CM એક્શન મોડમાં, મંત્રીઓને 100 દિવસની બ્લૂ પ્રિન્ટ તૈયાર કરવા આદેશ

ગાંધીનગર: ગુજરાત વિધાનસભા ચૂંટણીમાં ભારે બહુમતી સાથે ફરીથી ભુપેન્દ્ર પટેલની સરકાર બનતા તેમની જવાબદારીઓ પણ વધી ગઈ છે. જણાવી દઈએ કે, ભુપેન્દ્ર અને નરેન્દ્રની ડબલ એન્જીન સરકારમાં મૂકેલા વિશ્વાસને સાર્થક કરવા ભૂપેન્દ્ર પટેલની સરકાર દ્વારા પ્રયાસ શરૂ કરી દેવામાં આવ્યો છે. ઉલ્લેખનીય છે કે, સરકારના શપથ લેવાયા બાદ જ સરકાર એક્શન મોટમાં આવી ગઈ હતી.

CM ભુપેન્દ્ર પટેલે આજે જ તમામ મંત્રીઓને પોતાના વિભાગના 100 દિવસના નવતર લક્ષ્યાંકો તૈયાર કરવાનો આદેશ આપ્યો છે. ઉલ્લેખનીય છે કે, નરેન્દ્ર મોદીની સરકાર અને આનંદીબેન પટેલની સરકારમાં સ્માર્ટ ગોલ્સ, ગોલ્ડન ગોલ્સ નક્કી કરવાની શરુઆત કરાઇ હતી. હવે સ્વરુપ બદલાયુ અને હવે 100 દિવસના ગોલ્સ નક્કી થઇ રહ્યા છે.

આ પણ વાંચો: વડોદરા MD ડ્રગ કેસમાં મોટો ખુલાસો, સલીમ દુબઈમાં બેઠો બેઠો ચલાવી રહ્યો છે નેટવર્ક

મંત્રી પોતે જ પોતાના લક્ષ્યાંકો માટે ક્લિયર હોય તો તેમનો વિભાગ અને વિભાગના અધિકારીઓને તે ટાર્ગેટ પૂરા કરવા દોડાવી શકે તે માટે પ્રથમ ત્રણ મહિનાની બ્લુ પ્રિન્ટ નક્કી કરવાનો આદેશ તમામ મંત્રીઓને અપાયો છે. પ્રથમ 100 દિવસમાં મંત્રીઓને પોતાના વિભાગમાં નવી યોજનાઓ અને ગત સરકારની યોજનાની પૂર્ણતાનું સૂચન મુખ્યમંત્રીએ કર્યું છે અને વિઝનરી પ્લાન સંદર્ભે પણ પોત પોતાના વિભાગમાં ઉંડા ઉતરવા જણાવ્યું છે.

તમામ મંત્રીઓએ  પોતાના વિભાગના પ્રથમ 100 દિવસની કામગીરીની બ્લુ પ્રિન્ટ તૈયાર કરવાની રહેશે, જેની ચર્ચા આગામી કેબિનેટની બેઠકમાં થઇ શકે છે. જેઓ ગત સરકારના મંત્રી રહ્યા છે તેમના માટે આ ટાર્ગેટ થોડો સરળ રહેશે. બાકીના નવોદિત મંત્રીઓને થોડુ કાઠું પડી શકે છે. આથી, જૂના મંત્રીઓને નવોદિત મંત્રીઓને સહયોગ કરવા પણ જણાવવામાં આવ્યું છે. જણાવી દઈએ કે, રાઘવજી પટેલ , હરેશ સંધવી , જગદીશ વિશ્વકર્મા જેવા મંત્રીઓ નવોદિત મંત્રીઓને 100 દિવસની બ્લુ પ્રિન્ટ મુદ્દે સહાયરુપ થશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Bhupendra patel cabinet, Gujarat Elections, Gujarat Government