Home /News /ahmedabad /ગુજરાતમાં 5 લાખથી વધુ લોકોને સમજાયું નહીં કે કોને વોટ આપવો, જાણો શું છે મામલો?

ગુજરાતમાં 5 લાખથી વધુ લોકોને સમજાયું નહીં કે કોને વોટ આપવો, જાણો શું છે મામલો?

રાજ્યમાં યોજાયેલી વિધાનસભાની ચૂંટણીમાં NOTA માટે 5,01,202 અથવા 1.5 ટકા મત પડ્યા હતા.

ચૂંટણી પંચના ડેટા અનુસાર, રાજ્યમાં યોજાયેલી વિધાનસભાની ચૂંટણીમાં NOTA માટે 5,01,202 અથવા 1.5 ટકા મત પડ્યા હતા, જે 2017ની વિધાનસભા ચૂંટણીમાં 5,51,594 કરતા ઓછા છે.

News18 Gujarati
Last Updated : December 09, 2022, 20:56 IST
Gandhinagar, India

ગાંધીનગર: ગુજરાત વિધાનસભાની ચૂંટણીમાં ભાજપે જંગી જીત નોંધાવી છે. ભારતીય જનતા પાર્ટીએ ગુજરાતમાં 182 સભ્યોની વિધાનસભાની ચૂંટણીમાં 156 બેઠકો જીતીને નવી સરકાર બનાવવાનો પોતાનો દાવો મજબૂત કર્યો છે. જેમાં 12 ડિસેમ્બરે ગુજરાતના નવા સીએમ એટલે કે ભૂપેન્દ્ર પટેલ મુખ્યમંત્રી તરીકે શપથ લે તેવી શક્યતા છે. આટલી બેઠકો જીત્યા પછી પણ પાંચ લાખથી વધુ લોકોને સમજાયું ન હતું કે ગુજરાત વિધાનસભાની ચૂંટણીમાં કોને મત આપવો. જેમાં 5,01,202 લોકોએ NOTA પર મતદાન કર્યું હતુ.

ગુજરાતની ખેડબ્રહ્મા વિધાનસભા બેઠક પર 'NOTA' પર સૌથી વધુ 7,331 મત પડ્યા હતા. પરંતુ એક સારી વાત એ બની છે કે 2017ની સરખામણીમાં આ વખતે 9 ટકાથી વધુ વોટ ઘટી ગયા છે. 2017ની ચૂંટણીની સરખામણીમાં NOTAની મત ટકાવારીમાં ઘટાડો થયો છે. 2017ની સરખામણીએ ગુજરાત વિધાનસભાની ચૂંટણીમાં NOTAના મતનો હિસ્સો નવ ટકાથી વધુ ઘટ્યો છે, જેમાં ખેડબ્રહ્મા બેઠક પર સૌથી વધુ 7,331 NOTA મતો નોંધાયા છે.

આ પણ વાંચો: ભૂપેન્દ્ર પટેલની નવી કેબિનેટમાં આ નેતાઓને મળી શકે છે સ્થાન? આ હોઇ શકે છે યાદી

NOTA મતમાં ખેડબ્રહ્મા સૌથી આગળ

ચૂંટણી પંચના ડેટા અનુસાર, રાજ્યમાં યોજાયેલી વિધાનસભાની ચૂંટણીમાં NOTA માટે 5,01,202 અથવા 1.5 ટકા મત પડ્યા હતા, જે 2017ની વિધાનસભા ચૂંટણીમાં 5,51,594 કરતા ઓછા છે. ખેડબ્રહ્મા સીટ પર નોટા પર સૌથી વધુ 7,331 વોટ, દાંતામાં 5,213 અને છોટા ઉદેપુરમાં 5,093 વોટ મળ્યા હતા.

આ પણ વાંચો: મહારાષ્ટ્રમાં 'લવ જેહાદ' વિરુદ્વ બનશે કાયદો? જાણો ડેપ્યુટી CM દેવેન્દ્ર ફડણવીસે શુ કહ્યું?

કપરાડામાં 'NOTA' પર સૌથી ઓછો મત, દેવગઢ બારિયામાં 4,821, શહેરામાં 4,708, નિઝરમાં 4,465, બારડોલીમાં 4,211, દસક્રોઈમાં 4,189, ધરમપુરમાં 4,189, ચોર્યાસીમાં 4,169, સંખેડામાં 4,143, વડોદરા શહેરમાં 4,02 અને કપરડામાં 4,020 જેટલા નોટા પર મતદાન થયું હતું.

ભાજપને 52.5 ટકા વોટ મળ્યા છે

ગુજરાતમાં ભાજપને 52.5 ટકા વોટ અને 157 સીટો મળી છે. કોંગ્રેસ 41.4 ટકાથી ઘટીને 27.3 ટકા પર આવી ગઈ છે. મજબૂત વિપક્ષ કોંગ્રેસને 17 બેઠકો મળી હતી જ્યારે વાતાવરણ બદલનાર આમ આદમી પાર્ટીને 5 બેઠકો મળી હતી.