Home /News /ahmedabad /

રાષ્ટ્ર ધ્વજનું સન્માન જાળવો: જાળવણી ન થાય તો રાષ્ટ્રધ્વજને એએમસીમાં કરાવી દો જમા

રાષ્ટ્ર ધ્વજનું સન્માન જાળવો: જાળવણી ન થાય તો રાષ્ટ્રધ્વજને એએમસીમાં કરાવી દો જમા

Ahmedabad News: હર ઘર તિરંગા અભિયાન અતંર્ગત મહાનગર પાલિકા દ્વારા તિરંગા આપવાનું આયોજન કરાયું હતું. અભિયાન અંતર્ગત લાખોની સંખ્યામાં લોકોએ તિરંગા મેળવ્યા હતા

Ahmedabad News: હર ઘર તિરંગા અભિયાન અતંર્ગત મહાનગર પાલિકા દ્વારા તિરંગા આપવાનું આયોજન કરાયું હતું. અભિયાન અંતર્ગત લાખોની સંખ્યામાં લોકોએ તિરંગા મેળવ્યા હતા

અમદાવાદ: ભારતની આઝાદીના 75 વર્ષ (India 75th Independence Day) નિમિત્તે કેન્દ્ર સરકાર દ્વારા  ૧૩ ઓગસ્ટથી ૧૫ ઓગસ્ટ સુધી "હર ઘર તિરંગા" (Har Ghar Tiranga) અભિયાનનું આયોજન કરવામાં આવ્યુ હતું. જે અંતર્ગત અમદાવાદ (Ahmedabad) શહેરનાં શહેરીજનોએ પોતાના ઘર અથવા ધંધાના સ્થળે લગાવવામાં આવેલા રાષ્ટ્ર ધ્વજનો "code of flag" મુજબ તેનું માન સન્માન જળવાય તે રીતે રાખવાનો રહે છે. જો કોઈ શહેરીજનને રાષ્ટ્ર ધ્વજની જાળવણી કરવામાં મુશ્કેલી જણાતી હોય તો જરૂર જણાયે અમદાવાદ મ્યુ.કોર્પોરેશનના  (AMC) નજીકના સિટી સિવિક સેન્ટર, વોર્ડ ઓફીસ,  ઝોનલ ઓફિસનો સંપર્ક કરીને  તે રાષ્ટ્ર ધ્વજને જમા કરાવી શકશે.

હર ઘર તિરંગા અભિયાન અતંર્ગત મહાનગર પાલિકા દ્વારા તિરંગા આપવાનું આયોજન કરાયું હતું. અભિયાન અંતર્ગત લાખોની સંખ્યામાં લોકોએ તિરંગા મેળવ્યા હતા. લોકોએ પોતાના ઘર અને દુકાનો તેમજ વાહનો પર લગાવી રાષ્ટ્ર ભાવના ઉભી કરી હતી. પરંતુ હવે રાષ્ટ્ર ધ્વજનું અપમાન ન થાય તે ખાસ કાળજી લેવી જરૂરી છે. જેથી એએસમી દ્વારા નિર્ણય લેવાયો છે .

રાષ્ટ્રધ્વજ ફરકાવવાના નિયમો ‘ફ્લેગ કોડ ઑફ ઈન્ડિયા, ૨૦૦૨’ની કેટલીક મુખ્ય વિશેષતાઓ અહીં રજૂ કરવામાં આવી છે.

1. ભારતીય રાષ્ટ્રધ્વજ ભારતના લોકોની આશાઓ અને આકાંક્ષાઓનું પ્રતિનિધિત્વ કરે છે. રાષ્ટ્રધ્વજ આપણા રાષ્ટ્રીય ગૌરવનું પ્રતીક છે અને રાષ્ટ્રધ્વજ પ્રત્યે સાર્વત્રિક સ્નેહ, આદર અને વફાદારી છે. તે ભારતના લોકોની ભાવનાઓ અને માનસમાં એક વિશિષ્ટ સ્થાન ધરાવે છે.
2. ભારતીય રાષ્ટ્રધ્વજ ફરકાવવો/ઉપયોગ/પ્રદર્શન વગેરે ‘પ્રિવેન્શન ઓફ ઇન્સલ્ટ ટુ નેશનલ ઓનર એક્ટ, ૧૯૭૧’ અને ‘ફ્લેગ કોડ ઓફ ઈન્ડિયા, ૨૦૦૨’ અધિનિયમ દ્વારા સંચાલિત થાય છે.

