કેજરીવાલના કંસવાળા નિવેદન પર હર્ષ સંઘવી ભડક્યા, કહ્યુ- 'ગુજરાતના લોકો તેમને ઓળખી ગયા છે'

અમદાવાદ : ગુજરાત વિધાનસભાની ચૂંટણી તારીખો હજુ જાહેર થઈ નથી એવામાં નેતાઓના આક્ષેપ પ્રતિ આક્ષેપ થવા લાગ્યા છે. ગુજરાત પ્રવાસે આવેલા દિલ્હીના મુખ્યમંત્રી અરવિંદ કેજરીવાલે  વડોદરામાં તિરંગા યાત્રામાં ભાગ લીધો હતો. જે દરમિયાન રોડશોનાં આયોજન બાદ કેજરીવાલે કેમ છો? સાથે સંબોધન શરૂ કર્યું હતું. કેજરીવાલે ભાજપ પર પ્રહાર કરતા જણાવ્યું હતું કે, 'હું કટ્ટર ભક્ત છું. મારો જન્મ જન્માષ્ટમી દિવસે થયો હતો. ભગવાને મને કંસની ઓલાદોનો નાશ કરવા અને આ લોકોથી મુક્તિ અપાવવા મોકલ્યો છે. હવે જનતા પરિવર્તન માગે છે. મને ગમે તેવી નફરત કરો પણ ભગવાનનું અપમાન કરશો તો ભગવાન નહીં છોડે.'

આ પ્રકારના નિવેદન બાદ આજે રાજ્યના ગૃહમંત્રી હર્ષ સંઘવીએ કેજરીવાલને વળતો જવાબ આપીને જણાવ્યું કે, કેજરીવાલને પોતાને યાદ કરવું પડે કે તેમનો જન્મ ક્યારે થયો છે. એ જ ગુજરાતની જનતાની જીદ છે, જન્મ તો બદલાતો રહે છે પરંતુ કેજરીવાલ પર હું કઈ બોલવા નથી માંગતો એમના મંત્રી ધર્માંતરણનો આવો મોટો કારસો રચે છે.

આ પણ વાંચો:  દિવાળી સુધી ગુજરાતમાં કેવું રહેશે હવામાન

ગુજરાતના લોકો એમને ઓળખી ગયા છે અને કેજરીવાલ ક્યારે કોના ભક્ત છે તે નક્કી નથી થતું. એટલે એમને તો ગુજરાતની જનતા બતાવશે જનતાનો વિરોધ રોષ બતાવશે.

આ પણ વાંચો: પાટીલનો પલટવાર, 'અનંત આદિવાસીઓને ભડકાવી રહ્યો છે'

ગઈકાલે પણ ધર્માંતરણ નો મુદ્દો ઉછળ્યો હતો

આમ આદમી પાર્ટીના મંત્રીની હાજરીમા દિલ્હીમા થયેલા ધર્માંતરણનો મામલે ગુજરાતભરમા કેજરીવાલ અને આપ વિરોધી પોસ્ટર લાગ્યા છે. અમદાવાદ, રાજકોટ, વડોદરા, ગાંધીનગર, સુરત સહિતના શહેરોમા ઠેર-ઠેર ચૂંટણી પહેલાં પોસ્ટરવોર શરૂ થયુ હોય એવા દ્રશ્યો સામે આવ્યા છે.

MLA અનંત પટેલ પર હુમલાની ઘટનાનો મુદ્દો

ગૃહ રાજ્યમંત્રી હર્ષ સંઘવીનો અનંત પટેલ પર પ્રહાર

''ચૂંટણીમાં બીજી વ્યક્તિ સાથે આવું થતું નથી''#harshsanghvi #BreakingNews #Gujarat #AnantPatel pic.twitter.com/HUQsbkB8GR

— News18Gujarati (@News18Guj) October 9, 2022

રાતોરાત લાગેલા પોસ્ટરોથી વાતાવરણ તંગ બનતા દિવસ દરમિયાન માહોલ પણ ગરમાયેલો જોવા મળ્યો હતો. હિન્દુ દેવી દેવતાઓ પરની ટિપ્પણીના પોસ્ટરથી ચૂંટણી ટાણે ધર્મનો મુદ્દો હાવી બન્યો છે. 'હું ઈશ્વરને માનીશ નહી' તેવા લખાણ સાથે કેજરીવાલના મુસ્લિમ પોશાકમાં બેનરો પણ લાગ્યા છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Gujarat Elections, Gujarat Politics, ગુજરાત, હર્ષ સંઘવી