'પાણીનો વેડફાટ નહીં જરૂરીયાત છે,' વિપક્ષના પ્રહાર બાદ નીતિન પટેલનો જવાબ

News18 Gujarati
Updated: December 17, 2018, 7:18 AM IST
'પાણીનો વેડફાટ નહીં જરૂરીયાત છે,' વિપક્ષના પ્રહાર બાદ નીતિન પટેલનો જવાબ
News18 Gujarati
Updated: December 17, 2018, 7:18 AM IST
વડાપ્રધાનની મુલાકાત વખતે નર્મદા ડેમમાંથી પાણીનો વેડફાટ કરવાના અપક્ષના આરોપ બાદ રાજ્યના નાયબ મુખ્યમંત્રીએ જવાબ આપ્યો છે. નીતિન પટેલે જણાવ્યું કે સરદાર સરોવર બંધ અને ગરુડેશ્વર વિયર વચ્ચે સંગ્રહ થતું અને ત્યાંની હેઠવાસમાં છોડવામાં આવતું પાણી એ વેડફાટ નથી પણ પર્યાવરણીય જરુરીયાત છે.

અહીં ક્લિક કરી વાંચો રિષભ પંતે રચ્યો ઇતિહાસ, આ મામલે ધોની સહિત ઘણા દિગ્ગજ પાછળ રહ્યા

ખેડૂતોને ચાર પાણ આપવામાં આવશે

નાયબ મુખ્યમંત્રી નીતિન પટેલે જણાવ્યું કે નર્મદા નદીમાં કેવડીયાથી ભરૂચના દરિયા સુધીના વિસ્તારમાં પાણીનો પ્રવાહ યથાવત રહે, નર્મદા કાંઠે વસતા લોકોને બારે મહિના નર્મદાના મીઠા નીર ઉપલબ્ધ થાય અને દરિયો આગળ વધતો અટકે એવા તમામ પર્યાવરણીય હેતુ માટે નર્મદા બંધ અને ગરુડેશ્વર વિયરમાંથી હેઠવાસમાં પાણી છોડવામાં આવે છે. આ માટે ગરુડેશ્વર વિયરની ઉપરવાસમાં એટલે કે સરદાર સરોવર બંધ અને વિયરની વચ્ચે સંગ્રહ કરાતું પાણી એ પાણીનો વેડફાટ નથી પરંતુ પર્યાવરણીય જરુરીયાત છે. નર્મદાના સ્ત્રાવ વિસ્તારમાં વરસાદ ઓછો થયો હોવા છતાં રાજ્ય સરકારે ખેડૂતોના હિતમાં સમયસર નિર્ણયો લીધા છે અને 28 મી ફેબ્રુઆરી સુધીમાં ખેડૂતોને રવિ સિંચાઈ માટે પાકોની જરુરીયાત મુજબ ચાર પાણ અપાશે.

નીતિન પટેલે જણાવ્યું હતું કે, નર્મદા કંટ્રોલ ઓથોરિટીના નિર્દેશ મુજબ બંધની હેઠવાસમાં પર્યાવરણીય જરુરિયાત સંતોષવા સતત 600 ક્યુસેક પાણી છોડવાનું હોય છે. જે અત્યાર સુધી પોન્ડ નં. 3 માંથી ગોડબોલે ગેટ દ્વારા છોડવામાં આવતું હતું. જે હવે ગરુડેશ્વર વિયરમાં પણ ગેઇટ લાગી જતાં તેના મારફતે હેઠવાસમાં છોડવામાં આવે છે. આ માટે ગરુડેશ્વર વિયરની ઉપરવાસમાં પાણીનો સંગ્રહ કરવો જરૂરી છે, જે પાણીનો બગાડ નથી. નિર્ધારીત થયેલ 600 ક્યુસેક પાણી હેઠવાસમાં સતત છોડાઇ રહ્યું છે.

રાજ્ય સરકારના ખેડૂતલક્ષી અભિગમ વિશે જાણકારી આપતાં કહ્યું હતું કે, સામાન્ય વર્ષે ગુજરાતને ફાળે આવતાં 9 મિલિયન એકર ફીટ પાણીના જથ્થાની સામે ચાલુ વર્ષે નર્મદાના સ્રાવ વિસ્તારમાં વરસાદ ઓછો થતાં ગુજરાતને ફાળે 6.83 મિલિયન એકર ફીટ પાણી આવવા સંભવ છે. આમ, લગભગ 25% ઓછું પાણી મળ્યું હોવા છતાં રાજ્ય સરકારે ખેડૂતોના હિતમાં સમયસર યોગ્ય નિર્ણયો લઈ ખરીફ ઋતુમાં ટેકાની સિંચાઇ માટે ‌‌આશરે 1.75 મિલિયન એકર ફીટ પાણી આપ્યું છે. તેમજ ચાલુ રવિ ઋતુમાં પણ સરકારે સમયસર જાહેરાત કરી તે મુજબ તા. 12 નવેમ્બરથી દરરોજ 18 થી 20 હજાર ક્યુસેક પાણી આપવામાં આવે છે જે અત્યાર સુધીમાં 1.15 મિલિયન એકર ફીટ જેટલો જથ્થો થાય છે. અગાઉથી જાહેરાત કર્યા મુજબ તારીખ 28 ફેબ્રુઆરી સુધી રવિ સિંચાઇ માટે પાકોની જરૂરિયાત મુજબ કુલ લગભગ ચાર પાણ આપવામાં આવશે.
Loading...

