Home /News /ahmedabad /Gujarat Elections 2022: બીજા તબક્કાનું મતદાન પૂર્ણ, અંદાજે 67 ટકા જેટલું મતદાન

Gujarat Elections 2022: બીજા તબક્કાનું મતદાન પૂર્ણ, અંદાજે 67 ટકા જેટલું મતદાન

ગુજરાત વિધાનસભા ચૂંટણીનો બીજો તબક્કો

Gujarat Assembly Election 2022: ગુજરાત વિધાનસભા ચૂંટણી 2022ના બીજા તબક્કાનું મતદાન પૂરું થઈ ગયું છે. ત્યારે આ વખતે અંદાજે 67 ટકા જેટલું મતદાન થયું છે.

    અમદાવાદઃ ગુજરાત વિધાનસભા ચૂંટણી 2022ના બીજા તબક્કાનું મતદાન પૂરું થઈ ગયું છે. ત્યારે આ વખતે અંદાજે 67 ટકા જેટલું મતદાન થયું છે. મહત્ત્વનું છે કે, બીજા તબક્કામાં મધ્ય ગુજરાત અને ઉત્તર ગુજરાતમાં મતદાન યોજવામાં આવ્યું હતું. તેમાં અમદાવાદ અને વડોદરા જેવા મહાનગરોનો પણ સમાવેશ થાય છે. મહત્ત્વનું છે કે, હજુ સુધી ગુજરાત રાજ્ય ચૂંટણી પંચ થોડા સમયમાં જ વિગતવાર ચોક્કસ આંકડા જાહેર કરશે.

    પ્રથમ તબક્કામાં થયેલું મતદાન


    ગુજરાતમાં પહેલી ડિસેમ્બરના રોજ પ્રથમ તબક્કાનું મતદાન યોજોયું હતું. મતદાનના બીજા દિવસે ચૂંટણી પંચ તરફથી મતદાનના અધિકૃત આંકડા જાહેર કરવામાં આવ્યા હતા. જે પ્રમાણે 19 જિલ્લાની 89 બેઠકો પર 63.14 ટકા મતદાન નોંધાયું છે. જેમાં સૌથી વધુ મતદાન નર્મદા જિલ્લામાં 78.24 ટકા નોંધાયું છે. બોટાદ જિલ્લામાં સૌથી ઓછું 57.58 ટકા મતદાન નોંધાયું છે. અમરેલી જિલ્લામાં 57.59 ટકા મતદાન નોંધાયું છે. સત્તાવાર આંકડા પ્રમાણે આદિવાસી વસ્તી ધરાવતા 5 જિલ્લામાં 65 ટકાથી વધુ મતદાન થયું છે.

    આ પણ વાંચોઃ ગુજરાતમાં કઇ પાર્ટીને મળશે બહુમત, થોડીક જ ક્ષણોમાં આવશે એક્ઝિટ પોલ

    ગુજરાતમાં કુલ મતદારો કેટલા?


    ગુજરાત વિધાનસભાની ચૂંટણી 2022ને (gujarat election 2022) લઈને ચૂંટણી પંચે મતદાર સુધારણા કાર્યક્રમ બાદ મતદારોની અંતિમ યાદી જાહેર કરી હતી. પંચ તરફથી જાહેર કરવામાં આવેલી યાદીમાં, રાજ્યમાં કુલ 4,90,89,765 મતદારો નોંધાયા છે. આ સાથે જ, રાજ્યમાં 11,62,528 નવા મતદારો નોંધાયા છે. કુલ મતદારોમાં 2,53,36,610 પુરૂષ અને 2,37,51,738 મહિલા મતદારો સામે આવ્યા છે. જેમાં, 4 લાખથી વધુ વિકલાંગ મતદારો પણ નોંધાયા છે. કુલ મતદારોમાં 1,417 જેટલા ટ્રાન્સજેન્ડર મતદારોનો પણ સમાવેશ છે.

    આ પણ વાંચોઃ એક્ઝિટ પોલ કેટલા સાચા, કેટલા ખોટા?

    2017ના ચૂંટણી પરિણામ પર એક નજર


    ગુજરાતમાં 14મી વિધાનસભાની ચૂંટણી 9મી ડિસેમ્બર, 2017 અને 14 ડિસેમ્બરના રોજ યોજાઈ હતી. 18મી ડિસેમ્બરના રોજ મતગણતરી કરવામાં આવી હતી. આ ચૂંટણીમાં ભારતીય જનતા પાર્ટીને બહુમતી મળી હતી. જોકે, 2012ની ચૂંટણીની સરખામણીમાં કૉંગ્રેસનો વોટ શેર અને બેઠકમાં વધારો થયો હતો. ગુજરાતમાં 1985 પછી કોંગ્રેસ પાર્ટીએ સૌથી વધારે બેઠક મેળવી હતી. આ ચૂંટણીમાં બીજેપીને 99 બેઠક મળી હતી. કૉંગ્રેસને 77 બેઠક મળી હતી. એનસીપીને એક બેઠક મળી હતી. બીટીપીને બે બેઠક મળી હતી. અપક્ષના ફાળે ત્રણ બેઠક રહી હતી.

    આ પણ વાંચોઃ ગુજરાત એક્ઝિટ પોલ 2022 લાઈવ
    Published by:Vivek Chudasma
    First published:

    Tags: Ahmedabad news, Gujarat Assembly Election, Gujarat Assembly Election 2022

    विज्ञापन

    ન્યૂઝ 18 ગુજરાતી ટ્રેન્ડિંગ

    વધુ વાંચો
    विज्ञापन
    विज्ञापन
    विज्ञापन