Ahmedabad: આ સંસ્થા આપે છે સ્વરક્ષણની તાલીમ, તમે પણ જોડાવો

Parth Patel, Ahmedabad : માર્શલ આર્ટ એ એક સામાન્ય શબ્દ છે. જે વિવિધ દેશોની લડાઈ પદ્ધતિઓને આપવામાં આવે છે. જેમાં કરાટે, કુંગ-ફૂ, જુડો, કિક બોક્સિંગ અને અન્ય સેંકડો માર્શલ આર્ટની તાલીમ હેઠળ આવે છે. ત્યારે આ પ્રકારની તાલીમ ધ હાઈવ ખાતે આત્મ સુરક્ષા માટે તાલીમ આપવામાં આવે છે.

સેન્સીએ વિશ્વભરના વિદ્યાર્થીઓને રાષ્ટ્રીય અને આંતરરાષ્ટ્રીય કેન્દ્રો પર તાલીમ આપી

માર્શલ આર્ટની તાલીમ નિખિલ ત્રિવેદી અને અદિતી ત્રિવેદી દ્વારા આપવામાં આવે છે. જેમાં સેન્સી નિખિલ ત્રિવેદી 8મો ડેન બ્લેક બેલ્ટ અને વિવિધ રાષ્ટ્રીય અને આંતરરાષ્ટ્રીય પુરસ્કારોના પ્રાપ્તકર્તા હોવા સાથે ગ્રાન્ડમાસ્ટરનું બિરુદ ધરાવે છે. સેન્સીએ વિશ્વભરના વિદ્યાર્થીઓને અનેક રાષ્ટ્રીય અને આંતરરાષ્ટ્રીય કેન્દ્રો પર તાલીમ આપી છે. તે એક શ્રદ્ધાળુ યોગ સાધક, ઉત્સુક પર્વતારોહક, રેકી માસ્ટર અને પ્રાણિક હીલિંગમાં ટ્રેનર અને કુદરતી ઉપચાર પ્રણાલીમાં નિષ્ણાત પણ છે.

વિદ્યાર્થીઓમાં વ્યક્તિત્વમાં પરિવર્તન લાવવાનો ઉદ્દેશ્ય

સેન્સીનો ઉદ્દેશ્ય માત્ર કેવી રીતે લડવું અને મજબૂત બનવું તે શીખવવાનો નથી. પરંતુ વિદ્યાર્થીઓની શારીરિક, માનસિક અને આધ્યાત્મિક ક્ષમતાઓને મજબૂત કરીને તેમના વ્યક્તિત્વમાં સર્વગ્રાહી પરિવર્તન લાવવાનો અને તેમને જીવન પ્રત્યેના સંતુલિત અભિગમ તરફ માર્ગદર્શન આપવાનો છે.જ્યારે સેન્સી અદિતિ ત્રિવેદી યોગ અને માર્શલ આર્ટ ટ્રેનર છે. તેણીને પ્રથમ ત્રણ વર્ષની ઉંમરે કરાટે સાથે પરિચય થયો હતો અને હવે માર્શલ આર્ટ તેના જીવનનો અભિન્ન ભાગ બની ગયો છે. તે 12 વર્ષની ઉંમરે બ્લેક બેલ્ટ બની હતી અને 2015 થી વિદ્યાર્થીઓને તાલીમ આપી રહી છે.

માર્શલ આર્ટની સાથે પાત્રને આકાર આપવાનું યોગદાન પણ આપે

સેન્સાઈ નિખિલ ત્રિવેદી દ્વારા 1981માં સ્થપાયેલ અર્જુન સ્કૂલ ઓફ માર્શલ આર્ટ (ASMA) એ ગુજરાતની એક અગ્રણી માર્શલ આર્ટ સંસ્થા છે. જેણે 40 વર્ષના ગાળામાં 40,000 થી વધુ વિદ્યાર્થીઓના જીવનમાં પરિવર્તન કર્યું છે. ત્યારે હવેથી ધ હાઈવ ખાતે પણ આ પ્રકારનું શિક્ષણ આપવામાં આવી રહ્યું છે. સર્વગ્રાહી જીવનના વિઝન અને મિશન માટે ધ હાઈવ એ તેના વિદ્યાર્થીઓને માત્ર માર્શલ આર્ટ જ શીખવતી નથી.પરંતુ તેમના પાત્રને આકાર આપવામાં પણ યોગદાન આપે છે.

કરાટેમાં હુમલો કરવા માટે શસ્ત્રોનો ઉપયોગ કર્યા વિના વિરોધીને પછાડવા માટે માત્ર શરીરની શક્તિ અને તકનીકનો ઉપયોગ કરવામાં આવે છે. કિક બોક્સિંગ એ સ્વ-બચાવની પરિસ્થિતિઓ માટે એક ઉત્તમ સંપર્ક રમત માર્શલ આર્ટ છે. સ્પિરિટ કોમ્બેટમાં ભાગવું, ફેંકવું, પડવું, રોલિંગ અને પકડવાની મૂળભૂત કુશળતાનો સમાવેશ થાય છે.જો તમારે પણ માર્શલ આર્ટની તાલીમ મેળવવી હોય તો ધ હાઈવની મુલાકાત લઈ શકો છો. વધુ માહિતી માટે www.the-hive.in વેબસાઈટનો સંપર્ક કરી શકો છો.

સરનામું : ધ હાઈવ, 11, અશ્વમેઘ બંગ્લો, ભાગ-2, એ-વન સ્કૂલની ગલીમાં, સેટેલાઈટ રોડની બહાર, અમદાવાદ.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Ahmedabad news, Local 18, Self care