અમદાવાદઃ બજરંગ દળના કાર્યકરોએ કૉંગ્રેસ કાર્યાલયનું નામ બદલીને 'હજ હાઉસ' કરી દીધું! પોસ્ટર્સ ચોંટાડી દીધા

અમદાવાદ: ગુજરાત પ્રદેશ કૉંગ્રેસ કાર્યાલય ખાતે ગુરુવારે રાત્રે બજરંગ દળ (Bajarag Dal)ના કાર્યકરોએ પોસ્ટર્સ લગાવી દીધા હતા. બજરંગ દળના કાર્યકરોએ કૉંગ્રેસ કાર્યાલયનું નામ બદલીને 'હજ હાઉસ' કરી દીધું હતું. કાર્યલય બહાર બજરંગ દળના કાર્યકરોએ શાહીથી 'હજ હાઉસ' લખી દીધું હતું તેમજ પોસ્ટર્સ (Congress Office) પણ ચીપકાવી દીધા હતા. આ ઉપરાંત કાર્યાલય બહાર લાગેલા વિવિધ નેતાઓના પોસ્ટર્સ પર કાળી શાહી લગાવી દીધી હતી. ઉલ્લેખનીય છે કે બે દિવસ પહેલા ગુજરાત પ્રદેશ કૉંગ્રેસ અધ્યક્ષ જગદીશ ઠાકેરે (Jagdish Thakor) એવું નિવેદન આપ્યું હતું કે દેશની તિજોરી પર પ્રથમ હક લઘુમતિઓનો છે.

બજરંગ દળનો વિરોધ

બજરંગ દળના કાર્યકરોએ ગુરુવારે રાત્રે કૉંગ્રેસ કાર્યલય ખાતે પોસ્ટર લગાવ્યા હતા. આ સાથે પોસ્ટરમાં લખ્યું હતું કે, આજથી આ કાર્યાલયનું નામ બદલીને હજ હાઉસ રાખવામાં આવશે. આ સાથે બજરંગ દળના કાર્યકરોએ વિરોધ પ્રદર્શન પણ કર્યું હતું. આ ઉપરાંત દીવાલ પર પંજાના નિશાન પર કાર્યકરોએ કાળી શાહી લગાવી દીધી હતી. કૉંગ્રેસ ભવનની દીવાલો પર બજરંગ દળના કાર્યકરોએ ઠેર ઠેર પોસ્ટર્સ ચીપકાવી દીધા હતા.

પોસ્ટર્સમાં શું લખાયું?

દીવાલો પર ચીપકાવવામાં આવેલા પોસ્ટર્સમાં લખવામાં આવ્યું છે કે, "ખાસ નોંધ- નામ બદલેલ છે. આજથી આ કાર્યાલયનું નામ "ગુજરાત કૉંગ્રેસ સમિતી"થી બદલીને "હજ હાઉસ" રાખેલ છે. લી. જગદીશ ઠાકોર. બજરંગ દળ - ગુજરાત"

જગદીશ ઠાકોરના નિવેદન પર બજરંગદળનો ઉગ્ર વિરોધ

ફોટા પર કાળી શાહી લગાવી સૂત્રોચ્ચાર કર્યા

જુઓ શું છે સમગ્ર મામલો?#BajrangDal #Congress #jagdishthakor pic.twitter.com/FgBkAVkSGz

— News18Gujarati (@News18Guj) July 22, 2022

શું છે આખ મામલો?

બે દિવસ પહેલા કૉંગ્રેસ લઘુમતિ વિભાગનું અમદાવાદ ખાતે સદભવના સંમેલન યોજાયું હતું. આ સંમેલનમાં સમગ્ર ગુજરાત સમાજમાંથી મુસ્લિમ સમાજના આગેવાનો હાજર રહ્યા હતા. આ વખતે કૉંગ્રેસ પ્રદેશ અધ્યક્ષ જગદીશ ઠાકોરે નિવેદન આપ્યું હતું કે, "કોંગ્રેસ પાર્ટી સત્તા માટે ક્યારે ચૂંટણી લડી નથી. કોંગ્રેસ સરકારના વડાપ્રધાન પહેલા પણ કહી ચૂક્યા છે કે દેશની તિજોરી પર મુસ્લિમ સમાજનો હક્ક છે.

જાણો જગદીશ ઠાકોરે એવું તો શું કહ્યું હતું કે જેનાથી વિવાદ સર્જાયો...?#Congress #jagdishthakor pic.twitter.com/gOe123C6bu

— News18Gujarati (@News18Guj) July 22, 2022

કૉંગ્રેસ પોતાના વિચારધારથી પીછેહઠ નહીં કરે." બેઠકમાં જગદીશ ઠાકોરો વધુમાં જણાવ્યું હતું કે, ગુજરાતમાં 60 બેઠક પર મુસ્લિમ સમાજના મતો નિર્ણાયક સાબિત થાય છે. સંમેલન દરમિયાન જગદીશ ઠાકોરે જણાવ્યું કે, કૉંગ્રેસની સરકાર આવશે તો તેઓ લઘુમતિ સમાજના લોકોને ઘર બનાવી આપશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Jagdish Thakor, અમદાવાદ, કોંગ્રેસ, મુસ્લિમ