Home /News /ahmedabad /Kutch Coal Scam: વિજિલન્સ દ્વારા વિદેશી કોલસા કૌભાંડનો પર્દાફાશ; 66 લાખના કોલસા સાથે 1.85 કરોડનો મુદ્દામાલ જપ્ત

Kutch Coal Scam: વિજિલન્સ દ્વારા વિદેશી કોલસા કૌભાંડનો પર્દાફાશ; 66 લાખના કોલસા સાથે 1.85 કરોડનો મુદ્દામાલ જપ્ત

પોલીસે 66 લાખ રૂપિયાનો વિદેશી કોલસો જપ્ત કર્યો છે.

Kutch Coal Scam: વિજિલન્સની ટીમે કોલસા કૌભાંડનો પર્દાફાશ કર્યો છે. તેમાં ગુણવત્તા ખરાબ આવવાની ફરિયાદ મળતા પોલીસ તપાસ કરવામાં આવી હતી. ત્યારે પોલીસે 66 લાખનો વિદેશી કોલસો જપ્ત કર્યો છે અને સાથે જ કુલ 1.85 કરોડથી વધુ રૂપિયાનો મુદ્દામાલ જપ્ત કર્યો છે. હાલ આ મામલે 15 આરોપીની ધરપકડ કરવામાં આવી છે અને 7 આરોપીઓ ફરાર છે.

વધુ જુઓ ...
અમદાવાદઃ વિજિલન્સ દ્વારા વિદેશી કોલસા ચોરીનો મોટો કૌભાંડનો પર્દાફાશ કરવામાં આવ્યો છે. આરોપીઓ દ્વારા વિદેશી કોલસો કાઢીને રદ્દી કોલસા મિક્સ કરીને સપ્લાય કરતા હતા. ત્યારે કંપનીમાં ફરિયાદ વધતા પોલીસને જાણ કરી હતી અને પોલીસે કાર્યવાહી કરતાં જ સમગ્ર કૌભાંડનો પર્દાફાશ કર્યો હતો.

વિદેશથી કોલસો આયાત થતો હતો


મળતી માહિતી પ્રમાણે, ઓસ્ટ્રેલિયા અને ઇન્ડોનેશિયાથી વિદેશી કોલસા આયાત કરતા હતા. આ કોલસા ભાવનગર અને અમદાવાદમાં આવેલી કંપનીઓમાં કોલસો આયાત કરતા હતા. વિદેશી કોલસો ખૂબ જ મોંઘુ હોવાનું સામે આવ્યું છે. કંપની તરફથી ફરિયાદ આવી રહી હતી કે, કોલસાની ગુણવત્તા ખૂબ જ ખરાબ આવતી હતી. જેથી પોલીસને માહિતી મળતા, ડીજી વિજિલન્સ દ્વારા તપાસ કરવામાં આવી છે.

kutch coal scam
આ મામલે પોલીસે 15 આરોપીઓની ધરપકડ કરી છે.

રસ્તામાં કોલસામાં ભેળસેળ થતી હતી


તપાસ કરતા જાણવા મળ્યું હતું કે, પોર્ટ પરથી જે કોલસો નીકળતો હતો તે રસ્તામાં મિક્સ થતો હતો. દરોડામાં ચોંકાવનારો ખુલાસો થયો હતો. જેમાં જાણવા મળ્યું હતુ કે, કચ્છના ભચાઉ પોલીસ સ્ટેશનના વિસ્તારમાં આરોપીઓ ભેગા મળીને વિદેશી કોલસામાં ભેળસેળ કરતા હતા અને ત્યારબાદ જે તે કંપનીમાં મોકલતા હતા. આ મામલે ડીજી વિજિલન્સે કાર્યવાહી કરી 66 લાખનો કોલસો જપ્ત કરવામાં આવ્યો છે. આ સાથે કુલ 1.85 કરોડથી વધુનો સામાન જપ્ત કરવામાં આવ્યો છે. હાલ પોલીસે આ મામલે 15 આરોપીઓની ધરપકડ કરી છે અને 7 આરોપીઓ ફરાર છે.

તમામ દિશાઓમાં તપાસ કરાશેઃ પોલીસ


આ મામલે પોલીસ અધિકારીએ જણાવ્યું છે કે, આરોપીઓની તપાસ કરવામાં આવી રહી છે. કેટલ સમયથી આ ધંધો ચાલે છે અને કેવી રીતે સેટિંગ કરવામાં આવે છે તે તમામ દિશાઓમાં તપાસ હાથ ધરવામાં આવી છે.
Published by:Vivek Chudasma
First published:

Tags: Gujarat News, Kutch Crime, Kutch news

विज्ञापन

ન્યૂઝ 18 ગુજરાતી ટ્રેન્ડિંગ

વધુ વાંચો
विज्ञापन
विज्ञापन
विज्ञापन