રાજ્ય સરકારને 134.98 કરોડનો ચૂનો લગાવનાર બોગસ બિલિંગના કૌભાંડનો માસ્ટર માઇન્ડ ઝડપાયો

Home /News /ahmedabad /રાજ્ય સરકારને 134.98 કરોડનો ચૂનો લગાવનાર બોગસ બિલિંગના કૌભાંડનો માસ્ટર માઇન્ડ ઝડપાયો

જીએસટી વિભાગએ મહંમદ ટાટાને અમદાવાદથી ઝડપી પાડ્યો છે.

GST Scam: આ કૌભાંડનો પર્દાફાશ કરવા માટે અને આરોપીને ઝડપવા માટે 3 ડેપ્યુટી કક્ષાના અધિકારીની ટીમ અને 6 આસીસ્ટન્ટ કક્ષાના અધિકારીની ટીમ કામે લાગી હતી.

News18 Gujarati
Last Updated : October 17, 2022, 16:43 IST
, India

સંજય ટાંક

અમદાવાદ: બોગસ બિલિંગ દ્વારા થતી કરચોરીનું કૌભાંડ શોધી કાઢવામાં સ્ટેટ જીએસટી વિભાગને સફળતા હાથ લાગી છે. અને બોગસ બિલિંગ કૌભાંડનો માસ્ટર માઈન્ડ મોહમ્મંદ ટાટાની જીએસટી વિભાગે કરી ધરપકડ કરી છે. અત્યાર સુધીમાં જીએસટી વિભાગ દ્વારા કરોડોના બિલિંગના કૌભાંડ શોધી કાઢવામાં આવેલા છે. અને કુલ 95 ઈસમોની ધરપકડ કરવામાં આવી છે.

જીએસટી વિભાગએ મહંમદ ટાટાને અમદાવાદથી ઝડપી પાડ્યો છે. ત્યારે કેવી રીતે આ કૌભાંડ આચરવામાં આવતું હતું તે શોધી કાઢવામાં જીએસટીના અલગ અલગ અધિકારીઓની ટીમ કામે લાગી હતી. અને આખરે આ કૌભાંડનો પર્દાફાશ કરવામાં જીએસટીને સફળતા મળી છે.

બોગસ બિલિંગનો માસ્ટર માઈન્ડ ભાવનગરનો મહંમદ અબ્બાસ શબ્બીરઅલી સવજાણી ઉર્ફે મહંમ્મદ ટાટા છેલ્લા ઘણા સમયથી નાસતો ફરતો હતો. આ મોહમ્મંદ ટાટાની જીએસટી વિભાગે કરી ધરપકડ છે. સ્ટેટ જીએસટીના એડીશનલ કમિશનર મિલિંગ કાવટકરના જણાવ્યા અનુસાર મોહમંદ ટાટાએ 739.29 કરોડના બોગસ બીલ બનાવી 134.98 કરોડની વેરાશાખ મેળવી હતી. જીએસટી વિભાગે કુલ 60 કરોડથી વધુની વેરાશાખ રીકવર કરી છે.

આ કૌભાંડને પર્દાફાશ કરવા માટે જુન 2021 થી જીએસટીની ટીમ તેની તપાસમાં હતી. આખરે મોહંમદ ટાટા અમદાવાદથી ઝડપાયો છે. આ અગાઉ 10 આરોપીઓની બોગસ બિલિંગ કૌભાંડમાં ધરપકડ કરાઈ છે. આ કૌભાંડીની મોડસ ઓપરેન્ડી પર નજર કરીએ તો આરોપી જરૂરિયાત મંદ લોકોના દસ્તાવેજો નો ઉપયોગ કરી બોગસ પેઢી રજીસ્ટ્રર કરતો હતો. આરોપઓ અત્યાર સુધી 121 બોગસ કંપીનીઓ બનાવી ખોટા બીલ બનાવતો હતો. જેના નામે માલની હેકફેર વિના બિલો ઇશ્યુ કરી ખોટી વેરા શાખ મેળવતો હતો.

આ પણ વાંચો: રાજ્ય સરકાની મોટી જાહેરાત, CNG-PNGના વેટમાં 10 ટકાનો ઘટાડો

બોગસ પેઢીના એકાઉન્ટમાં જમા થતા રૂપિયા અન્ય બેંક એકાઉન્ટમાં જમા કરી રોકડ ઉપાડી બેનીફીશીયર વેપારીઓને આંગડીયાથી પહોચાડતો હતો. આ 121 કંપનીઓ સાથે સીધી કે આડકતરી રીતે સંકળાયેલા 1639 લોકો સામે જીએસટી વિભાગ દ્વારા તપાસ કરવામાં આવી રહી છે. આ કૌભાંડનો પર્દાફાશ કરવા માટે અને આરોપીને ઝડપવા માટે 3 ડેપ્યુટી કક્ષાના અધિકારીની ટીમ અને 6 આસીસ્ટન્ટ કક્ષાના અધિકારીની ટીમ કામે લાગી હતી.

આ પણ વાંચો: રાજ્યમાં બેવડી ઋતુ વચ્ચે હવામાન વિભાગની આગાહી

મહત્વનું છે કે મહંમદ ટાટા અમદાવાદ હોવાની ખાનગી રાહે બાતમી મળી હતી જેના આધારે તેને પકડી પાડવા અલગ અલગ ટીમો દ્વારા વોચ ગોઠવવામાં આવી હતી. અને બાતમીના આધારે જે તે જગ્યાએથી તેને ફિલ્મી ઢબે પકડી પાડવામાં આવ્યો હતો. આ સમગ્ર કૌભાંડમાં હજુ પણ તપાસ ચાલી રહી છે. અને કરચોરીનો આંક વધવાની શક્યતા છે.