GSEB SSC Result 2023: ધોરણ-10નું બોર્ડનું પરિણામ 64.62% આવ્યું, પાછલા વર્ષ કરતા ઓછું

Home /News /ahmedabad /GSEB SSC Result 2023: ધોરણ-10નું બોર્ડનું પરિણામ 64.62% આવ્યું, પાછલા વર્ષ કરતા ઓછું

ધોરણ-10નું પરિણામ જાહેર

GSEB SSC Result 2023, 10th Result: ધોરણ-10નું ગુજરાત બોર્ડનું પરિણામ જાહેર કરી દેવામાં આવ્યું છે. વિદ્યાર્થીઓ ગુજરાત બોર્ડની વેબસાઈટ તથા વોટ્સએપ સાથે પરિણામ જાણી શકશે.

News18 Gujarati
Last Updated : May 25, 2023, 08:17 IST
ahmedabad (Ahmedabad) [Ahmedabad], India

published by :Tejas Jingar

અમદાવાદઃ ધોરણ-10નું ગુજરાત બોર્ટનું પરિણામ જાહેર કરી દેવામાં આવ્યું છે. 64.62 ટકા પરિણામ જાહેર કરવામાં આવ્યું છે. વિદ્યાર્થીઓ બોર્ડની વેબસાઈટ www.gseb.org પરથી અને વોટ્સએપ નંબર દ્વારા પોતાનું પરિણામ જાણી શકે છે. 63573 00971 નંબર પર પોતાનો સીટ નંબર લખીને પણ વિદ્યાર્થીઓ પરિણામ જાણી શકે છે. મુખ્યમંત્રી ભૂપેન્દ્ર પટેલે ઉમેદવારોને શુભેચ્છા પાઠવી છે, સીએમ જણાવે છે કે, તમામ વિદ્યાર્થીઓને હૃદય પૂર્વક અભિનંદન અને ઉજવળ કારકિર્દી માટે શુભકામનાઓ પાઠવું છું. બોર્ડની પરીક્ષા વિદ્યાર્થીના કારકિર્દી ઘડતરમાં મહત્વનો ભાગ ભજવવે. આ સિવાય શિક્ષણમંત્રી પણ વિદ્યાર્થીઓને શુભેચ્છા પાઠવી છે અને જેઓ નાપાસ થયા છે તેમને નિરાશ થયા વગર આગળ વધવાની શુભેચ્છા પાઠવી છે.

ધોરણ-10ની બોર્ડની પરીક્ષામાં કુલ 9.50 લાખ વિદ્યાર્થીઓ પરીક્ષા આપવા બેઠા હતા. દરેક વિષયમાં વિદ્યાર્થીએ પાસ થવા માટે ઓછામાં ઓછો D ગ્રેડ પ્રાપ્ત કરવો પડશે. આ સિવાય ગ્રેડ E1 કે ગ્રેડ E2 પ્રાપ્ત કરનાર વિદ્યાર્થીઓને GSEB પૂરક પરીક્ષાના માધ્યમથી અંક સુધારવાની તક મળશે.

આ પણ વાંચોઃ આજે ગુજરાતનું હવામાન કેવું રહેશે?

હાલ બોર્ડ દ્વારા કુલ પરિણામ મૂકવામાં આવ્યું નથી, પરંતુ તે ટૂંક સમયમાં જાહેર કરવામાં આવી શકે છે. બોર્ડના પરિણામ હાલ વિદ્યાર્થીઓ પોતાના નંબરના આધારે બોર્ડની વેબસાઈટ સહિત અલગ-અલગ રીતે જાણી શકશે. વિદ્યાર્થીઓ દ્વારા સરળ રીતે પોતાનું પરિણામ જાણી શકાય તે માટેની વ્યવસ્થાઓ બોર્ડ દ્વારા કરવામાં આવી છે.

પરિણામ જાણવા માટે વિદ્યાર્થીઓ સ્કૂલ પહોંચ્યા

ઘણી સ્કૂલોમાં પરિણામ અગાઉથી વિદ્યાર્થીઓ જાણી શકે તેવી વ્યવસ્થા પણ ઉભી કરવામાં આવી છે. આવામાં વિદ્યાર્થીઓ દ્વારા પરિણામ મળ્યા બાદ ઉજવણી પણ કરવામાં આવી રહી છે. રાજકોટ અને સુરત સહિત ઠેરઠેર વિદ્યાર્થીઓ દ્વારા પરિણામ જાણ્યા બાદ ઉજવણી કરાઈ રહી છે. સુરતમાં વિદ્યાર્થીઓએ ગરબા કરીને પરિણામની ઉજવણી કરી રહ્યા છે.

ટકાવારી અને ગ્રેડ

જે વિદ્યાર્થીઓના માર્ક્સ 90 ટકાથી વધુ માર્ક્સ મેળવ્યા હોય તેમને A1 ગ્રેડ આપવામાં આવશે. તથા 80થી 90 ટકા સુધીની ટકાવારી ધરાવનારા ઉમેદવારોને A ગ્રેડ અપાશે. જેમને 70-80 ટકા વચ્ચે વિદ્યાર્થીઓના માર્ક્સ આવશે તેમને B ગ્રેડ મળશે. જ્યારે સૌની નીચે D ગ્રેડ આપવામાં આવશે જેમને 40 કે તેનાથી નીચે માર્ક્સ મેળવ્યા હતા તેમને આપવામાં આવશે.