Gujarat Rain: વેસ્ટર્ન ડિસ્ટર્બન્સને કારણે અમદાવાદ શહેરમાં વરસાદની આગાહી છે. અમદાવાદ ઉપરાંત ગાંધીનગર, પાટણ, મહેસાણા અને બનાસકાંઠામાં પણ ભારે વરસાદ પડી શકે છે.
સુરત જિલ્લા ના કામરેજમાં ગત રોજ ભારે પવન સાથે વરસાદ વરસ્યો હતો. દરમિયાન કામરેજ ના કોળી ભરથાણા ગામે વીજળી પાડવાનો બનાવ બન્યો હતો. કોળી ભરથાણા ગામે હળપતિ વાસમાં એક ઝાડ નીચે ઉભેલા 5 ઈસમો ઉપર વીજળી પડી હતી. તમામને તાત્કાલિક ઇજાગ્રસ્ત હાલતમાં સારવાર અર્થે નજીકની ખાનગી હોસ્પિટલમાં ખસેડાયા હતા. પાંચ ઇજાગ્રસ્તોમાં એક યુવતી, એક બાળક અને ત્રણ યુવકનો સમાવેશ થાય છે. તમામ હાલ સારવાર હેઠળ છે. અને તેઓની તબિયત પણ હાલ સુધારા પર હોવાનું બહાર આવ્યું છે.
11:10 (IST)
દક્ષિણ ભારતમાં વરસાદી માહોલ સર્જાયો છે.
9:50 (IST)
24 કલાકમાં રાજ્યના 177 તાલુકામાં વરસાદ નોંધાયો છે. છેલ્લા 18 કલાકમાં છોટાઉદેપુરના કવાંટમાં 6.44 ઇંચ વરસાદ વરસ્યો છે. નવસારીના જલાલપોરમાં 129 એમએમ વરસાદ નોંધાયો છે.
8:28 (IST)
6 ઓગસ્ટના રોજ સૌરાષ્ટ્રમાં જૂનાગઢ, ગીર-સોમનાથ અને જૂનાગઢમાં ભારે વરસાદની આગાહી છે. દક્ષિણ ગુજરાતના નવસારી અને વલસાડ જિલ્લામાં ભારે વરસાદની આગાહી કરવામાં આવી છે. જ્યારે બે દિવસ બાદ અનેક વિસ્તારોમાં ભારે વરસાદની આગાહી છે.
7:33 (IST)
વડોદરામાં ધોધમાર વરસાદ : વડોદરામાં ધોધમાર વરસાદ વરસ્યો છે. શહેરના મધ્ય ભાગમાં આજે બપોરે વરસાદી ઝાપટું પડ્યું હતું. જેમાં રાજમહેલ રોડ અને વડોદાર મ્યુનિસિપલ કોર્પોરેશનની આજુબાજુમાં પાણી ભરાયા હતા. જેમાં કેટલાક વાહનચાલકોને હાલાકની સામનો કરવો પડ્યો હતો.
7:14 (IST)
ગુજરાતમાં અત્યારસુધીના વરસાદી આંકડા અંગે વાત કરીએ તો, રાજ્યમાં સરેરાશ 71.10 ટકા વરસાદ પડ્યો છે. જેમાં સૌથી વધારે વરસાદ કચ્છમાં 118.12 ટકા ખાબક્યો છે. ઉત્તર ગુજરાતમાં 58.05 ટકા, પૂર્વ-મધ્ય ગુજરાતમાં 58.05 ટકા, સૌરાષ્ટ્રમાં 62.56 ટકા અને દક્ષિણ ગુજરાતમાં 83.57 ટકા વરસાદ પડ્યો છે.
7:2 (IST)
5 ઓગસ્ટ એટલે આજના આણંદ, વડોદરા અને ભરૂચ જિલ્લામાં ભારે વરસાદની આગાહી કરવામાં આવી છે. આ દિવસે અન્ય કોઈ જિલ્લામાં વરસાદની સંભાવના નહિવત છે.
6:57 (IST)
આજથી એટલે કે, પાંચમી ઓગસ્ટથી લઈને ગુજરાતમાં વરસાદનું જોર વધશે. સાત અને આઠ ઓગસ્ટના રોજ રાજ્યમાં અતિભારે વરસાદ પડવાની આગાહી (Heavy rain forecast) વ્યક્ત કરવામાં આવી છે. આ સમય દરમિયાન ડાંગ, તાપી, છોટાઉદેપુરમાં ભારે વરસાદની આગાહી છે. તો સૌરાષ્ટ્ર-કચ્છમાં સારો વરસાદ પડશે. વેસ્ટર્ન ડિસ્ટર્બન્સને કારણે અમદાવાદ શહેરમાં વરસાદની આગાહી છે. અમદાવાદ ઉપરાંત ગાંધીનગર, પાટણ, મહેસાણા અને બનાસકાંઠામાં પણ ભારે વરસાદ પડી શકે છે.
ગુજરાતમાં વરસાદને લઈને હવામાન વિભાગે (Meteorological Department) આગાહી કરી છે. હવામાન વિભાગના જણાવ્યા પ્રમાણે આગામી પાંચ દિવસ ગુજરાતમાં વરસાદી (Gujarat rain forecast) વાતાવરણ રહેશે. આજથી એટલે કે, પાંચમી ઓગસ્ટથી લઈને ગુજરાતમાં વરસાદનું જોર વધશે. સાત અને આઠ ઓગસ્ટના રોજ રાજ્યમાં અતિભારે વરસાદ પડવાની આગાહી (Heavy rain forecast) વ્યક્ત કરવામાં આવી છે. આ સમયગાળા દરમિયાન ડાંગ, તાપી, છોટાઉદેપુરમાં ભારે વરસાદની આગાહી છે. તો સૌરાષ્ટ્ર-કચ્છમાં સારો વરસાદ પડશે. અમદાવાદ શહેરની વાત કરીએ તો પાંચ દિવસ સામાન્ય વરસાદ રહેશે. અમદાવાદ શહેરમાં આગામી 24 કલાક દરમિયાન ભારે વરસાદ પડવાની પણ સંભાવના રહેલી છે. વેસ્ટર્ન ડિસ્ટર્બન્સને કારણે અમદાવાદ શહેરમાં વરસાદની આગાહી છે. અમદાવાદ ઉપરાંત ગાંધીનગર, પાટણ, મહેસાણા અને બનાસકાંઠામાં પણ ભારે વરસાદ પડી શકે છે. રાજ્યમાં આઠમી ઓગસ્ટના રોજ અતિભારે વરસાદ પડવાની આગાહી છે.
LIVE NOW
