Home /News /ahmedabad /અમદાવાદ: BRTS બસમાં આગ લાગતા અફરાતફરી, મેમનગર પાસેનો બનાવ

અમદાવાદ: BRTS બસમાં આગ લાગતા અફરાતફરી, મેમનગર પાસેનો બનાવ

બીઆરટીએસ બસમાં આગ

BRTS Bus Fire: અમદાવાદમાં મેમનગર ખાતે બીઆરટીએસની એક બસમાં આગ લાગવાનો બનાવ. આગ લાગવાનું કારણ અકબંધ. આગને પગલે વિસ્તારમાં ટ્રાફિક જામ થયો.

    અમદાવાદ: અમદાવાદ શહેરમાં બીઆરટીએસ બસમાં આગ લાગ્યાનો બનાવ બન્યો છે. આગને પગલે અફરાતફરીનો માહોલ સર્જાયો હતો. આ બનાવ મેમનગર ખાતે બન્યો હતો. બીઆરટીએસ બસમાં આગ લાગવાને કારણે ટ્રાફિક જામ થઈ ગયો હતો. આગની ઘટના બાદ ઘટનાસ્થળ ખાતે લોકોને ટોળેટોળાં એકઠા થઈ ગયા હતા. આ અંગેની તસવીરો સામે આવી છે તે ખરેખર ડરાવનારી છે. જોકે, આગને પગલે જાનહાનીના કોઈ સમાચાર પ્રાપ્ત થયા નથી. આગ લાગવાનો વીડિયો પણ વાયરલ થયો છે. વીડિયોમાં જોઈ શકાય છે કે બીઆરટીએસ બસ ભડભડ સળગી રહી છે.

    25 મુસાફર સવાર હતા


    મળતી માહિતી પ્રમાણે અમદાવાદના મેમનગર બીઆરટીએસ બસ સ્ટેન્ડ પર સવારે એક બસમાં આગ લાગી ગઈ હતી. શરૂઆતમાં એન્જિનમાંથી ધૂમાડો બહાર નીકળવા લાગ્યો હતો. સમયસૂચકતા વાપરીને ડ્રાઇવરે તમામ મુસાફરોને નીચે ઉતારી દીધા હતા. જોત જોતામાં આખી બસ આગની ઝપેટમાં આવી ગઈ હતી. આગ લાગી તે પહેલા બસમાં 25 જેટલા મુસાફરો સવાર હતા. તમામને સલામત રીતે નીચે ઉતારી દેવામાં આવ્યા હતા.

    સવારે 8:30 વાગ્યાની આસપાસ બસમાં આગી લાગી હતી. ઘટનાની જાણ ફાયર બ્રિગેડને કરવામાં આવતા ફાયરનો કાફલો દોડી આવ્યો હતો અને આગ પર કાબૂ મેળવ્યો હતો. ફાયરની ત્રણ ગાડીઓ ઘટનાસ્થળે પહોંચી હતી. આગ પર કાબૂ મેળવવા માટે ફાયર બ્રિગેડે પાણીનો મારો ચલાવીને આગ પર કાબૂ મેળવ્યો હતો.


    બસ સ્ટેન્ડને નુકસાન


    જે બસમાં આગ લાગી હતી તે બસ બીઆરટીએસ બસ સ્ટેન્ડ ખાતે ઊભી હતી. આગ લાગવાને કારણે બીઆરટીએસ બસ સ્ટેન્ડને પણ થોડું નુકસાન થયું હતું. જોકે, ફાયરનો સ્ટાફ તાત્કાલિક દોડી આવતા બસ સ્ટેન્ડને વધારે નુકસાન થતા અટકી ગયું હતું.
    Published by:Vinod Zankhaliya
    First published:

    Tags: BRTS, અકસ્માત, અમદાવાદ, આગ, બસ

    विज्ञापन

    ન્યૂઝ 18 ગુજરાતી ટ્રેન્ડિંગ

    વધુ વાંચો
    विज्ञापन
    विज्ञापन
    विज्ञापन