આદિવાસીઓને મળતા નેશનલ ફૂડ સિક્યુરિટી એક્ટના લાભને લઈને કોંગ્રેસે કર્યા ભાજપ સરકાર પર આક્ષેપ

ગુજરાત: ગુજરાતના ગરીબ આદિવાસી વિસ્તારના 83,556 પરિવારોને નેશનલ ફૂડ સિક્યોરિટી એક્ટના લાભથી વંચિત રખાયા છે. માત્ર ડાંગ જિલ્લામાં 7,595, નર્મદા જિલ્લામાં 7,470 એન એફ એસ એ કાર્ડ કમી કરાયા છે. આ નિર્ણયથી પાંચ લાખથી વધુ ગરીબ આદિવાસી લોકો લાભથી વંચિત રહેશે. ભાજપ સરકાર અતિ ગરીબ આદિવાસી લોકોના અન્ન કોળીયો છીનવીનું કામ કરી રહી છે.

કોંગ્રેસે કર્યો ભાજપ સરકાર પર આક્ષેપ

કોંગ્રેસ પ્રવક્તાપાર્થિવરાજસિંહ કઠવાડિયાએ પત્રકાર પરિષદ કરી જણાવ્યું હતું કે, યુપીએની કોંગ્રેસ સરકાર દ્વારા અતિ ગરીબ વંચિત વર્ગના પ્રજાજનો ભૂખ્યા ના ઊંઘે, તેમને અન્ન સુરક્ષા યોજના હેઠળ અનાજ મળી રહે તેવી વ્યવસ્થા ઉભી કરી હતી, પણ ભાજપાની સરકારને માત્ર પોતાના ઉદ્યોગપતિ મિત્રો વ્હાલા છે, અને તેમની દેશ ની અતિ ગરીબ વંચિત વર્ગના લોકોની ચિંતા નથી. ગુજરાત રાજ્યમાં કોઈ પણ પ્રકારના આર્થિક સર્વે વગર આદિવાસી વિસ્તારમાં થી 83,556 એન.એફ.એસ.એ કાર્ડ કમી કરવાની તજવીજ કરવામાં આવી છે. ગરીબ વંચિત આદિવાસીઓને અન્ન સુરક્ષાના કાયદાથી શું કામ વંચિત રાખવા માં આવી રહ્યા છે? શું કામ એફ એસ એ કાર્ડ ને કમી કરવાનો ફતવો બહાર પાડવા માં આવી રહ્યો છે? 75-25 નો રેશિયો કયા આધાર એ નક્કી કરવા માં આવ્યો છે?

કમી કરેલ NFSA કાર્ડની સંખ્યા
જિલ્લો	સંખ્યા
નર્મદા	7470
ડાંગ	7595
તાપી	5947

શું આદિવાસીઓને અન્ન સુરક્ષા કાનૂનથી વંચિત રખાશે?

ડાંગ જિલ્લામાં 7,595, નર્મદા જિલ્લામાં 7,470 જેટલા અન્ન સુરક્ષાના કાર્ડ બંધ કરી દેવાશે. શેહરા તાલુકામાં 6,275, ઘોઘંબામાં 5,229, કપરાડામાં 7,354, ધરમપુરમાં 4,961 પરિવારો અન્ન સુરક્ષા કાનૂનથી વંચિત રખાશે. ભાજપા સરકારના આ કૃત્યથી ગુજરાત રાજ્યના 5 લાખથી વધુ લોકો પર અસર થશે. મામલતદાર દ્વારા દુકાન ધારકોને દબાણ કરી નામ કમી કરવાની પ્રક્રિયા કરવા માં આવી રહી છે તો મામલતદાર જ જાહેર કરે આ એન.એફ.એસ.એ કાર્ડ કયા આધારે કમી કરવા માં આવી રહ્યા છે?

આ પણ વાંચો: ગૌભક્તોએ રામ નવમીની પૂર્વ સંધ્યાએ ગેરકાયદે કતલખાને લઈ જવાતા 27 પશુઓને છોડાવ્યા

જીલ્લાનું નામ તાલુકા કમી કરેલ NFSA કાર્ડની સંખ્યા
નવસારી વાંસદા	3607	મોરવા હડફ	4462
છોટા ઉદેપુર ક્વાંટ	1763	શહેરા	6275
જેતપુર પાવી	476	ભરૂચ નેત્રંગ	1424
દાહોદ ગરબાડા	719	વાલીયા	755
ઝાલો	3276	મહિસાગર ખાનપુર	1817
દેવગઢ બારીયા	3864	બાલાસિનોર	1080
ધાનપુર	1554	વિરપુર	975
ફતેપુરા	1053	વલસાડ ઉમરગામ	1174
લીમખેડા	2036	કપરાડા	7354
સંજેલી	1700	ધરમપુર	4961
સીંગવડ	1857	સાબરકાંઠા પોશીના	3806
પંચમહાલ ઘોઘંબા	5229	વિજયનગર	979

83,556 પરિવારો ઉપર સીધી અસર પડશે: કોંગ્રેસ

ગુજરાતના ગરીબ આદિવાસીઓને અન્ન સુરક્ષાથી શું કામ વંચિત રાખવામાં આવી રહ્યા છે? ગુજરાત રાજ્યના ગરીબ આદિવાસી વર્ગના લોકોના અધિકારો ઉપરની તરાપને સાંખી લેવાય નહીં. આ નિર્ણયથી 11 જીલ્લા અને 30 થી પણ વધુ તાલુકાઓના 83,556 પરિવારો ઉપર સીધી અસર પડશે. આ નિર્ણયથી અતિ ગરીબ ગરીબી રેખા નીચે જીવતા લોકોને મફત અનાજ યોજના ના લાભથી વંચિત રખાશે. આ ગરીબ લોકોના અન્નનો કોળીયો છીનવી સરકાર ગરીબ આદિવાસી લોકોને ભુખ્યા સુવડાવવાનું પાપ કરી રહી છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Ahmedabad news, NFSA, Tribal community