AMCએ 2023-24 બજેટને લઈનેસુચનો મંગાવ્યા, અમદાવાદીઓએ 450 મેઇલ દ્વારા 500 સુચનો આપ્યા

અમદાવાદ: AMC (અમદાવાદ મ્યુનિસિપલ કોર્પોરેશન)ના આગામી બજેટને લઈને અનોખા અભિગમને અમદાવાદીઓ પાસેથી સૂચનો મંગાવવામાં આવ્યા હતા. જેને લઈને અમદાવાદીઓએ સારો પ્રતિસાદ આપ્યો છે. માત્ર જાહેરાતની 48 કલાકમાં જ 450 જેટલા મેઇલમાં 500થી વધુ લોકોના સુચનો મળ્યા છે. AMCના ઇતિહાસમાં પ્રથમવાર આ મુજબનો પ્રયોગ કરાયો છે. પહેલી વારે AMC આગામી બજેટને લઇ નાગરિકો પાસે સૂચનો મંગાવવામાં આવ્યા હતા.

AMC સ્ટેન્ડિંગ કમિટી ચેરમેન હિતેશ બારોટ જણાવ્યુ હતું કે, AMC દ્વારા બજેટ અંગે લોકો પાસેથી સુચનો મંગાવવામા આવ્યા હતા. જેમાં અમદાવાદીઓ સારો પ્રતિસાદ આપ્યો છે. માત્ર ટુકી જાહેરાતમાં જ 450 મેઇલ જેમાં 500થી વધુ સુચનો આપવામાં આવ્યા છે. વિવિધ માધ્યમોમાં જાહેરાત અને સોશ્યલ મીડિયા થકી પ્રસિદ્ધિ કરાઇ હતી. જેમાં 22 જાન્યુઆરી સુધી અમદાવાદીઓએ વિવિધ રૂપે પોતાના અનેક સૂચન - અભિપ્રાયો આપ્યા છે.  34% ટકા સૂચનો શહેરની મૂળભૂત સુવિધાઓ અંગે મળ્યા છે.

આ પણ વાંચો: Budget 2023: ટેક્સ સિઝનમાં જ નહીં સમગ્ર વર્ષ દરમિયાન કરવું જોઇએ ELSSમાં રોકાણ, જાણો શા માટે

25% સૂચનો  કોમ્યુનિટી હોલ, પાર્ટી પ્લોટ, લાયબ્રેરી,રીડિંગ રૂમ, ગાર્ડન , સ્વિમિંગ પુલ ,સિનિયર સીટીઝન પાર્ક જેવી પ્રાથમિક સુવિધાને લગતા મળ્યા છે.

39% સૂચનો AMC ની વિવિધ સર્વિસ સુધારવા માટે મળ્યા છે.  તેમજ 2% સૂચનો કોર્પોરેશનની આવક વધારવા માટેના મળ્યા છે. AMC હદમાં નવા ભળેલા વિસ્તારમાં પ્રાથમિક સુવિધાઓ વિકસાવવા સૂચન મળ્યા છે.

ચેરમેન હિતેશ બારોટે વધુમાં જણાવ્યુ હતું કે, આવકાર્ય અને અમલ કરી શકાય એવા સુચનોને બજેટમાં સમાવવામાં આવશે. આગામી સમયમાં મ્યુનિસિપલ કમિશ્નર વર્ષ 2023-24 નું ડ્રાફ્ટ બજેટ રજૂ કરવાના છે. જેમાં પ્રજાના સુચનો પ્રાધાન્ય અપાશે. મેયર અને કમિશનરનો અભિગમ છે કે શહેરીજનો પોતાના સૂચનો રજૂ કરી શકે અને લોકોના સૂચનો શહેરના લાંબા ગાળાના વિકાસ અને લાભમાં કામ આવે એ હેતુથી આ પ્રયત્નો કર્યા છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: AMC News, Amdavad municipal corporation, Budget 2023, Budget News