Gujarat Election 2022: દરિયાપુર બેઠક પર ગ્યાસુદીન શેખ હેટ્રીક મારશે કે ભાજપનો ભગવો લહેરાશે!

Home /News /ahmedabad /Gujarat Election 2022: દરિયાપુર બેઠક પર ગ્યાસુદીન શેખ હેટ્રીક મારશે કે ભાજપનો ભગવો લહેરાશે!

દરિયાપુર બેઠક

Gujarat Election 2022: દરિયાપુરમાં થયેલી કુલ 13 ચૂંટણીઓમાં કોંગ્રેસ સૌથી વધુ 8 વાર અને ભાજપ 5 વાર જીત્યો છે. 1962થી 1985 સુધી કોંગ્રેસ લગાતાર 6 ચૂંટણીઓ જીતી હતી. પણ 1990માં ભાજપના ઉદય બાદ 1990 થી 2007 સુધી ભાજપ એકધારી 5 ચૂંટણીઓ જીત્યું હતું.

News18 Gujarati
Last Updated : November 30, 2022, 18:08 IST
Ahmadabad, India

પ્રણવ પટેલ

અમદાવાદ: શહેરની દરિયાપુર બેઠક ચૂંટણી પંચ દ્વારા ક્રમાંકની દ્રષ્ટિએ 51માં નંબરની બેઠક છે. દરિયાપુર બેઠક સામાન્ય બેઠક છે. દરિયાપુર બેઠકનો સમાવેશ અમદાવાદ પશ્ચિમ લોકસભા બેઠકમાં કરવામાં આવ્યો છે. દરિયાપુર બેઠકમાં અમદાવાદ મહાનગરપાલિકાના વોર્ડ નં. 2,3,4 અને 16નો સમાવેશ થાય છે. દરિયાપુર બેઠકમાં કુલ 2,05,788 મતદારો છે. દરિયાપુર બેઠકની ઉત્તરે અમદાવાદ શહેરની સાબરમતી બેઠક, પૂર્વમાં અમદાવાદ શહેરની અસારવા અને બાપુનગર બેઠક, દક્ષિણમાં જમાલપુર-ખાડિયા બેઠક અને પશ્ચિમમાં એલિસબ્રિજ તેમજ નારણપુરા બેઠકો આવેલી છે.

દરિયાપુર પહેલા દરિયાપુર-કાઝીપુર નામે ઓળખાતી

દરિયાપુર બેઠક 1962ની પહેલી વિધાનસભા ચૂંટણી વખતથી જ અસ્તિત્વમાં આવી હતી. પહેલાં તે દરિયાપુર-કાઝીપુર નામથી ઓળખાતી હતી. 2008ના ડિલિમિટેશન પછી તેનું નામ સુધારીને ફક્ત દરિયાપુર કરવામાં આવ્યું હતું. છેલ્લી 2017ની વિધાનસભા ચૂંટણીમાં કોંગ્રેસના ગ્યાસુદ્દીન શેખ ભાજપના ભરત બારોટ સામે 6187 મતની સરસાઈથી જીત્યા હતાં.

આ બેઠકનો ઈતિહાસ
વર્ષ	વિજેતા	પક્ષ	સરસાઈ
1962	મોહનલાલ વ્યાસ	કોંગ્રેસ	929
1967	ટી.જે. પટેલ	કોંગ્રેસ	1313
1972	મનુભાઈ પાલખીવાલા	કોંગ્રેસ	26526
1975	મનુભાઈ પાલખીવાલા	કોંગ્રેસ	7620
1980	સુરેન્દ્ર રાજપૂત	કોંગ્રેસ	15130
1985	સુરેન્દ્ર રાજપૂત	કોંગ્રેસ	23154
1990	ભરત બારોટ	ભાજપ	3188
1995	ભરત બારોટ	ભાજપ	7057
1998	ભરત બારોટ	ભાજપ	8290
2002	ભરત બારોટ	ભાજપ	21816
2007	ભરત બારોટ	ભાજપ	22401
2012	ગ્યાસુદ્દીન શેખ	કોંગ્રેસ	2621
2017	ગ્યાસુદ્દીન શેખ	કોંગ્રેસ	6187

