Gujarat Monsoon: આગામી 5 દિવસ આ વિસ્તારોમાં થંડર સ્ટ્રોમ સાથે ભારે વરસાદ પડવાની આગાહી

રાજ્યમાં ગરમી અને બફારા વચ્ચે લોકો મેઘરાજા (Gujarat Monsoon 2022)ના આગમનની રાહ જોઈ રહ્યા છે. જો કે ચોમાસુ મહારાષ્ટ્રના કેટલાક ભાગ સુધી પહોંચી ગયું છે. અને આગળ વધવા માટે પરિસ્થિતિ સાનુકૂળ છે. જો કે ગુજરાતમાં ચોમાસા (Monsoon)નો વરસાદ (Rain) આવે છે તે પહેલાં જ પ્રી મોન્સૂન વરસાદ આવી રહ્યો છે. દક્ષિણ ગુજરાત મધ્ય ગુજરાત અને સૌરાષ્ટ્રમાં વરસાદી માહોલ બની રહ્યો છે અને સૌરાષ્ટ્રના કેટલાક વિસ્તારોમાં તો મેઘરાજાની સારી એવી પધરામણી પણ થઇ ગઇ છે.

આ દરમિયાન હવામાન વિભાગે આગાહી કરી છે. આગામી 5 દિવસ સામાન્યથી મધ્યમ વરસાદની આગાહી કરવામાં આવી છે. દક્ષિણ ગુજરાતમાં ડાંગ તાપી નર્મદામાં ભારે વરસાદની આગાહી કરવામાં આવી છે તો સૌરાષ્ટ્ર, દક્ષિણ ગુજરાત અને મધ્ય ગુજરાતના કેટલાક વિસ્તારોમાં થન્ડર સ્ટોર્મ એક્ટીવના કારણે ગાજવીજ અને ભારે પવન સાથે સામાન્યથી મધ્યમ વરસાદની આગાહી કરવામાં આવી છે. તેમજ હવામાન વિભાગનું અનુમાન છે કે આગામી 3 દિવસ દરમિયાન ગુજરાત રાજ્યના ઉત્તર અરબી સમુદ્રના કેટલાક ભાગોમાં ચોમાસાના આગળ વધવા માટે સ્થિતિઓ અનુકુળ બનતી રહેશે.

12 જૂન, 2022

દક્ષિણ ગુજરાતના તાપી નર્મદા જિલ્લામાં ભારે વરસાદની આગાહી હવામાન વિભાગ દ્વારા કરવામાં આવી છે. સૌરાષ્ટ્ર, દીવ, દમણ અને દાદરાનગર હવેલીમાં ભારે પવન સાથે સામાન્યથી મધ્યમ વરસાદની આગાહી કરવામાં આવી છે.

આ પણ વાંચો- અમદાવાદીઓ ઇલેક્ટ્રિક વાહનની ખરીદી તરફ વળ્યાં

13 જૂન, 2022

દક્ષિણ ગુજરાત, સૌરાષ્ટ્ર, કચ્છમાં થન્ડર સ્ટ્રોમના કારણે ભારે પવન સાથે એટલે કે 30 થી 40 કિલોમીટરની પવન સાથે સામાન્યથી મધ્યમ વરસાદની આગાહી કરવામાં આવી છે. અમદાવાદ, પાટણ, બનાસકાંઠા અને સાબરકાંઠામાં પણ સામાન્યથી મધ્યમ વરસાદની આગાહી કરવામાં આવી છે.

14 જૂન, 2022

સુરત, ડાંગ, નવસારી, વલસાડ, દમણ દાદરા નગર હવેલી, અમરેલી, રાજકોટ, જૂનાગઢ, ગીર-સોમનાથ અને દીવ ગાજવીજ સાથે 30થી 40 કિલોમીટરની ઝડપે પવન ફૂંકાશે સાથે સામાન્યથી મધ્યમ વરસાદની આગાહી કરવામાં આવી છે.

આ પણ વાંચો- સોનિયા ગાંધી ગંગારામ હોસ્પિટલમાં દાખલ

15 જૂન, 2022

સુરત, નવસારી, વલસાડ, દમણ દાદરા નગર હવેલી, અમરેલી, જૂનાગઢ અને દીવમાં ભારે પવન અને ગાજવીજ સાથે સામાન્યથી મધ્યમ વરસાદની આગાહી કરવામાં આવી છે.

16 જૂન, 2022

સુરત, નવસારી, વલસાડ, દમણ દાદરા નગર હવેલી, અમરેલી, જૂનાગઢ અને ગીર દીવમાં 30 થી 40 કિલોમીટરની ઝડપે પવન ફૂંકાશે સાથે જ સામાન્યથી મધ્યમ વરસાદની આગાહી કરવામાં આવી છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Gujarat monsoon, Gujarat monsoon 2022, Monsoon 2022, Monsoon season