Meteorological day: આજે વિશ્વ હવમાન દિવસ; વેધર, ક્લાઈમેન્ટ, વોટર થીમ પર ઉજવણી

અમદાવાદ: આજે વિશ્વ હવામાન દિવસ છે. THE FUTURE OF WEATHER, CLIMATE & WATER ACROSS GENERATIONS થીમ પર વિશ્વ હવમાન દિવસ ઉજવણી કરવામાં આવી રહી છે. સમગ્ર દેશ અને દુનિયા ગ્લોબલ વોર્મિંગ અને ક્લાઈમેન્ટ ચેન્જની અસર જોવા મળી રહી છે જેનાથી ચિંતા વધી રહી છે. ક્લાઈમેન્ટ ચેન્જ થઇ રહ્યુ છે અને પ્રભાવ પણ વધી રહ્યો છે. ઋતુમાં બદલાવના કારણે કૃષિ પાક અને લોકોના સ્વાસ્થ્ય પર અસર જોવા મળી રહી છે.

છેલ્લા કેટલાક વર્ષોમાં જોઈએ તો ઋતુઓમાં ફેરફાર થઇ રહ્યો છે. વારંવાર સિસ્ટમ બની રહી છે અને તેની અસર ગુજરાતના વાતાવરણ પર જોવા મળી રહી છે. બદલાતા વાતાવરણની અસર કૃષિ પાક પર પણ થાય છે. ચાલુ વર્ષે શિયાળામાં પણ ગરમીનો અહેસાસ લોકોએ કર્યો અને મહત્તમ તાપમાને 50 વર્ષનો રેકોર્ડ તોડી દીધો. તો ચાલુ વર્ષે ઉનાળાની શરુઆતમાં ચોમાસા જેવો માહોલ જોવા મળ્યો. જાણે ચોમાસું ચાલુ હોય તેમ એક સપ્તાહ સુધી સતત કમોસમી વરસાદ થઇ રહ્યો છે. પશ્ચિમ દિશા તરફથી આવતા પવન હિમાલય તરફ જતા રહેતા હતા. પરંતુ ચાલુ વર્ષે ગુજરાતમાં વરસાદ આપીને પવન ઉપર જઈ રહ્યા છે. માર્ચમાં માવઠુ આ રીતે તો પહેલી વખત થયુ હશે.

આ પણ વાંચો: બે મિનિટનો વીડિયો તમને પણ ભાવુક કરી દેશે

ત્યારે વેધર, ક્લાઈમેન્ટ, વોટરને લઈને ભવિષ્યમાં આવનાર પડકારોને સામે કઈ રીતે લડી શકાય તેનુ માર્ગદર્શન આપવામાં આવશે. તેમજ વરસાદની આગાહી, તાપમાન, પવનની દિશા કઈ રીતે નક્કી કરવામાં આવે છે. કઈ ટેક્નોલોજીનો ઉપયોગ કરી રહ્યા છે. ક્યા ક્યા મશીનના માધ્યમ કઈ રીતે ફોરકાસ્ટ તૈયાર થાય છે. આ તમામ વસ્તુઓ એક્ઝિબિશનના માધ્યમથી સમજાવવામાં આવશે. આજે હવામાન વિભાગ અમદાવાદ ખાતે સાંજના 5 વાગ્યા સુધી વિદ્યાર્થીઓ અથવા તો રસ ધરાવતા લોકો મુલાકાત લઈ શકશે અને વેધર બુલેટિનની માહિતી મેળવી શકાશે.

આજે અહીં પડી શકે છે ધોધમાર વરસાદ

આજે હવામાન વિભાગ દ્વારા રાજ્યના અમદાવાદ સહિતના ભાગોમાં વરસાદ પડવાની સંભાવના વ્યક્ત કરવામાં આવી છે. હવામાન વિભાગની આગાહી પ્રમાણે આજે તથા આવતીકાલે અમુક વિસ્તારોમાં વરસાદી માહોલ રહ્યા બાદ તેનો અંત આવી શકે છે. અમદાવાદ હવામાન કેન્દ્રના વડા ડૉ. મનોરમા મોહંતીએ બુધવારે રાજ્યના હવામાન અંગે જણાવ્યું હતુ કે, રાજ્યમાં થંડરસ્ટ્રોમ એક્ટિવિટી સાથે કેટલાક ભાગોમાં વીજળીના ચમકારા સાથે વરસાદ વરસી શકે છે.

પરેશ ગોસ્વામીએ રાજ્યમાં આજે તોફાની વરસાદ થવાની સંભાવના વ્યક્ત કરી છે. જેમાં સૌરાષ્ટ્ર-કચ્છ સહિતના વિસ્તારો અંગે સંભાવના વ્યક્ત કરી છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Ahmedabad news, Gujarat News, Gujarat Weather