અહીં કોંગ્રેસનો સૌથી વધુ 8 વાર વિજય થયો

દરિયાપુરમાં થયેલી કુલ 13 ચૂંટણીઓમાં કોંગ્રેસનો સૌથી વધુ 8 વાર અને ભાજપનો 5 વખત વિજય થયો છે. 1962થી 1985 સુધી કોંગ્રેસ લગાતાર 6 ચૂંટણીઓ જીતી હતી. પણ 1990માં ભાજપના ઉદય બાદ 1990 થી 2007 સુધી ભાજપ એકધારી 5 ચૂંટણીઓ જીત્યું હતું. 2008ના ડિલીમીટેશન બાદ દરિયાપુર બેઠકની ભૌગોલિક પરિસ્થિતિઓ બદલાતા છેલ્લી 2 ચુંટણીઓથી ફરી એકવખત કોંગ્રેસ વિજયી બની છે. એટલે દરિયાપુર બેઠક 2022માં કોના હાથમાં જશે એ કહેવું ખુબજ મુશ્કેલ છે.

આ પણ વાંચો: ગુજરાતમાં દારૂબંધી છતાં આ જિલ્લામાં મતદાન-ગણતરીનાં દિવસને કેમ જાહેર કરવો પડ્યો 'ડ્રાય ડે'

ભાજપના કૌશિક જૈન મેદાનમાં ઉતાર્યા

1962 થી 1985 સુધી કોંગ્રેસ લગાતાર છ વખત કોંગ્રેસ ચૂંટણી જીતી છે, પણ 1990થી 2007 સુધી ભાજપમાંથી ભરત બારોટ જીતતા આવ્યા હતા. ડિલીમીટેશન બાદ 2012 અને 2017થી અહીં ગ્યાસુદીન શેખ કોંગ્રેસમાં જીતતા આવે છે. હાલ ભાજપ તરફથી સ્થાનિક ઉમેદવાર કૌશિક જૈન મેદાનમાં ઉતાર્યા છે. તેમજ સંગઠન વર્ષોથી કામ કરનાર છે આ ઉપરાત અમિત શાહ સૌથી નજીક ગણાય છે. તો વળી કોંગ્રેસ ફરી ગ્યાસુદીન શેખ ટિકીટ આપી છે. અહીં મુસ્લિમ મતદારો અને હિન્દુ મતદારો સમાન છે. જેથી બન્નં પક્ષો માટે જીતવુ સહેલુ નથી.

આ પણ વાંચો: એક વખત જરૂર મુલાકાત લેજો આ મતદાન મથકની, મતદાન કરવાનું થઇ જશે મન

આપ સહિત ઔવેસી પાર્ટી પણ મેદાનમાં

ડિલીમીટેશન બાદ કોંગ્રેસ આ બેઠક જીતવા સફળ રહી છે પરંતુ જીતનું માર્જીગ માત્ર 2 હજાર થી 6 હજાર રહ્યું છે. કૌશિક જૈન જીત માટે ખુબ મહેનત કરી રહ્યા છે. આ બેઠક પર આ વખતે ત્રીજા પક્ષ તરીકે આપ સહિત ઔવેસી પાર્ટી પણ મેદાનમાં છે. ઔવેસી પાર્ટીમાંથી હસનલાલા ઉમેદવાર છે. જે કોંગ્રેસનો હાથ છોડી એઆઇએમઆઇએમમાં ગયા છે. આ ઉમેદવાર મુસ્લિમ મતોનું ધ્રુવિકરણ કરી શકે છે. જો આ પદ્ધતિ સફળ થશે તો ચોક્કસ ભાજપને ફાયદો થશે પરંતુ ગ્યાસુદીન શેખ હાલ વધુ મજબુત દેખાઇ રહ્યા છે.