માનવ તસ્કરીનો મુખ્ય આરોપી Santro Ravi અમદાવાદથી ઝડપાયો, ઘણા દિવસથી કર્ણાટકમાંથી હતો ફરાર

અમદાવાદ: માનવ તસ્કરીના ફરાર આરોપી 'Santro Ravi'ની અમદાવાદ ક્રાઇમ બ્રાન્ચ દ્વારા ધરપકડ કરવામાં આવી છે. મળતી પ્રાથમિક માહિતી પ્રમાણે અમદાવાદ-ગાંધીનગર વચ્ચેથી તેમની અને તેમના સાગરીતની ધરપકડ કરવામાં આવી હતી. જણાવી દઈએ કે, ઘણા સમયથી આરોપી સેન્ટ્રો કર્ણાટકમાંથી ફરાર હતો, જેની સ્થાનિક પોલીસ સહિતની અનેક એજન્સીઓ દ્વારા શોધખોળ હાથ ધરવામાં આવી હતી. જોકે, હાલ અમદાવાદ ક્રાઈમ બ્રાન્ચ દ્વારા માનવ તસ્કરી સાથે જોડાયેલા આરોપી સેન્ટ્રો રવિની ધરપકડ કરવામાં આવી છે.

ઘણા દિવસોથી કર્ણાટકમાંથી ફરાર

સેન્ટ્રો છેલ્લા ઘણા દિવસોથી કર્ણાટકમાંથી ફરાર હતો. જેની આજે અમદાવાદ અને ગાંધીનગર વચ્ચેથી ધરપકડ કરવામાં આવી છે. રવિ સામેના અન્ય એક ચોંકાવનારા આરોપમાં, JDS નેતાએ દાવો કર્યો કે, 'સેન્ટ્રો રવિ' એ બેંગલુરુ રાજરાજેશ્વરી નગર પોલીસ સ્ટેશનને એક પત્ર લખ્યો હતો, જેમાં દાવો કર્યો હતો કે તે ભાજપનો સક્રિય કાર્યકર છે. કુમારસ્વામીએ વિગતે જણાવ્યું કે, જગદીશ નામના ફરિયાદીએ આરઆર નગર પોલીસ સ્ટેશનમાં 'સેન્ટ્રો રવિ' વિરુદ્ધ મની ટ્રાન્સફરમાં છેતરપિંડીનો આરોપ લગાવીને કેસ નોંધાવ્યો હતો. બદલામાં 'સેન્ટ્રો રવિ'એ પોલીસને એક પત્ર લખ્યો હતો, જેમાં તેણે રાજકીય લોકો સાથેની તેની ઓળખાણનો ઉલ્લેખ કર્યો હતો.



પત્રમાં શું લખ્યું છે?

ભૂતપૂર્વ મુખ્ય પ્રધાન પાસે રહેલા આ પત્રને વાંચતી વખતે જણાવ્યું હતું કે, રવિએ આ વાતની બડાઈ મારી હતી કે તે પોલીસ અધિકારીઓની બદલી કરાવી શકે છે અને તેણે કવરિંગ લેટરમાં તેમાંથી કેટલાકના નામ પણ આપ્યા હતા. આ કથિત પત્ર વાંચીને, કુમારસ્વામીએ સેન્ટ્રો રવિને ટાંકીને કહ્યું કે, "મેં ત્રણ-ચાર વર્ષથી ભાજપના કાર્યકર તરીકે કામ કર્યું છે. અમારા પક્ષના ધારાસભ્યો અને મંત્રીઓ સાથે મારા સંબંધો છે. એટલા માટે મેં ઘણા અધિકારીઓની બદલી કરાવી છે."

'સેન્ટ્રો રવિ' નો ઉદય

નામ ન આપવાની શરતે ન્યૂઝ18 સાથે વાત કરતા એક પોલીસ સૂત્રએ જણાવ્યું હતું કે, “અમે તેને છેલ્લા દાયકામાં ટોચના રાજકારણીઓ અને રાજકીય પક્ષોના મંત્રીઓ સાથે સામાજિકતા કરતા જોયા છે. રવિ સરકારમાં ફિક્સર તરીકે ખૂબ શક્તિશાળી બની ગયો હતો. તેમ છતાં તેની ગેરકાયદેસર કામગીરી મોટાભાગે મૈસૂરુની બહાર આધારિત હતી, જ્યારે તેની સામે પોલીસ કેસ નોંધવામાં આવ્યો હતો, ત્યારે તેણે રાજકારણીઓ સાથેના તેના સંબંધનો ઉપયોગ પોતાને નિર્દોષ જાહેર કરવા માટે કર્યો હતો. તેમણે રાજકારણીઓ, ઉદ્યોગપતિઓ અને હાઈ-પ્રોફાઈલ ક્લાયન્ટ્સને મહિલાઓની સપ્લાય પણ કરી અને પછી ભવિષ્યના ઉપયોગ માટે તેમના પુસ્તકોમાં તેમના નામ રાખ્યા છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Ahmedabad crime branch, Ahmedabad ​​Crime news, Human Trafficking