અમદાવાદના વિદ્યાર્થીઓની કમાલ: ઘરની સફાઇમાં મદદ કરતો રોબોટ બનાવ્યો

અમદાવાદ: દિવાળીનો તહેવાર નજીક આવી રહ્યો છે ત્યારે આજકાલ ગૃહિણીઓની સૌથી મોટો ચિંતાનો વિષય છે કે ઘરની સફાઈ કેવી રીતે કરશે. ઘરની સફાઈનું કામ નક્કી થઈ પણ જાય તો પણ સૌથી મોટી તકલીફ એ થાય કે, શરૂઆત ક્યાંથી કરવી. ત્યારે મહિલાઓની આ મુશ્કેલી હવે દૂર થઈ શકે છે. જી હા, અમદાવાદની એલ. ડી. એન્જીનીયરીંગના વિધાર્થીઓએ એક એવો રોબોટ બનાવ્યો છે જે મહિલાઓને ઘરની સફાઈ કરવામાં મદદ કરશે. ઘરમાં ક્યાં કચરો પડ્યો છે તે આ રોબોટ શોધી પણ લેશે અને તેની સફાઈ પણ કરશે. છે ને કમાલનો રોબોટ, આ રોબોટ કેવી રીતે કામ કરે છે તે જાણવું પણ જરૂરી છે.

અમદાવાદના એલ. ડી. એન્જીનીયરીંગના વિધાર્થીઓ હાલમાં કોલેજમાં ચાલી રહેલી હેકાથોનમાં ભાગ લઈ રહ્યા છે. જેમાં કોમ્પ્યુટર એન્જિનિયરિંગ વિભાગના 3 વિદ્યાર્થીઓ હાદી ખાન, સ્નેહલ ગામિત અને ધ્રુવ ડોડિયા, ઇલેક્ટ્રોનિક્સ અને કોમ્યુનિકેશન વિભાગના 2 વિદ્યાર્થીઓ, અનિકેત રોહરા અને સત્યમ સિંહા તેમજ મિકેનિકલ એન્જિનિયરિંગ વિભાગમાંથી રૂપિન્દર રાજ કરણએ ફેકલ્ટી મેન્ટર, પ્રો. ભાવેશ પરમારના માર્ગદર્શનમાં રોબોટ બનાવ્યો છે.

સફાઈમાં આ રોબોટ કેવીરીતે કામ કરે છે?

વિધાર્થીઓનું કહેવું છે કે, અમે એક રોબોટ બનાવ્યો છે જે કેમેરાના ફીડબેકની મદદથી આસપાસના વિસ્તારમાં સોલિડ કચરાને શોધી કાઢે છે.  રોબોટ શોધાયેલ કચરાની દિશામાં આગળ વધે છે અને તેના પર લગાવેલા બ્રશ આધારિત મિકેનિઝમની મદદથી ફ્લોર પર પડેલો કચરો ઉપાડે છે. તેવી જ રીતે, તે આસપાસના વિસ્તારોમાં ફરે છે અને આસપાસના વિસ્તારોમાં ફેલાતો તમામ સોલિડ કચરો એકત્રિત કરે છે. જ્યારે રોબોટની સ્ટોરેજ ક્ષમતા થ્રેશોલ્ડ કરતાં વધી જાય ત્યારે તેની અંદર રોબોટ દ્વારા સંગ્રહિત કચરો, સ્માર્ટ બિનમાં સ્થાનાંતરિત થાય છે. જ્યારે રોબોટ સ્માર્ટ બિન પાસે પહોંચી જાય, પછી સ્માર્ટ બિન આપોઆપ તેનું ઢાંકણ ખોલશે.  રોબોટ, તેના કાર્યકારી મિકેનિઝમની મદદથી, જે હાલમાં કન્વેયર બેલ્ટ સિસ્ટમ પર આધારિત છે.



રોબોટમાંથી સંગ્રહિત કચરો સ્માર્ટ બિનમાં નાખે છે. જ્યારે રોબોટ સ્માર્ટ બિનથી દૂર જાય છે, ત્યારે સ્માર્ટ બિનનું ઢાંકણ બંધ થઈ જાય છે અને સેન્સર, જે સ્માર્ટ બિનના ઢાંકણની નીચે રાખવામાં આવે છે. તે સ્માર્ટબિનમા સંગ્રહાયેલા કચરાને માપવામાં મદદ કરે છે. એકવાર સ્માર્ટ બિનમાં સંગ્રહિત કચરો ચોક્કસ હદથી વધી જાય પછી સ્માર્ટ બિન, તે વિસ્તારમાં રહેતા હાઉસકીપિંગ કર્મચારીઓને સ્માર્ટ બિનને ખાલી કરવા માટે સંદેશ આપે છે.

આ પણ વાંચો: 'અર્બન નક્સલો વાઘા બદલીને પ્રવેશવાની કોશિષ કરે છે'

રોબોટ બનાવવાનો મુખ્ય ઉદ્દેશ્ય

પ્રોજેક્ટનો મુખ્ય ઉદ્દેશ્ય રોબોટ્સ અને માણસો વચ્ચેના અંતરને દૂર કરવાનો છે. આ પ્રોજેક્ટ સાથે,  સંદેશાવ્યવહારનું માધ્યમ બનાવવાનો પ્રયાસ થઈ રહ્યો છે અને તેથી મનુષ્ય અને રોબોટ્સ વચ્ચેની ક્રિયાપ્રતિક્રિયાને ભવિષ્યમાં વધુ વધારવાનો પ્રયત્ન કરાશે.

ક્યાં ક્યાં રોબોટનો ઉપયોગ થઈ શકે

રોબોટનો મુખ્ય ઉપયોગ સ્વાયત્ત રીતે ઘરમાં સોલિડ કચરો એકઠો કરવાનો છે. તે રહેણાંક વિસ્તારો જેમ કે ઇમારતો, પાર્કિંગ વિસ્તારો, હોસ્પિટલો, શાળાઓ અને કોલેજ કોરિડોરમાંથી કચરો ઉપાડવામાં પણ મદદ કરી શકે છે. સ્વાયત્ત રીતે બનાવેલ આ રોબોટ વધુ અસરકારક રીતે કામ કરશે અને તેની મદદથી માનવબળને બચાવી શકાશે. આથી, અહીં બચેલા માનવબળનો ઉપયોગ અન્ય અસરકારક ટાસ્કમાં કરવામાં આવશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Innovation, અમદાવાદ, ગુજરાત