Ahmedabad Monsoon 2022: અમદાવાદના વાતાવરણમાં આવ્યો પલટો, શહેર પર મંડરાયા કાળાડીબાંદ વાદળો

Home /News /ahmedabad /Ahmedabad Monsoon 2022: અમદાવાદના વાતાવરણમાં આવ્યો પલટો, શહેર પર મંડરાયા કાળાડીબાંદ વાદળો

ગુજરાતમાં સામાન્ય રીતે જૂનના ત્રીજા સપ્તાહ બાદ ચોમાસાનું આગમન થતું હોય છે. પરંતુ આ વખતે ચોમાસાનું વહેલું આગમન થાય તેવી પૂરી સંભાવના છે. હવામાન વિભાગે ગુજરાતમાં વરસાદના આગમન અંગે જણાવ્યું હતુ કે, 'નૈઋત્યના ચોમાસાએ મધ્ય અરેબિયન સમુદ્રના બાકીના ભાગ, મુંબઇ સહિત કોંકણના મોટાભાગના વિસ્તાર, મધ્ય મહારાષ્ટ્ર તેમજ કર્ણાટકના કેટલાક હિસ્સામાં પ્રવેશ કરી લીધો છે. હવે થોડા કલાકોમાં નૈઋત્યનું ચોમાસું ઉત્તર અરેબિયન સમુદ્રના કેટલાક ભાગ તેમજ ગુજરાતમાં પ્રવેશે તે માટેની સાનુકૂળ સ્થિતિ સર્જાઇ છે. આગામી બેથી ત્રણ દિવસમાં ગુજરાતમાં ચોમાસાનું આગમન થઇ શકે છે.'

અમદાવાદમાં મોડી સાંજ બાદ વાતાવરણમાં પલ્ટો આવ્યો છે અને શહેર પર કાળા ડીબાંગ વાદળો છવાઇ ગયા છે. ત્યારે અમદાવાદી લોકો પણ મેઘરાજાની એન્ટ્રીની રાહ જોઇ રહ્યા છે. ત્યાં અમદાવાદના બાવળામાં વરસાદ પડ્યો છે. ત્યાં જ શહેરના અનેક વિસ્તારોની ઉપર વાદળછાયું વાતાવરણ જોવા મળી રહ્યું છે.

વધુ જુઓ ...

News18 Gujarati
Last Updated : June 07, 2022, 19:22 IST

published by :rakesh parmar

ગુજરાત (Gujarat Monsoon 2022)માં સૌ કોઇ મેઘરાજા (Rain)ની આતુરતાથી રાહ જોઇ રહ્યા હતા, આજે તેનો અંત આવી ગયો છે. કેરળમાં ચોમાસું (Monsoon 2022) બેસી ગયા બાદ તેની આગળ વધવાની ઝડપ વધી ગઇ હોય તેમ લાગે છે. આજથી જ રાજ્યમાં જાણે ચોમાસું બેસી ગયું હોય તેમ અમરેલી (Amreli Monsoon) જિલ્લાના સાવરકુંડલામાં આજે જેઠ મહિનામાં જ અષાઢી માહોલ જોવા મળ્યો હતો. આજે એકાએત સાવરકુંડલા, બનાસકાંઠા અને રાજ્યના અનેક વિસ્તારોમાં વાતાવરણ પલ્ટાયુ હતું અને અમરેલીના લાઠીમાં તો ધોધમાર વરસાદ વરસી રહ્યો છે એવામાં અમદાવાદ (Ahmedabad Rain)ના વાતાવરણમાં પણ પલટો આવી ગયો છે.

અમદાવાદમાં મોડી સાંજ બાદ વાતાવરણમાં પલ્ટો આવ્યો છે અને શહેર પર કાળા ડીબાંગ વાદળો છવાઇ ગયા છે. ત્યારે અમદાવાદી લોકો પણ મેઘરાજાની એન્ટ્રીની રાહ જોઇ રહ્યા છે. ત્યાં અમદાવાદના બાવળામાં વરસાદ પડ્યો છે. ત્યાં જ શહેરના અનેક વિસ્તારોની ઉપર વાદળછાયું વાતાવરણ જોવા મળી રહ્યું છે.

આ પણ વાંચો- અમદાવાદના ડૉક્ટરોએ 107 વર્ષની વૃદ્ધાના હૃદયને ફરી ધબકતું કરી ઇતિહાસ રચ્યો

ત્યાં જ આજે અમરેલીના ઘણા વિસ્તારોમાં વાતાવરણમાં પલટો જોવા મળ્યા બાદ મેઘરાજાનું આગમન થયું છે. આજે બપોર પછી સાવરકુંડલાના વંડા, મેવાસા, શેલણા, વાશિયાળી, ભમોદરા સહિતના ગ્રામ્ય વિસ્તારમાં વરસાદ પડ્યો હતો. અમરેલીના લાઠી પંથકમાં પણ વરસાદનું આગમન થતા લોકો ઝુમી ઉઠ્યા હતા અને અસહ્ય બફારા બાદ વરસાદી માહોલ જામ્યો હતો. ત્યાં જ લાઠીના હરસુરપુર દેવળીયા, શેખ પીપરીયા, કેરીયા સહિતના ગામોમાં વરસાદ પડ્યો હતો. વરસાદના આગમનથી વાતાવરણમાં ઠંડક પ્રસરી ગઇ છે.

બનાસકાંઠામાં અનેક સ્થળોએ વરસાદનું આગમન થયું છે અને મેઘરાજા મન મૂકીને વરસી રહ્યા છે. ત્યાં જ ક્યાંક વરસાદની સાથે કરાં પણ વરસ્યા હતા. ગરમીની વચ્ચે જ વરસાદ વરસતા લોકોએ રાહત અનુભવી હતી.

આ પણ વાંચો- પત્નીના ચારિત્ર્ય પર શંકા જતા પતિએ માથુ ધડથી અલગ કરી નાંખ્યું

ઉલ્લેખનિય છે કે, રાજ્યમાં એક બે દિવસમાં પ્રિમોન્સુન એક્ટિવિટીનો પ્રારંભ થઈ શકે છે. હવામાન વિભાગે 8 થી 10 જૂન દરમિયાન દક્ષિણ ગુજરાત અને સૌરાષ્ટ્રમાં હળવાથી મધ્યમ વરસાદની આગાહી કરવામાં આવી છે. વાતાવરણમાં પલટાના કારણે ચાર દિવસ સુધી સરેરાશ મહત્તમ તાપમાનમાંમાં ઘટાડો નોંધાઈ શકે છે.