21મીએ ધો-10નું પરિણામ : સવારે 6 વાગ્યાથી News18 ગુજરાતી પર જોઈ શકાશે

ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ દ્વારા ધોરણ 10ની માર્ચ મહિનામાં લેવાયેલી પરીક્ષાનું આગામી 21મી મેના દિવસે પરિણામ જાહેર થનારું છે.

News18 Gujarati
Updated: May 16, 2019, 7:51 AM IST
21મીએ ધો-10નું પરિણામ : સવારે 6 વાગ્યાથી News18 ગુજરાતી પર જોઈ શકાશે
સૌથી પહેલા ન્યૂઝ18 ગુજરાતી પર જાહેર થશે પરિણામ
News18 Gujarati
Updated: May 16, 2019, 7:51 AM IST
હિતેન્દ્ર બારોટ : ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ દ્વારા ધોરણ 10ની માર્ચ મહિનામાં લેવાયેલી પરીક્ષાનું આગામી 21મી મેના દિવસે પરિણામ જાહેર થનારું છે. ધો.10ના વિદ્યાર્થીઓને પરિણામ માટે બહુ રાહ જોવી નહીં પડે. વહેલી સવારે 6 કલાકે બોર્ડની વેબસાઇટ gseb.org અને સાથે સાથે https://gujarati.news18.com ઉપર પરિણામ મૂકાશે.

ઉલ્લેખનીય છે કે, ધોરણ-10 અને ધોરણ-12ની પરીક્ષાઓ માટે કુલ 137 ઝોનમાં આવેલા 1607 કેન્દ્રો કે જેમાં 5874 બિલ્‍ડીંગોનો સમાવેશ કરાયો હતો. તેના 63615 પરીક્ષા ખંડોમાં પરીક્ષાઓ લેવાશે. બંન્નેની આ પરીક્ષાઓમાં કુલ 135 જેટલા વિષયોની પરીક્ષાઓ લેવાઇ હતી. પરીક્ષાની કામગીરીમાં કુલ 85000થી વધુ કર્મચારીઓ કાર્યરત રહ્યા હતા. આ બંન્ને પરીક્ષાઓમાં કુલ18.50 લાખ વિદ્યાર્થીઓએ ઉમેદવારી નોંધાવી હતી. આ પરીક્ષાઓ અંતર્ગત એસ.એસ.સી. માટે કુલ 81 અને એચ.એસ.સી. માટે કુલ 56 ઝોનની રચના કરવામાં આવી છે.



ધોરણ-10ની પરીક્ષાઓ માટે નિયમિત તેમજ રીપીટર સાથે કુલ 11,59,762 વિદ્યાર્થીઓ અને ધોરણ-૧૨ની પરીક્ષાઓ માટે સામાન્‍ય પ્રવાહના 5,33,626 અને વિજ્ઞાન પ્રવાહના 1,57,604 વિદ્યાર્થીઓ પરીક્ષા આપી હતી. ધોરણ10માં અમદાવાદ શહેર અને ગ્રામ્યમાં 1,23,487 વિદ્યાર્થીઓ અને 6,222 ફિઝિકલ ડિસેબલ સ્ટુડન્ટસે પરીક્ષા આપી હતી.



માઘ્‍યમિક શિક્ષણ બોર્ડ દ્વારા છેલ્‍લા બે વર્ષથી બંદીવાન માટે પરીક્ષાઓ લેવાનું આયોજન કરાય છે તે અંતર્ગત માર્ચ-2019ની પરીક્ષાઓ માટે ધોરણ-10ના 89 ધોરણ-12ના 36 મળી કુલ 125 કેદી અમદાવાદ, વડોદરા, રાજકોટ અને લાજપોર (સુરત) મઘ્‍યસ્‍થ જેલ ખાતે ધોરણ-10 અને ધોરણ-12ની પરીક્ષાઓ આપી હતી.
સૌથી પહેલા ન્યૂઝ18 ગુજરાતી પર જાહેર થશે પરિણામ


 ધોરણ 10 બોર્ડ પરીક્ષા

  • ધોરણ 10માં કુલ 11,59,762 વિદ્યાર્થીઓ આપી હતી પરીક્ષા

  • ધોરણ 10માં 7,054,65 વિદ્યાર્થીઓ આપી હતી બોર્ડની પરીક્ષા

  • ધોરણ 10માં 4,54,297 વિદ્યાર્થિનીઓએ આપી હતી બોર્ડની પરીક્ષા

  • ધોરણ 10માં 6,222 ફિઝિકલ ડિસેબલ સ્ટુડન્ટસે આપી હતી પરીક્ષા

  • સૌથી વધુ અમદાવાદ શહેર અને ગ્રામ્યમાં વિદ્યાર્થીઓ નોંધાયા હતા

  • ધોરણ 10માં અમદાવાદ શહેર અને ગ્રામ્યમાં 1,23,487 વિદ્યાર્થીઓ પરીક્ષા આપી હતી

First published: May 15, 2019
વધુ વાંચો अगली ख़बर