Home /News /ahmedabad /Gujarat Weather Update: જાણો કડકડતી ઠંડી ક્યારથી શરૂ થશે, હવામાન વિભાગની મોટી આગાહી

Gujarat Weather Update: જાણો કડકડતી ઠંડી ક્યારથી શરૂ થશે, હવામાન વિભાગની મોટી આગાહી

હવામાન વિભાગની મોટી આગાહી

Gujarat Weather Update: રાજ્યમાં ઉત્તર પૂર્વના ઠંડા પવનો ફૂંકાઈ રહ્યા છે. ત્યારે હવામાન વિભાગે પાંચ દિવસ સુધી વાતાવરણ સૂકું રહેશે તેવી આગાહી કરી છે. આ સાથે જ બેવડી ઋતુનો અહેસાસ થશે તેવું પણ જણાવ્યું છે.

અમદાવાદઃ રાજ્યમાં ઉત્તર પૂર્વના ઠંડા પવનો ફૂંકાઈ રહ્યા છે. ત્યારે હાલ વરસાદની કોઈ શક્યતા નથી. આ અંગે હવામાન વિભાગે વધુ જાણકારી આપતા જણાવ્યુ હતુ કે, આગામી પાંચ દિવસ સુધી વાતાવરણ સૂકું રહેશે. લઘુત્તમ અને મહત્તમ તાપમાન યથાવત રહેવાની શક્યતા છે. જો કે, અમદાવાદનું મહત્તમ તાપમાન 36 ડિગ્રી આસપાસ રહેવાની શક્યતા છે અને લઘુત્તમ તાપમાન 19 ડિગ્રી આસપાસ નોંધાશે. ઉલ્લેખનીય છે કે, મહત્તમ તાપમાન ઉંચુ અને લઘુત્તમ તાપમાન ખૂબ નીચું હોવાના કારણે બેવડી ઋતુનો અહેસાસ થશે.

બેવડી ઋતુનો અનુભવ થશે


વહેલી સવારે સૂકા અને ઠંડા પવનોને કારણે વહેલી સવારે ગુલાબી ઠંડીનો અહેસાસ થઈ રહ્યો છે. જો કે, હાલ તાપમાન યથાવત રહેશે. પરંતુ નવેમ્બર મહિનાથી તાપમાન ઘટવાનું શરૂ થઈ જશે અને ડિસેમ્બરથી કડકડતી ઠંડીનો અનુભવ થશે. હવામાન વિભાગનું અનુમાન છે કે, ઓક્ટોબર અને નવેમ્બર મહિનો ટ્રાન્ઝેક્શન પિરિયડ છે એટલે બેવડી ઋતુનો અનુભવ થશે.

આ પણ વાંચોઃ હવામાન નિષ્ણાત અંબાલાલ પટેલની આગાહી

ક્યાં કેટલું તાપમાન?


અમદાવાદનું લઘુત્તમ તાપમાન 19 ડિગ્રી, વડોદરાનું લઘુત્તમ તાપમાન 19 ડિગ્રી, ભુજનું મહત્તમ તાપમાન 21 ડિગ્રી, ડીસાનું લઘુત્તમ તાપમાન 21.4 ડિગ્રી, દિવનું લઘુત્તમ તાપમાન 20.3 ડિગ્રી, દ્વારકાનું લઘુત્તમ તાપમાન 24.3 ડિગ્રી, ગાંધીનગરનું લઘુત્તમ તાપમાન 16.8 ડિગ્રી, કંડલાનું લઘુત્તમ તાપમાન 23.6 ડિગ્રી, નલિયાનું લઘુત્તમ તાપમાન 19.8 ડિગ્રી, ઓખાનું લઘુત્તમ તાપમાન 25.3 ડિગ્રી, પોરબંદરનું લઘુત્તમ તાપમાન 21 ડિગ્રી, રાજકોટનું લઘુત્તમ તાપમાન 22.3 ડિગ્રી, સુરતનું લઘુત્તમ તાપમાન 21.6 ડિગ્રી અને વેરાવળનું લઘુત્તમ તાપમાન 23.5 ડિગ્રી નોંધાયું છે. છેલ્લા એક સપ્તાહમાં લઘુત્તમન તાપમાનમાં 2થી 3 ડિગ્રીનો ઘટાડો નોંધાયો છે. નવેમ્બર મહિનામાં તાપમાન વધુ ઘટશે.

આ પણ વાંચોઃ રાજ્યમાં બેવડી ઋતુ વચ્ચે હવામાન વિભાગની આગાહી

ખેડૂતોને રાહત રહેશે


ઉલ્લેખનીય છે કે, હાલ સૂકું વાતાવરણ રહેશે. સૂકા પવનની અસર સ્કીન પર થઈ રહી છે. તો બીજી તરફ, વાતાવરણ ચોખ્ખું હોવાના કારણે ખેડૂતોને રાહત રહેશે. ચોમાસુ પાક તૈયાર થઈ ગયો છે. હવે શિયાળુ પાકનું વાવેતર કરવાની તૈયારી ચાલી રહી છે.
Published by:Vivek Chudasma
First published:

Tags: Gujarat Weather, Gujarat Weather alert, Gujarat Weather Forecast, Gujarat weather news, Gujarat weather update, Gujarat Weather Updates

विज्ञापन
विज्ञापन