અમદાવાદ: નિકોલ બેઠક પર ભાજપના ઉમેદવાર જગદીશ વિશ્વકર્માની જીત

અમદાવાદ: ગુજરાત વિધાનસભાની ચૂંટણીના પરિણામો જાહેર થઇ રહ્યા છે. આજે સવારના 8 કલાકથી ગણતરી ચાલી રહી છે, ત્યારે નિકોલ બેઠક પર ભાજપના ઉમેદવાર જગદીશ વિશ્વકર્માની જીત થઇ છે. આ બેઠક પર કોંગ્રેસના ઉમેદવાર રણજીત બારડની હાર થઇ છે.

આ બેઠક પર 58.84 ટકા મતદાન થયું હતું

અમદાવાદની નિકોલ બેઠક પર ભાજપના ઉમેદવાર જગદીશ વિશ્વકર્માની જીત થઇ છે. તેમની સામે કોંગ્રેસના ઉમેદવાર રણજીત બારડ મેદાને હતા. નોંધનીય છે કે, આ બેઠક પર 1,51,055 વોટ પડ્યા હતા. ટકાવારી પ્રમાણે આ બેઠક પર 58.84 ટકા મતદાન થયું હતું. નિકોલ બેઠક પર કુલ 2,56,737 મતદારો છે. જેમાં 1,37,577 પુરુષ મતદારો અને 1,19,152 મહિલા મતદારોનો સમાવેશ થાય છે.

આ પણ વાંચો: બાપુનગર બેઠક કોંગ્રેસના હાથમાંથી સરકી, ભાજપના દિનેશ કુશવાહની જીત

2017-2012માં પણ ભાજપની થઇ હતી જીત

બીજી બાજુ, ગત 2017ની ચૂંટણીની વાત કરીએ તો આ બેઠક પર ભાજપની જીત થઇ હતી. 2017માં આ બેઠક પર 67.25% ટકા મતદાન થયું હતું. જ્યારે 24,880 મતોથી ભાજપની જીત થઇ હતી. આવી રીતે જ વર્ષ 2012માં પણ ભાજપની જીત થઇ હતી. 2012માં આ બેઠક પર 67.78% ટકા મતદાન થયું હતું. જ્યારે 48,712 મતોથી કોંગ્રેસની જીત થઇ હતી.

અમદાવાદ જિલ્લાની કુલ 21 બેઠકો પર 59.05 ટકા મતદાન

અમદાવાદ જિલ્લાની કુલ 21 બેઠકો પર 59.05 ટકા મતદાન થયું હતું. જ્યારે જિલ્લામાં કુલ 35,45,691 મતો પડ્યા હતા. જિલ્લાની બેઠકોની વાત કરીએ તો, વિરમગામ, સાણંદ, ઘાટલોડિયા, વેજલપુર, વટવા, એલિસબ્રિજ, નારણપુરા, નિકોલ, નરોડા, ઠક્કરબાપા નગર, બાપુનગર, અમરાઇવાડી, દરિયાપુર, જમાલપુર-ખાડિયા, મણિનગર, દાણીલીમડા, સાબરમતી, અસારવા, દસક્રોઇ, ઘોળકા, ધંધૂકાનો સમાવેશ થાય છે.

સરેરાશ મતદાન 64.33 ટકા

આપને જણાવીએ કે, ગુજરાત વિધાનસભા ચૂંટણીનાં પ્રથમ તબક્કાનું સરેરાશ મતદાન 63.31 ટકા નોંધાયું હતુ અને બીજા તબક્કાનું સરેરાશ મતદાન 65.30 ટકા નોંધાયું છે. આ બંનેનું સરેરાશ મતદાન 64.33 ટકા થયું છે. 2007 બાદ ગુજરાતમાં આ સૌથી ઓછું મતદાન નોંધાયું છે. ગત વર્ષોની ગુજરાત ચૂંટણીના મતદાનની ટકાવારી જોઇએ તો, 2007માં 59.77%, 2012માં 72.02% અને 2017માં 69.01% મતદાન નોંધાયું હતુ.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Election Results 2022, Gujarat Assembly Election 2022