Home /News /ahmedabad /Gujarat Election 2022: દાણીલમડા બેઠક એટલે કોંગ્રસનો ગઢ, શું ભાજપ આમાં ગાબડું પાડી શકશે?

Gujarat Election 2022: દાણીલમડા બેઠક એટલે કોંગ્રસનો ગઢ, શું ભાજપ આમાં ગાબડું પાડી શકશે?

દાણીલિમડા બેઠક કોંગ્રેસનો ગઢ

Gujarat Election 2022: અમદાવાદ શહેરની દાણીલીમડા બેઠક ચૂંટણી પંચ દ્વારા ક્રમાંકની દ્રષ્ટિએ 54માં નંબરની બેઠક છે. દાણીલીમડા બેઠક SC અનામત બેઠક છે. દાણીલીમડા બેઠકનો સમાવેશ અમદાવાદ (પશ્ચિમ) લોકસભા બેઠકમાં કરવામાં આવ્યો છે.

અમદાવાદ: અમદાવાદ શહેરની દાણીલીમડા બેઠક ચૂંટણી પંચ દ્વારા ક્રમાંકની દ્રષ્ટિએ 54માં નંબરની બેઠક છે. દાણીલીમડા બેઠક SC અનામત બેઠક છે. દાણીલીમડા બેઠકનો સમાવેશ અમદાવાદ (પશ્ચિમ) લોકસભા બેઠકમાં કરવામાં આવ્યો છે. દાણીલીમડા બેઠકમાં અમદાવાદ મહાનગરપાલિકાના વોર્ડ નંબર 30, 38 અને 40નો સમાવેશ થાય છે. ઉપરાંત, સીટી તાલુકાના 3 ગામો પીપલજ, શાહવાડી અને સાજીપુર-ગોપાલપુર ગામોનો સમાવેશ થાય છે. દાણીલીમડા બેઠકમાં કુલ 2,56,233 મતદારો છે.

આ બેઠક પરથી કોણ વિજય થશે?


હાલની દાણીલીમડા બેઠકમાં સમાવિષ્ટ મોટાભાગનો વિસ્તાર પહેલાં શહેર કોટડા બેઠક અંતર્ગત આવતો હતો. શહેર કોટડા બેઠક 1962ની પહેલી વિધાનસભા ચૂંટણી વખતે અસ્તિત્વમાં હતી. ત્યારબાદ, 1967 અને 1972ની ચૂંટણીમાં આ બેઠક નાબૂદ કરવામાં આવી હતી અને 1975 થી 2007ની ચૂંટણી સાથે શહેર કોટડા બેઠક ફરી અસ્તિત્વમાં આવી હતી. 2008ના ડિલિમિટેશનમાં શહેર કોટડા બેઠક નાબૂદ કરી તેનો મોટા ભાગનો વિસ્તાર દાણીલીમડા નામથી નવી બેઠકમાં સમાવવામાં આવ્યો હતો. છેલ્લી 2017ની વિધાનસભા ચૂંટણીમાં કોંગ્રેસના શૈલેષ પરમાર ભાજપના જીતેન્દ્ર વાઘેલા સામે 32510 મતની મોટી સરસાઈથી જીત્યા હતાં.


આ બેઠકનો ઈતિહાસ
વર્ષવિજેતાપક્ષસરસાઈ
શહેર કોટડા
1962મંગુભાઈ પટેલકોંગ્રેસ3968
1975નરસિંહ પરમારકોંગ્રેસ10846
1980મનુભાઈ પરમારકોંગ્રેસ21912
1985મનુભાઈ પરમારકોંગ્રેસ18326
1990મનુભાઈ પરમારકોંગ્રેસ1666
1995ગિરીશ પરમારભાજપ7068
1998મનુભાઈ પરમારકોંગ્રેસ3915
2000ડી.એસ. મનહરકુમારકોંગ્રેસ7148
2002જીતેન્દ્ર વાઘેલાભાજપ2404
2007શૈલેષ પરમારકોંગ્રેસ9972
દાણીલીમડા
2012શૈલેષ પરમારકોંગ્રેસ14301
2017શૈલેષ પરમારકોંગ્રેસ32510

દાણિલીમડામાં કુલ 12 ઉમેદવારો ચૂંટણીના મેદાનમાં


દાણીલીમડા અને શહેર કોટડામાં 2000માં થયેલી એક પેટાચૂંટણી સહિત કુલ 12 ચૂંટણીઓમાં કોંગ્રેસ સૌથી વધુ 10 વખત જ્યારે ભાજપ ફક્ત 2 વખત વિજયી થઈ શકી છે. ભાજપનો ગઢ ગણાતા ગુજરાતમાં દાણીલીમડા કોંગ્રેસનો એવો ગઢ છે જેને 2022માં પણ તોડવો ભાજપ માટે અશક્ય છે. દાણિલીમડા બેઠક પરથી કુલ 12 ઉમેદવારો ચૂંટણીના મેદાનમાં ઉતર્યા છે. ભાજપમાંથી નરેશ વ્યાસ, કોંગ્રેસમાંથી શૈલેષ પરમાર અને આપમાંથી દિનેશ કાપડિયા મેદાનમાં ઉતર્યા છે.

આ પણ વાંચો:  જમાલપુરમાં ઇમરાન ફાવી જશે કે મતોના વિભાજનથી ભાજપને ફાયદો થશે?

આ બેઠક કોંગ્રેસનો ગઢ ગણાય છે


દાણીલિમડા બેઠક કોંગ્રેસનો ગઢ માનવામાં આવે છે. કારણ કે, આ બેઠકના અસ્તિત્વથી અહીં સતત કોંગ્રેસ જીતતી આવે છે. માત્ર બે વાર ભાજપ જીત્યુ છે. પરંતુ કોંગ્રેસે આ બેઠક પર પોતાનો ગઢ જમાવી રાખ્યો છે. શહેરી વિસ્તારમાં આ બેઠક એસસી ઉમેદવાર માટે રીઝવ છે. કોંગ્રસ પક્ષના ઉમદેવાર શૈલષ પરમારની જીત નિષ્છિત છે. તો વળી અહીં મતોના ધૃવિકરણ માટે ઔવેસી પાર્ટી પણ મેદાનમાં છે. પરંતુ ભાજપના ઉમેદવાર નરેશ વ્યાસ ચૂંટણી જીતના ચઢાણ ઘણા અઘરા રહેશે. અહી મુસ્લિમ મતદારો અને દલિત મતદારો નિર્ણાયક છે. જે કોંગ્રેસની પરંપરાગત વોટ બેંક માનાઇ રહ્યા છે.
Published by:Vimal Prajapati
First published:

Tags: Assembly Election 2022, Election 2022, Gujarat Assembly Election 2022, Gujarat vidhansabha election 2022

विज्ञापन

ન્યૂઝ 18 ગુજરાતી ટ્રેન્ડિંગ

વધુ વાંચો
विज्ञापन
विज्ञापन
विज्ञापन