Gujarat Education: શિક્ષણ મંત્રી જીતુ વાઘાણીની મહત્ત્વની જાહેરાત, રાજ્યના 10,000 અધ્યાપકોને થશે લાભ

Gujarat Education: શિક્ષણ મંત્રી જીતુ વાઘાણીએ (Jitu Vaghani) આજે ગાંધીનગરમાં (Gandhinagar) કેબિનેટ બેઠક પહેલાં મહત્ત્વની જાહેરાતો કરી છે. રાજ્યમાં સીસીસીની પરીક્ષા (CCC Exam), સીએએસ ( CAS) અને અધ્યાપકોના પડતર પ્રશ્નો અંગે શિક્ષણ મંત્રી વાઘાણીએ મોટા (Education Minister Jitu Vaghani) નિર્ણયોની જાહેરાત કરી છે. રાજ્યમાં સીસીસીની પરીક્ષામાં ફરજિયાતના નિયમો દૂર કરાશે. કોલેજોમાં પ્રિન્સીપાલની (Prinicipal Recruitment in Collages) ભરતી શરૂ કરાશે. રાજ્યમાં 2016થી બંધ સીએએસ ફરીથી શરૂ કરાશે.

અધ્યાપકોના પ્રમોશન CAS ફરી લાગુ કરશે

જીતુ વાઘાણીએ જણાવ્યું કે રાજ્યમાં 1-1-2016થી તમામ કોલેજના અધ્યાપકોના પ્રમોશન સીએએસ એટલે કે કેરિયર એડવાન્સ સ્કિમ સ્થગિત કરવામાં આવશે. સરકારની વિચારણા બાદ તેને પુન: સ્થાપિત કરવામાં આવશે. આ સંદર્ભમાં સાતમાન પગાર પંચના શિક્ષણ વિભાગના ઠરાવ દૂર કરવામાં આવ્યા છે. આનાથી 3,000 અધ્યાપકોને સીધો ફાયદો થયો છે.

CCCની પરીક્ષામાં ફરજિયાતના નિયમો દૂર કરાશે

કોલેજના અધ્યાપકોના પ્રમોશન માટે સીસીસી પરીક્ષા તેમજ હિંદી અને ગુજરાતની પરીક્ષાના ફરજિયાતના નિમોય હતો. શિક્ષણ મંત્રી વાઘાણીએ જણાવ્યું કે આ નિયમો પણ દૂર કરાશે. આ નિર્ણયનો લાભ 10,000 અધ્યાપકોને મળશે.

આ પણ વાંચો :  PSI Exam: PSIની લેખિત પરીક્ષાના પરિણામની ઘડીઓ નજીક, જાણો કેટલા સમયમાં આવી શકે છે રિઝલ્ટ

શિક્ષણમંત્રી જીતુ વાઘાણીનું મહત્વનું નિવેદન

કોલેજોમાં પ્રિન્સિપાલની જગ્યા ભરવામાં આવશે: વાઘાણી#JituVaghani #Gandhinagar pic.twitter.com/c1f8zuzfM2

— News18Gujarati (@News18Guj) April 27, 2022

નિવૃત્ત શિક્ષકોને સાતમા પગાર પંચનો લાભ મળશે

શિક્ષણ મંત્રી જીતુ વાઘાણીએ જણાવ્યું કે રાજ્યમાં કોલેજના અધ્યાપકોના જે પડતર પ્રશ્નો હતા તેનું ભૂપેન્દ્ર ભાઈ પટેલની સરકારે આજે નિરાકરણ આપ્યું છે. હવે નિવૃત અધ્યાપકોને સાતમા પગાર પંચનો લાભ પણ મળશે. આ અંગે નાણામંત્રી કનુભાઈ સાથે નાણા વિભાગની પણ ચર્ચા થઈ છે.

આ પણ વાંચો : BARC Recruitment 2022: ભાભા એટોમીક રિસર્ચ સેન્ટરમાં 266 જગ્યાની ભરતી, અહીંથી કરો અરજી

10,000 શિક્ષકનો સમગ્રયતામાં લાભ

આજે સરકારે લીધેલા નિર્ણયો અંગે પ્રો.પ્રજ્ઞેશ શાહે જણાવ્યું કે આજે સરકારે લીધેલા નિર્ણયો લાંબા સમયથી અધ્યાપકોના પડતર પ્રશ્નો હતા. આના કારણે સીધી રીતે રાજ્યના 10,000 જેટલા કોલેજના અધ્યાપકોને લાભ થવાનો છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: કેરિયર, જીતુ વાઘાણી, શિક્ષકો, શિક્ષણ