સ્ટેચ્યૂ ઓફ યુનિટી પર પહેલીવાર ફરકાવવામાં આવ્યો રાષ્ટ્રધ્વજ, જુઓ મનમોહક aerial view Video

ફ્લેગ કોડ ઓફ ઈન્ડિયા, ૨૦૦૨ની કેટલીક મુખ્ય લાક્ષણિકતાઓ નાગરિકોની માહિતી માટે નીચે મુજબ છે –

ફ્લેગ કોડ ઓફ ઈન્ડિયા, ૨૦૦૨માં ૩૦મી ડિસેમ્બર, ૨૦૨૧ના આદેશ દ્વારા સુધારો કરવામાં આવ્યો હતો. જેના અનુસાર પોલિએસ્ટર અથવા મશીનથી બનેલા રાષ્ટ્રધ્વજને મંજૂરી આપવામાં આવી હતી. હવે, હાથથી બનાવેલા, હાથથી વણાયેલા કે મશીનથી બનાવેલા અથવા કપાસ/પોલિએસ્ટર/ઊન/સિલ્ક ખાદીના કપડાનો રાષ્ટ્રધ્વજ ફરકાવી શકાશે.
સાર્વજનિક, ખાનગી સંસ્થા અથવા શૈક્ષણિક સંસ્થાનો સભ્ય રાષ્ટ્રધ્વજની ગરિમા અને સન્માનને અનુરૂપ તમામ દિવસો અને પ્રસંગોએ ઔપચારિક અથવા અન્યથા રાષ્ટ્રધ્વજ ફરકાવી/પ્રદર્શિત કરી શકે છે.
ફ્લેગ કોડ ઓફ ઈન્ડિયા, ૨૦૦૨માં ૧૯મી જુલાઈ, ૨૦૨૨ના આદેશ દ્વારા સુધારો કરવામાં આવ્યો હતો. અને ફ્લેગ કોડ ઓફ ઈન્ડિયાના ભાગ-IIના ફકરા 2.2 ની કલમ(xi) ને નીચેની કલમ દ્વારા બદલવામાં આવી હતી:(xi)  જ્યાં ધ્વજ ખુલ્લામાં પ્રદર્શિત થાય છે અથવા જાહેર સભ્ય (નાગરિક)ના ઘરે      પ્રદર્શિત થાય છે, તેને દિવસે અને રાત્રે ફરકાવવી શકાશે.  રાષ્ટ્રીય ધ્વજ લંબચોરસ આકારનો હોવો જોઈએ. ધ્વજ કોઈપણ કદનો હોઈ શકે છે પરંતુ ધ્વજની લંબાઈ અને ઊંચાઈ(પહોળાઈ)નો ગુણોત્તર ૩:૨ હોવો જોઈએ.
જ્યારે પણ રાષ્ટ્રધ્વજ પ્રદર્શિત કરવામાં આવે છે, ત્યારે તે સન્માનના સ્થાન પર અને સ્પષ્ટ રીતે ફરકાવવો જોઈએ.
ક્ષતિગ્રસ્ત અથવા વિખરાયેલા ધ્વજને પ્રદર્શિત કરવામાં આવશે નહીં.
ધ્વજ એક જ માસ્ટહેડ પરથી અન્ય કોઈ ધ્વજ અથવા ધજાઓ સાથે ફરકાવવો જોઈએ નહીં.
ફ્લેગ કોડના ભાગ-IIIના સેક્શન IXમાં ઉલ્લેખિત મહાનુભાવો જેવા કે રાષ્ટ્રપતિ, ઉપરાષ્ટ્રપતિ, વડાપ્રધાન, રાજ્યપાલ વગેરે સિવાય કોઈએ પણ વાહન પર ધ્વજ લહેરાવવો જોઈએ નહીં.
અન્ય કોઈ ધ્વજ અથવા ધ્વજનું કાપડ રાષ્ટ્રધ્વજ કરતાં ઊંચાઈએ અથવા બાજુમાં મૂકવું જોઈએ નહીં.
વધુ વિગતો, ‘રાષ્ટ્રીય સન્માનનું અપમાન નિવારણ અધિનિયમ, ૧૯૭૧’ અને ‘ફ્લેગ કોડ ઓફ ઈન્ડિયા, ૨૦૦૨’ હેઠળ કેન્દ્રીય ગૃહ મંત્રાલયની વેબસાઈટ www.mha.gov.in પર ઉપલબ્ધ છે.
Published by:Kaushal Pancholi
First published:

Tags: AMC News, અમદાવાદ, ગુજરાત

विज्ञापन

विज्ञापन

આગામી સમાચાર

विज्ञापन
विज्ञापन