Kankaria Zoo: કાંકરિયા પ્રાણી સંગ્રહાલયમાં ઉમેરાયું નવું આકર્ષણ, બે વર્ષનાં બે બેંગાલ ટાઇગરની થઇ એન્ટ્રી

અમદાવાદ: શહેરના કાંકરિયા પ્રાણી સંગ્રહાલયમાં બે વાઘણને આવકારવામાં આવી છે. ઔરંગાબાદ સિધ્ધાર્થ પ્રાણી સંગ્રહાલયમાંથી  બે રોયલ બંગાળ વાઘણ અને 6 કાળિયાર હરણ લાવવામાં આવ્યા છે. કાંકરીયા પ્રાણી સંગ્રહાલય કાંકરિયા પ્રાણીસંગ્રહાલય અને મહારાષ્ટ્રમાં આવેલ ઓરંગાબાદ પ્રાણીસંગ્રહાલય દ્વારા અલગ અલગ પ્રાણીઓની બદલી કરવામાં આવી છે. અમદાવાદ પ્રાણી સંગ્રહાલયમાંથી એક નર અને બે માદા એમ ત્રણ શિયાળ એક અને એક માદા એમ બે ઇમુ ત્રણ માદા પુનવાલ પાંચ માદા અને પાંચ નર એમ કુલ 10 શાહુડી ઓરંગાબાદ પ્રાણીસંગ્રહાલયમાં મોકલવામાં આવશે.  જેના બદલામાં કેન્દ્ર સરકારની મંજુરી બાદ ઔરંગાબાદથી 2 વાઘણ અને 6 કાળિયાર હરણ અહીંયા લાવવામાં આવ્યા છે.

કાંકરિયા પ્રાણીસંગ્રહાલયના ડિરેક્ટર આર.કે. સાહૂએ જણાવ્યું હતું કે, ઔરંગાબાદ પ્રાણીસંગ્રહાલયમાંથી અહિંયા લાવ્યા બાદ તેમને 30  દિવસ સુધી ક્વોરન્ટાઇન કરવામાં આવ્યા છે. કમલા નેહરુ ઝૂઓલોજિકલ ગાર્ડન બે વાઘણનું ઘર બનશે . ઔરંગાબાદના સિદ્ધાર્થ ઝૂમાં જન્મેલી  26 મહિનાની વાઘણ પ્રતિભા અને રંજનાને 19 ફેબ્રુઆરીએ કાંકરિયા પ્રાણી સંગ્રહાલયમાં સ્થાનાંતરિત કરવામાં આવી હતી રંગાબાદના સિદ્ધાર્થ ઝૂમાં જન્મેલી બે 26 મહિનાની વાઘણ પ્રતિભા અને રંજનાને આવતીકાલે મુલાકાતીઓ માટે આકર્ષણનું કેન્દ્ર રહેશે.

આ પણ વાંચો: 'હું ભીખ નથી માંગતી, મહેનત કરું છું'

નિર્ણય અતિ મહત્વનો

ઔરંગાબાદ પ્રાણી સંગ્રહાલયે બે વાઘણને અમદાવાદ મોકલવાનું નક્કી કર્યું હતું જયાં ત્રણ સફેદ સહિત 10 વાઘ હતા. બીજી તરફ કાંકરિયા પ્રાણી સંગ્રહાલયમાં માત્ર 1  બંગાળ વાઘ હોવાને કારણે 2 માદા વાઘણને અહીં લાવવામાં આવી હતી. ઉપરાંત, કાંકરિયા પ્રાણી સંગ્રહાલયમાં હાથી, હિપ્પોપોટેમસ, સિંહ, ચિત્તો, સ્લોથ રીંછ, શિયાળ, શિયાળ, ભારતીય વરુ, સિવેટ બિલાડી, ઓટર્સ, સિયામી બિલાડીઓ, હેજહોગ, ટોડી બિલાડી, ડુક્કર અને જંગલી ડુક્કર, અન્ય પ્રાણીઓ સહિત દુર્લભ પક્ષીઓની પ્રજાતિઓ પણ છે.

કોની મંજુરી?

વન્ય પ્રાણીઓ અને પક્ષીઓની આપ-લે અમદાવાદ મ્યુનિસિપલ કોર્પોરેશન અને મ્યુનિસિપલ કોર્પોરેશન ઔરંગાબાદ દ્વારા સંચાલિત પ્રાણી સંગ્રહાલયો વચ્ચે વન્ય પ્રાણીઓ અને પક્ષીઓની આપ-લે માટે સેન્ટ્રલ ઝૂઓલોજિકલ ઓથોરિટી નવી દિલ્હી અને ગુજરાત સરકારને મંજૂરી મળી છે.જેને લઈને અગાઉથી લીધેલી મંજુરી બાદ નિતી નિયમનુસાર હવે પ્રાણીઓની અદલ બદલ કરવામાં આવી છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Ahmedabad news, Gujarat News