Home /News /ahmedabad /Gujarat BJP Candidates List: ભાજપે પહેલા તબક્કાની આ છ બેઠકો પર ઉમેદવાર નથી કર્યા જાહેર, આ કેમ છે 'ખાસ'

Gujarat BJP Candidates List: ભાજપે પહેલા તબક્કાની આ છ બેઠકો પર ઉમેદવાર નથી કર્યા જાહેર, આ કેમ છે 'ખાસ'

પ્રથમ તબક્કા માટે 14 નવેમ્બર સુધી ફોર્મ ભરી શકાશે.

Gujarat Election 2022: ત્યારે ચર્ચા થઇ રહી છે કે, આ ઉમેદવારોનાં નામ પાછળ ભાજપને તમામ ગણિત ગણવા પડે તેમ છે.

  • News18 Gujarati
  • Last Updated :
  • Gandhinagar, India
    અમદાવાદ: આજે ભાજપે 182 બેઠકો પરથી 160 ઉમેદવારોનાં નામ જાહેક કરી દીધા છે. જ્યારે પહેલા તબક્કાની 89 બેઠકો પૈકી 83 બેઠકોનાં નામ જાહેર કરવામાં આવ્યાં છે. જ્યારે છ બેઠકોનાં ઉમેદવારોનાં નામ બાકી છે. આ બેઠકોમાં ભાવનગર પૂર્વ, ધોરાજી, કુતિયાણા, ખંભાળિયા, ચોર્યાસી, ડેડિયાપાડા બેઠકના ઉમેદવારનાં નામ જાહેર કરવાના હજુ બાકી છે. ત્યારે ચર્ચા થઇ રહી છે કે, આ ઉમેદવારોનાં નામ પાછળ ભાજપને તમામ ગણિત ગણવા પડે તેમ છે.

    નોંધનીય છે કે, પ્રથમ તબક્કા માટે ચાર દિવસ બાદ ફોર્મ ભરવાનો છેલ્લો દિવસ છે. 14મી નવેમ્બરનાં રોજ ફોર્મ ભરવાની છેલ્લી તારીખ છે. આપને જણાવીએ કે, છ બેઠકોમાંથી બે બેઠકો પર હાલ ભાજપ પાસે છે. આ ઉપરાંત બે કોંગ્રેસ અને એક બેઠક એનસીપી અને બીટીપી પાસે છે.
    બેઠકપક્ષઉમેદવારનું નામ
    ભાવનગર પૂર્વભાજપવિભાવરીબેન દવે
    ધોરાજીકોંગ્રેસલલિત વસોયા
    કુતિયાણાNCPકાંધલ જાડેજા
    ખંભાળિયાકોંગ્રેસવિક્રમ માડમ
    ચોર્યાસીભાજપઝંખના પટેલ
    ડેડિયાપાડાBTPમહેશ વસાવા




    આ પણ વાંચો: ભાજપની પ્રથમ યાદી જાહેર, જાણો કોનો થયો સમાવેશ

    1 અને 5 ડિસેમ્બરના રોજ મતદાન


    ગુજરાતમાં બે તબક્કામાં મતદાન યોજાશે. ગુજરાત ચૂંટણી માટે 1 અને 5 ડિસેમ્બરનાં રોજ મતદાન થશે. આ સાથે 8 ડિસેમ્બરના રોજ પરિણામ જાહેર કરવામાં આવશે. પ્રથમ તબક્કા માટે પાંચ નવેમ્બરે નોટિફિકેશન જાહેર થશે. જ્યારે, પ્રથમ તબક્કા માટે 14 નવેમ્બર સુધી ભરી શકાશે ફોર્મ. પ્રથમ તબક્કા માટે 15 નવેમ્બર સુધી ફોર્મ ચકાસવામાં આવશે.

    આ પણ વાંચો: 'અમારી લડાઇ માત્ર કોંગ્રેસ સાથે જ છે, આપનું ગુજરાતમાં કોઇ અસ્તિત્વ નથી'

    17 નવેમ્બર સુધી ફોર્મ પરત ખેંચી શકાશે. બીજા તબક્કા માટે 10 નવેમ્બરે નોટિફિકેશન જાહેર થશે. જેમાં 17 નવેમ્બર સુધી ફોર્મ ભરી શકાશે. જ્યારે 18 નવેમ્બરે ફોર્મ ચકાસણી હાથ ધરાશે અને 21 તારીખ સુધી ફોર્મ પરત ખેંચી શકશે.


    ગુજરાતમાં કુલ મતદારો કેટલા?


    ગુજરાત વિધાનસભાની ચૂંટણી 2022ને (gujarat election 2022) લઈને ચૂંટણી પંચે મતદાર સુધારણા કાર્યક્રમ બાદ મતદારોની અંતિમ યાદી જાહેર કરી હતી. પંચ તરફથી જાહેર કરવામાં આવેલી યાદીમાં, રાજ્યમાં કુલ 4,90,89,765 મતદારો નોંધાયા છે. આ સાથે જ, રાજ્યમાં 11,62,528 નવા મતદારો નોંધાયા છે.
    " isDesktop="true" id="1281784" >



    કુલ મતદારોમાં 2,53,36,610 પુરૂષ અને 2,37,51,738 મહિલા મતદારો સામે આવ્યા છે. જેમાં, 4 લાખથી વધુ વિકલાંગ મતદારો પણ નોંધાયા છે. કુલ મતદારોમાં 1,417 જેટલા ટ્રાન્સજેન્ડર મતદારોનો પણ સમાવેશ છે.
    Published by:Kaushal Pancholi
    First published:

    Tags: Gujarat Assembly Elections 2022, Gujarat Elections, ગાંધીનગર, ગુજરાત, ગુજરાત ચૂંટણી

    विज्ञापन

    ન્યૂઝ 18 ગુજરાતી ટ્રેન્ડિંગ

    વધુ વાંચો
    विज्ञापन
    विज्ञापन
    विज्ञापन