Home /News /ahmedabad /

ગાંધીનગરમાં 100 એકર જમીનમાં બનશે GTUનું નવું બિલ્ડીંગ: જાણો વિધાર્થીઓને મળશે કેવી સુવિધાઓ

ગાંધીનગરમાં 100 એકર જમીનમાં બનશે GTUનું નવું બિલ્ડીંગ: જાણો વિધાર્થીઓને મળશે કેવી સુવિધાઓ

સરકાર દ્વારા ગાંધીનગર લેકાવાડા ખાતે 100 એકરની જમીન નવા બિલ્ડીંગના બાંધકામ માટે ફાળવવામાં આવી

GTU New Building: આગામી 27 સપ્ટેમ્બરે કેન્દ્રીય ગૃહમંત્રી અમિતભાઈ શાહના હસ્તે જીટીયુના નવીન કેમ્પસનું ભૂમિપૂજન 

અમદાવાદ: રાજ્યની સૌથી મોટી ટેક્નોલોજીક યુનિવર્સિટી અને ટેક્નિકલ શિક્ષણમાં દેશ-વિદેશમાં અગ્રગણ્ય યુનિવર્સિટીમાં નામના મેળવનાર ગુજરાત ટેક્નોલોજીકલ યુનિવર્સિટીને સરકાર દ્વારા ગાંધીનગર લેકાવાડા ખાતે 100 એકરની જમીન નવા બિલ્ડીંગના બાંધકામ માટે ફાળવવામાં આવી છે. જેનું આગામી 27 સપ્ટેમ્બરના રોજ કેન્દ્રીય ગૃહમંત્રી અમિતભાઈ શાહના વરદ હસ્તે ભૂમિપૂજન કરવામાં આવશે.

ગ્રીન બિલ્ડિંગની થીમ પર 17થી વધુ ભવનોનું નિર્માણ અને 18000 સ્કેવ મીટરના ક્ષેત્રફળ પર સોલાર પેનલ લગાવીને સમગ્ર કેમ્પસ સોલર લાઈટથી સંચાલિત કરાશે. આ સંદર્ભે જીટીયુના કુલપતિ પ્રો. ડૉ. નવીન શેઠે જણાવ્યું હતું કે, ગુજરાતમાં પણ વિશ્વની સર્વશ્રેષ્ઠ ટેક્નિકલ યુનિવર્સિટી બનાવવાના પ્રધાનમંત્રી નરેન્દ્ર મોદીના લક્ષ્યને સાકાર કરવા માટે જીટીયુ કટ્ટીબદ્ધ છે. જીટીયુના નવા બિલ્ડીંગનું બાંધકામ આગામી 2 વર્ષની સમય મર્યાદામાં પરિપૂર્ણ કરવાનો લક્ષ્યાંક રાખવામાં આવ્યો છે. સરકાર દ્વારા બાંધકામ માટે રૂપિયા 275 કરોડની ગ્રાંન્ટ જીટીયુને મંજૂર કરવામાં આવી છે.

ગાંધીનગરમાં 100 એકર જમીનમાં બનશે GTUનું નવું બિલ્ડીંગ


નવું તૈયાર થતું કેમ્પસ ગ્રીન રેટીંગ ફોર ઈન્ટીગ્રેટેડ હેબિટેટ એસેસમેન્ટ (ગૃહ) અનુસાર સંપૂર્ણ ગ્રીન બિલ્ડિંગની થીમ પર બનાવવામાં આવશે. જેમાં 17થી વધુ ભવનોની સ્થાપના કરવામાં આવશે. જેમાં સ્કૂલ ઑફ એન્જિનિયરીંગ, ફાર્મસી, મેનેજમેન્ટ, ઉપરાંત એડમીન બિલ્ડિંગ, પરીક્ષા ભવન અને ડેટા સેન્ટર, ગલ્સ અને બોય્ઝ હોસ્ટેલ, અદ્યતન સેન્ટર લાઈબ્રેરી, કુલપતિ અને કુલસચીવના બંગ્લોઝ, ક્લાસ- 2 અને 3 કેટેગરીના સ્ટાફ ક્વાર્ટઝ,  કાફેટેરીયા, ફાર્મસીની રીસર્ચ સંબધિત એનિમલ હાઉસ આ ઉપરાંત તમામ કર્મચારીઓને સવલત મળી રહે તે હેતુસર એટીએમ અને પોસ્ટ ઓફિસની સુવિઘા પણ પૂરી પાડવામાં આવશે.

આ પણ વાંચો: રાજ્યમાં નવરાત્રિ દરમિયાન લાઉડ સ્પીકર પર મોડી રાતે 12 વાગ્યા સુધી ગરબા રમવાની સરકારની મંજૂરી

ગ્રીન બિલ્ડિંગની થીમ પર બનાવવામાં આવતું નવું કેમ્પસ અંદાજીત 5000થી વધુ વૃક્ષોથી આચ્છાદિત હશે. આ ઉપરાંત 2000 સ્કેવર મીટરના ક્ષેત્રફળમાં આયુર્વેદીક ઔષધી પ્લાન્ટ પણ વાવવામાં આવશે. 100 ટકા શુદ્ધ અને પ્રદૂષણમુક્ત પ્રાકૃતિક વાતાવરણ મળી રહે તે માટે કોમન પાર્કિંગ રખાવીને સમગ્ર કેમ્પસમાં પરિવહન માટે 2.50 કિમીનો સાયકલ ટ્રેક બનાવવામાં આવશે. આ ઉપરાંત વિવિધ ભવનો પર 18000 સ્કેવ મીટરના ક્ષેત્રફળ પર સોલાર પેનલ લગાવીને સમગ્ર કેમ્પસ સોલર લાઈટથી સંચાલિત કરાશે. જેનાથી પુન:પ્રાપ્ય ઉર્જા સ્ત્રોતનો ઉપયોગ સવિશેષ પ્રમાણમાં કરીને ગ્રીન હાઉસ ઈફેક્ટ્સ અને અન્ય પ્રકૃત્તિને નુકસાનકારક પ્રવૃત્તિ પર લગામ લગાવી શકાશે. આ સમગ્ર કેમ્પસનું બાંધકામ એક જ સમયમાં બાંધવામા આવશે. વધુમાં વિદ્યાર્થીઓની સાંસ્કૃતિક પ્રવૃત્તિને વેગ મળે તે માટે અદ્યતન ઓડિટોરીયમ અને સ્પોર્ટ્સ સ્ટેડિયમ બનાવવામાં આવશે.
Published by:Azhar Patangwala
First published:

Tags: Gujarat News, Gujarat Technological University

विज्ञापन

विज्ञापन

આગામી સમાચાર

विज्ञापन
विज्ञापन