ભૂપેન્દ્ર પટેલે રાજ્યના મુખ્યમંત્રી તરીકે બીજીવાર સંભાળ્યો ચાર્જ

ગાંધીનગર: ગઇકાલે ગુજરાત સરકારના મંત્રીમંડળના શપથ યોજાઇ ગયા, ત્યારે આજે મંગળવારે સવારે મુખ્યમંત્રી ભૂપેન્દ્ર પટેલે સતત બીજીવાર રાજ્યનું જનસેવા દાયિત્વ સંભાળ્યું છે. સીએમ ભૂપેન્દ્ર પટેલે મુખ્યમંત્રી કાર્યાલયમાં દાદા ભગવાન, સીમંધર સ્વામીની પૂજા-અર્ચના કરી કાર્યભાર સંભાળ્યો છે. રાજ્ય મંત્રીમંડળના મંત્રીઓ પણ મુખ્યમંત્રી સાથે સહભાગી થયા હતા. જ્યારે સમગ્ર મંત્રીમંડળે પણ આજથી પદભાર સંભાળ્યો છે.

મંત્રીમંડળના નવનિયુક્ત મંત્રીઓ પણ પૂજન-અર્ચનમાં સહભાગી થયા

મુખ્યમંત્રી ભૂપેન્દ્ર પટેલે વિધાનસભા ચૂંટણીઓમાં પ્રચંડ જનસમર્થન મેળવીને સતત બીજીવાર મુખ્યમંત્રીપદનો કાર્યભાર આજે સવારે શુભ મૂહુર્તમાં વિધિવત સંભાળ્યો છે. મુખ્યમંત્રી કાર્યાલયમાં ભૂપેન્દ્ર પટેલે સીમંધર સ્વામીની મૂર્તિ તથા પૂજ્ય દાદા ભગવાનના શ્રીચરણોમાં ભાવપૂષ્પ અર્પણ કરીને રાજ્યનું જનસેવા દાયિત્વ આજથી સંભાળી લીધું છે. મુખ્યમંત્રી ભૂપેન્દ્ર પટેલ સાથે રાજ્ય મંત્રીમંડળના નવનિયુક્ત મંત્રીઓ પણ પૂજન-અર્ચનમાં સહભાગી થયા હતા.

મુખ્યમંત્રી તરીકે ભૂપેન્દ્ર પટેલના નેતૃત્વમાં સમગ્ર મંત્રીમંડળે આજે મંગળવારથી જ પોતાના પદભાર સંભાળ્યા છે. મુખ્યમંત્રીએ નવનિયુક્ત સૌ મંત્રીઓને શુભેચ્છાઓ પાઠવી હતી અને રાજ્યના ઉત્તરોત્તર અવિરત વિકાસમાં તેમનું યોગદાન મળતું રહે તેવી મંગળ કામનાઓ વ્યક્ત કરી હતી.

ગાંધીનગરમાં મુખ્યમંત્રી ભૂપેન્દ્ર પટેલે પુજા કરીને કાર્યભાર સંભાળ્યો#Gandhinagar #GujaratCM #BhupendraPatel pic.twitter.com/Uq7L1SR0cJ

— News18Gujarati (@News18Guj) December 13, 2022

આ પણ વાંચો: જીતુ વાઘાણી સહિત આ જૂના જોગીઓના પત્તાં કપાયા, જાણો કોનો કરવામાં આવ્યો સમાવેશ


ભૂપેન્દ્ર પટેલે ગઇકાલે ગુજરાતના 18માં મુખ્યમંત્રી તરીકે શપથ ગ્રહણ કર્યા

ગુજરાત વિધાનસભા ચૂંટણીમાં ભાજપને 156 બેઠકો સાથે જંગી બહુમતી મળી છે. જેને લઈને ભૂપેન્દ્ર પટેલે ગઇકાલે ગુજરાતના 18માં મુખ્યમંત્રી તરીકેના શપથ ગ્રહણ કરી લીધા હતા. જણાવી દઈએ કે, ભૂપેન્દ્ર પટેલ સરકાર 2.0માં 8 ધારાસભ્યોએ કેબિનેટ મંત્રી તરીકેના શપથ લીધા તો 8 ધારાસભ્યોએ રાજ્યકક્ષાના મંત્રી પદના શપથ લીધા હતા.