નહેર માળખાનાં કામો હજુ બાકી હોવા અંગે જણાવતાં નીતિન પટેલે કહ્યું કે, નહેર માળખાની કૂલ અંદાજીત 71,000 કિલોમીટર લંબાઇ સામે વાસ્તવિક પરિસ્થિતિ જોતાં લગભગ 68,000 કિલોમીટર થવા સંભવ છે. આ પૈકી નવેમ્બર 2018 ના અંત સુધીમાં 60,169 કિલોમીટર લંબાઇનું નહેર માળખુ પૂર્ણ થયેલું છે એટલે કે 88% કામો પૂર્ણ થયા છે. છેલ્લાં ચાર વર્ષોમાં આશરે 34,000 કિલોમીટર લંબાઇના કામો પૂર્ણ થયા છે. હવે બાકી રહેતા કામો મુખ્યત્વે નાની વહન ક્ષમત્તા વાળી સબ માઈનોર નહેરોનાં છે એટલે એ દિશામાં પણ સંતોષકારક કામગીરી થઈ રહી છે.

આ પણ વાંચો ધોનીએ પત્ની સાક્ષીને પહેરાવી સેન્ડલ, તસવીર થઈ વાયરલ

ઉલ્લેખનીય છે. અછતનો સામનો કરી રહેલું આખું ગુજરાત જયારે પીવાના અને સિંચાઈના પાણીની તીવ્ર અછતનો સામનો કરી રહ્યું છે ત્‍યારે માત્ર પ્રધાનમંત્રીની તા.૨૨-૨૩ ડીસેમ્‍બરના કેવડીયા કોલોનીની મુલાકાત વખતે સ્‍વચ્‍છ પાણી બતાવવા અને ફોટોજેનીક બેક ગ્રાઉન્‍ડ ઉભું કરવા માટે ભાજપ સરકારે શહેનશાહની જેમ નર્મદા ડેમનું ૨૦ થી ૪૦ મીલીયન કયુબીક મીટર પાણી સ્‍ટેચ્‍યુ ઓફ યુનીટી વીયરમાં છોડીને ખેડૂતો અને નાગરીકોના ભોગે પાણીનો ગુનાહીત વેડફાટ કર્યો હોવાનો આક્ષેપ ગુજરાત પ્રદેશ કોંગ્રેસ સમિતિના પૂર્વ પ્રમુખ અર્જુન મોઢવાડિયાએ કર્યો હતો.

અર્જુન મોઢવાડિયાએ જણાવ્‍યું હતું કે વડાપ્રધાન નરેન્‍દ્ર મોદીએ ૩૧મી ઓકટોબરે સ્‍ટેચ્‍યુ ઓફ યુનીટીનું ઉદ્ધાટન કર્યું તે પહેલાં ૨૪મી ઓકટોબરે સ્‍ટેચ્‍યુની આસપાસ વીયરમાં પાણી ભરેલું દેખાય તે માટે નર્મદા ડેમમાંથી ૨૦ મીલીયન કયુબીક ફીટ પાણી છોડીને વેડફાટ કરવામાં આવેલો. આ પાણી હજી ભરેલું જ છે પરંતુ આ પાણી બંધીયાર થયેલું હોય લીલા કલરનું થયેલું છે અને થોડી વાસ આવે છે. પ્રધાનમંત્રીને સ્‍વચ્‍છ પાણી બતાવવા તથા ફોટોજેનીક સીન ઉભો કરવા માટે ફરીથી નર્મદા ડેમમાંથી ગોડબોલે ગેઈટ મારફતે ૪૫૦૦ કયુસેક પાણી છોડીને સ્‍ટેચ્‍યુ ઓફ યુનીટીના વીયર ડેમમાં ૨૦ થી ૪૦ MCM પાણી ભરવામાં આવી રહ્યું છે.“એક તરફ આખુ ગુજરાત અને તેમાં પણ ખાસ કરીને કચ્‍છ-સૌરાષ્‍ટ્ર, મધ્‍ય અને ઉત્તર ગુજરાના વિસ્‍તારો પીવાના પાણીની ભારે તંગે અનુભવી રહ્યા છે."
First published: December 16, 2018
વધુ વાંચો
Loading...
अगली ख़बर
Loading...