારા નવરાત્રિમાં પાર્ટી પ્લોટ અને ક્લબોમાં યોજાતા ગરબાને લઈને ખાસ બંદોબસ્તનું આયોજન કરવામાં આવ્યું છે. અમદાવાદ પોલીસ એક્શનમાં આવી છે. અમદાવાદ શહેર પોલીસ તેમજ મ્યુનિસિપલ કોર્પોરેશન દ્વારા સાથે રહીને રાત્રિના સમયે સ્ટ્રીટ લાઈટ અને શેરીઓની લાઈટ ચાલુ રહે તે માટેનું આયોજન કરવામાં આવ્યું છે. સાથે જ આ વર્ષે એસજી હાઇવે પણ વાહન ચાલકો માટે ખુલ્લો રાખવાનો નિર્ણય લેવામાં આવ્યો છે. રાત્રિના 12:00 વાગ્યા સુધી લાઉડ સ્પીકર વગાડવાની મંજૂરી આપવામાં આવી છે, ત્યારે પાર્ટી પ્લોટમાં આવનારા તમામ ખેલૈયાઓ માટે વાહન પાર્કિંગની યોગ્ય વ્યવસ્થા થાય અને ખેલૈયાઓને કોઈપણ પ્રકારે ખલેલ ન પડે તે મુજબનું આયોજન કરવામાં આવ્યું છે.


    આ પણ વાંચો: નવરાત્રિને લઈ પોલીસ સજ્જ, વાહન પાર્કિંગ માટે ખાસ પ્લાન, આયોજકોએ CCTV સાચવી રાખવા આદેશ

    ઉપરાંત, નવરાત્રિમાં ખેલૈયાઓ મન મૂકીને ગરબે ઘૂમી શકશે. હવામાન વિભાગે આગાહી કરી છે કે, રાજ્યમાં નવરાત્રિ દરમિયાન વરસાદની કોઈ શક્યતા નથી. જોકે, દક્ષિણ ગુજરાતના કેટલાક વિસ્તારોમાં વરસાદ વરસી શકે છે, પરંતુ સૌરાષ્ટ્રના ભાગોમાં વરસાદની આગાહી નથી. છૂટો છવાયો વરસાદ રાજ્યના વિવિધ શહેરોમાં રહેશે. અમદાવાદ ગાંધીનગરમાં વાદળછાયું વાતાવરણ રહેવાની શક્યતા છે. બંગાળમાં લો પ્રેશરને કારણે દક્ષિણ ગુજરાતમાં ભારે વરસાદની આગાહી છે. વલસાડ, નવસારી, દમણ, ડાંગ, નર્મદા, ભરૂચમાં ભારે વરસાદ ખાબકી શકે. કેટલાક વિસ્તારોમાં વરસાદનું જોર વધવાની સાથે ભારે પવનો ફૂંકાવાનું પણ અનુમાન છે. અમદાવાદમાં હાલમાં ગરમીનું પ્રમાણ વધ્યું છે. ગાંધીનગર અને અમદાવાદના કેટલાક વિસ્તારોમાં સામાન્ય વરસાદની સંભાવના છે.
    Published by:Azhar Patangwala
    First published:

    Tags: Garba, Gujarat News, Navratri 2022

    विज्ञापन

    विज्ञापन

    આગામી સમાચાર

    विज्ञापन
    विज्ञापन