ક્રમ	નામ	હોદ્દો	વિષય ફાળવણી
1	ભૂપેન્દ્ર પટેલ	મુખ્યમંત્રી	સામાન્ય વહીવટ, વહીવટી સુધારણા, તાલીમ અને આયોજન, ગૃહ અને પોલીસ હાઉસીંગ, મહેસૂલ અને આપત્તિ વ્યવસ્થાપન, શહેરી વિકાસ અને શહેરી ગૃહ નિર્માણ, પંચાયત, માર્ગ અને મકાન અને પાટનગર યોજના, ખાણ અને ખનિજ, યાત્રાધામ વિકાસ, નર્મદા અને કલ્પસર, બંદરો, માહિતી અને પ્રસારણ, નશાબંધી અને આબકારી, વિજ્ઞાન અને પ્રૌધોગિકી, તમામ નીતિ વિષયક બાબતો અને અન્ય મંત્રીઓને ન ફાળવેલ વિષયો
	કેબિનેટ કક્ષાના મંત્રીઓ
2	કનુભાઇ મોહનભાઇ દેસાઇ	મંત્રી	નાણા, ઉર્જા અને પેટ્રોકેમીકલ્સ
3	ઋષિકેશભાઇ પટેલ	મંત્રી	આરોગ્ય, પરિવાર કલ્યાણ અને તબીબી શિક્ષણ, ઉચ્ચ અને તાંત્રિક શિક્ષણ, કાયદો, ન્યાયતંત્ર, વૈધાનિક અને સંસદીય બાબતો
4	રાઘવજીભાઇ પટેલ	મંત્રી	કૃષિ, પશુપાલન, ગૌસંવર્ધન , મત્સ્યોદ્યોગ, ગ્રામ ગૃહ નિર્માણ અને ગ્રામ વિકાસ,
5	બળવંતસિંહ રાજપુત	મંત્રી	ઉદ્યોગ, લઘુ, શુક્ષ્મ અને મધ્યમ ઉદ્યોગ, કુટીર, ખાદી અને ગ્રામોદ્યોગ, નાગરિક ઉડ્ડ્યન, શ્રમ અને રોજગાર
6	કુંવરજીભાઇ બાવળીયા	મંત્રી	જળસંપત્તિ અને પાણી પુરવઠા, અન્ન, નાગરિક પુરવઠા અને ગ્રાહક સુરક્ષાને લગતી બાબતો
7	મુળુભાઇ બેરા	મંત્રી	પ્રવાસન, સાંસ્કૃતિક પ્રવૃત્તિઓ, વન અને પર્યાવરણ, ક્લાઇમેટ ચેન્જ
8	ડો. કુબેરભાઇ ડીંડોર	મંત્રી	આદિજાતી વિકાસ, પ્રાથમિક, માધ્યમિક અને પ્રૌઢ શિક્ષણ
9	મતી ભાનુબેન બાબરીયા	મંત્રી	સામાજિક ન્યાય અને અધિકારીતા, મહિલા અને બાળ કલ્યાણ
	રાજ્યકક્ષાના મંત્રીઓ
10	હર્ષ સંઘવી	રા. ક. મંત્રી	રમત ગમત અને યુવક સેવા, સ્વૈચ્છિક સંસ્થાઓનું સંકલન, બિન નિવાસી ગુજરાતીનો પ્રભાગ, વાહનવ્યવહાર, ગૃહ રક્ષક દળ અને ગ્રામ રક્ષક દળ, નાગરિક સંરક્ષણ, જેલ, સરહદી સુરક્ષા (તમામ સ્વતંત્ર હવાલો),  ગૃહ અને પોલીસ હાઉસીંગ, ઉદ્યોગ, સાંસ્કૃતિક પ્રવૃત્તિઓ (રાજ્ય કક્ષા)
11	જગદીશ વિશ્વકર્મા (પંચાલ)	રા. ક. મંત્રી	સહકાર, મીઠા ઉદ્યોગ, છાપકામ અને લેખન સામગ્રી, પ્રોટોકોલ, (તમામ સ્વંતત્ર હવાલો),   લઘુ, શુક્ષ્મ અને મધ્યમ ઉદ્યોગ, કુટીર, ખાદી અને ગ્રામોદ્યોગ, નાગરિક ઉડ્ડ્યન (રાજ્ય કક્ષા)
12	પરષોત્તમ સોલંકી	રા. ક. મંત્રી	મત્સ્યોદ્યોગ અને પશુપાલન
13	બચુભાઇ મગનભાઇ ખાબડ	રા. ક. મંત્રી	પંચાયત, કૃષિ
14	મુકેશભાઇ જે. પટેલ	રા. ક. મંત્રી	વન અને પર્યાવરણ, ક્લાઇમેટ ચેન્જ, જળસંપત્તિ અને પાણી પુરવઠા
15	પ્રફુલ્લભાઇ પાનસેરીયા	રા. ક. મંત્રી	સંસદીય બાબતો, પ્રાથમિક, માધ્યમિક અને પ્રૌઢ શિક્ષણ, ઉચ્ચ શિક્ષણ
16	ભીખુસિંહ ચતુરસિંહ પરમાર	રા. ક. મંત્રી	અન્ન અને નાગરિક પુરવઠા, સામાજિક ન્યાય અને અધિકારીતા
17	કુંવરજીભાઇ હળપતી	રા. ક. મંત્રી	આદિજાતી વિકાસ, શ્રમ અને રોજગાર, ગ્રામ વિકાસ

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: CM Bhupendra Patel, Gujarat News