Home /News /ahmedabad /

38 ગુનાઓમાં સંડોવાયેલો ગેંગસ્ટર બીકા ઝડપાયો, અમદાવાદ ક્રાઇમ બ્રાંચની ટીમ પર કર્યુ હતુ બે હાથથી ફાયરિંગ

38 ગુનાઓમાં સંડોવાયેલો ગેંગસ્ટર બીકા ઝડપાયો, અમદાવાદ ક્રાઇમ બ્રાંચની ટીમ પર કર્યુ હતુ બે હાથથી ફાયરિંગ

ગેંગસ્ટર બીકા

Gujarat Crime news: બીકાને બનાસકાંઠા પોલીસે પકડીને પાલનપુર જેલમાં બંધ કરી દીધો હતો. જોકે, લગભગ ત્રણ મહિના પહેલા કોર્ટમાં લઈ જતાં તે નાસી છૂટવામાં સફળ રહ્યો હતો.

    ગુજરાત પોલીસ (Gujarat Police)ને મોટી સફળતા મળી છે. જેમાં 8 જુલાઈના રોજ ગુજરાત પોલીસે રાજસ્થાનના ગેંગસ્ટર અરિવિન્દ બીકાને પકડવા (Rajasthan Gangster Arivind Bika) ટીમો બનાવી હતી. અરવિંદ ગુજરાતમાં પણ સક્રિય રહ્યો છે. ગુજરાત એટીએસ (ATS)ની ટીમે છટકું ગોઠવીને હવે શહેરના બાપુનગરમાંથી બીકાને મેગેઝીનમાં બે પિસ્તોલ અને 10 બુલેટ સાથે ઝડપી પાડ્યો છે.

    પોલીસે ઘેરી લેતા ટોળકીએ કર્યુ ફાયરિંગ

    17 જૂન, 2018ના રોજ સાંજે તત્કાલીન પીઆઈ રાજેશ સુવેરા અને જે.એન.ચાવડાની આગેવાની હેઠળની ક્રાઈમ બ્રાંચની ટીમે શહેરની ભાગોળે કઠવાડા વિસ્તારમાં આવેલા નીલકંઠ એપાર્ટમેન્ટમાં છૂપાયેલી ટોળકીને ઘેરી લેતા બીકા અને તેની ટોળકીએ ફાયરિંગ કર્યું હતું.

    ડીઆઈજી એટીએસ દીપન ભદ્રને આ અંગે જણાવ્યું હતું કે, બીકાએ શહેર ક્રાઇમ બ્રાંચની ટીમ પર બંને હાથમાં બે પિસ્તોલથી ફાયરિંગ કર્યું હતું અને તે નાસી છૂટવામાં સફળ રહ્યો હતો. તે સતત બે દિવસ સુધી નાસતો રહ્યો અને બેંગલોર જતો રહ્યો હતો. તેઓએ દિનેશ ઉર્ફે બાપજી સહિત ગેંગના અન્ય સભ્યોની બેંગલોરથી ધરપકડ કરી હતી. ભદ્રને જણાવ્યું હતું કે, "નીલકંઠ એપાર્ટમેન્ટના ફ્લેટમાં બિકા એક બેગ છોડીને ભાગી ગયો હતો. જે બેગમાંથી લગભગ 300 રાઉન્ડ દારૂગોળો મળી આવ્યો હતો."

    અમદાવાદમાં IT વિભાગની મોટી કાર્યવાહી : ચિરિપાલ ગ્રુપ પર દરોડા

    ડીએસપી બી.એ.ચાવડાએ જણાવ્યું હતું કે બાપુનગરની હીરાવાડી પાસે એટીએસની ટીમે તેમને અટકાવ્યા હતા. "અમે જાણતા હતા કે, તેઓ પોલીસ પર ફાયરિંગ કરી શકે છે. તેથી અમારી ટીમે તે કોઈ અડચણ પેદા કરે તે પહેલાં જ તેને પકડી લીધો હતો. ડીએસપી ચાવડાએ વધુમાં જણાવ્યું હતું કે, અમને તેના શર્ટની નીચે છુપાવેલી એક પિસ્તોલ અને તેની બેગમાં પિસ્તોલ અને દેશી બનાવટની રિવોલ્વર મળી આવી હતી.

    ગેંગસ્ટર બીકા


    એટીએસએ જણાવ્યું હતું કે, પ્રાથમિક પૂછપરછ દરમિયાન બીકા - જે રાજસ્થાન, ગુજરાત અને કર્ણાટકમાં હત્યા, હત્યાના પ્રયાસ, અપહરણ, ખંડણી, પોલીસ પર ફાયરિંગના 38થી વધુ કેસોમાં સંડોવાયેલી ગેંગમાં લગભગ 25 જેટલા સક્રિય ગુંડાઓની ટોળકી ધરાવે છે, તેની ગેંગના સભ્યો અમદાવાદમાં છે. એક તપાસકર્તાએ જણાવ્યું હતું કે, "અમને શંકા છે કે, તે હથિયારની અણીએ લૂંટ કરવા માટે શહેરમાં હતો.”

    બાદમાં બીકાને બનાસકાંઠા પોલીસે પકડીને પાલનપુર જેલમાં બંધ કરી દીધો હતો. જોકે, લગભગ ત્રણ મહિના પહેલા કોર્ટમાં લઈ જતાં તે નાસી છૂટવામાં સફળ રહ્યો હતો. લગભગ પંદર દિવસ પહેલાં રાજસ્થાનના સિરોહીના ગુલાબગંજના રહેવાસી બીકાએ પણ આબુ રોડ પર રાજસ્થાન પોલીસ પર ગોળીબાર કર્યો હતો અને તે ફરાર થઈ ગયો હતો.

    બીકા એન્કાઉન્ટરમાં માર્યા ગયેલા ગેંગસ્ટર આનંદ પાલ સિંહનો બદલો લેવા માંગતો હતો. રાજસ્થાનનો સૌથી ખૂંખાર ગેંગસ્ટર સિંઘ 24 જૂન, 2017ના રોજ રાજ્ય પોલીસની એસઓજી સાથે મધરાતે થયેલા એન્કાઉન્ટરમાં ઠાર મારવામાં આવ્યો હતો. તેને ઝડપવા માટે એક વર્ષનો સમય લાગ્યો હતો.
    First published:

    Tags: Crime news, અમદાવાદ, ક્રાઇમ, ગુજરાત

    विज्ञापन

    विज्ञापन

    આગામી સમાચાર

    विज्ञापन
    विज्ञापन