Home /News /ahmedabad /

અમદાવાદ: ચૂપ હો જા, વરના ગોલી માર દુંગા: ચોરની ધમકી છતાં મહિલાએ બતાવી નીડરતા!

અમદાવાદ: ચૂપ હો જા, વરના ગોલી માર દુંગા: ચોરની ધમકી છતાં મહિલાએ બતાવી નીડરતા!

બે મકાનમાં તસ્કરોએ ચોરી કરીને તરખાટ મચાવતા ચકચાર મચી ગઇ છે.

Ahmedabad Crime: મહિલા જાગી જતાં ચોરે હથિયાર બતાવીને કહ્યુ હતું કે, ચુપ હો જા, વરના ગોલી માર કે જાન સે માર દુંગા...

અમદાવાદ: શહેરના ચાંદખેડા વિસ્તારમાં આવેલા શ્યામ સારથી બંગ્લોઝના બે મકાનમાં તસ્કરોએ ચોરી કરીને તરખાટ મચાવતા ચકચાર મચી ગઇ છે. બે મકાન પૈકી એક મકાનમાં તસ્કર ચોરી કરી રહ્યો હતો ત્યારે આધેડ મહિલા જાગી ગયા હતા. જોકે, મહિલાએ અવાજ કરતા આરોપીએ મહિલાને હથિયાર બતાવીને કહ્યુ હતું કે, ચુપ હો જા, વરના ગોલી માર કે જાન સે માર દુંગા. જાનથી મારી નાખવાની ધમકી બાદ પણ મહિલાએ હિંમત રાખીને બુમાબુમ કરતા આરોપી ત્યાંથી નાસી છૂટ્યો હતો.

ચાંદખેડા વિસ્તારમાં આવેલા શ્યામ સારથી બંગ્લોઝમાં રહેતા 65 વર્ષીય વસંતકુમાર સોલંકીએ ચાંદખેડા પોલીસ સ્ટેશનમાં ચોરીની ફરિયાદ કરી છે કે, પોતે નિવૃત જીવન ગુજારે છે અને પત્ની તેમજ પુત્ર સાથે રહે છે. 21મી સપ્ટે.ના દિવસે વસંતકુમાર અને તેમનો પરિવાર જમીને સુવા માટે રુમમાં ગયા હતા. પુત્ર પહેલા માળે સુવા ગયો હતો ત્યારે વસંતકુમાર બેઠક રુમમાં સૂઇ ગયા હતા, જ્યારે પત્ની વનીતાબેન બેડરુમમાં સૂઇ ગયા હતા. વહેલી પરોઢે ચારેક વાગ્યાની આસપાસ વનીતાબેને ચોર-ચોર નામની બુમાબુમ કરવા લાગ્યા હતા. વંસતકુમાર અને તેમનો પુત્ર તરત જ ઉઠી ગયા હતા અને વનીતાબેનના રુમમાં ગયા હતા. જ્યાં જઇને તેમને જોયું હતું કે, તિજોરી ખુલ્લી પડી છે અને વનીતાબેન ગભરાયેલા છે.

આ પણ વાંચો: નવરાત્રીમાં ગરબે ઘૂમ્યા બાદ ભૂખ લાગે તો ચિંતા નહીં, રાત્રે 12 વાગ્યા બાદ પણ ખુલ્લી રહેશે રેસ્ટારાં

વસંતકુમારે વનીતાબેનને પૂછ્યું તો તેમણે જણાવ્યુ હતું કે, મારી આંખ અચાનક ખુલી જતાં મેં જોયું તો તિજોરી પાસે એક શખ્સ ઉભો હતો અને ડ્રોવરનો સામાન ફેંદી રહ્યો છે. પહેલા તો વનીતાબેનને દિકરો આશિષ હોવાનું લાગ્યુ હતું. જેથી તેમણે પૂછ્યું કે, આશિષ શું કરે છે? શું કામ છે? વનીતાબેનનો અવાજ સાંભણીને શખ્સે તેની સામે જોયુ હતું અને હથિયાર બતાવીને કહ્યું હતું કે, ચુપ હો જા, વરના ગોલી મારકે જાન સે માર દુંગા... વનીતાબેને બુમાબુમ કરતા તે ભાગી ગયો હતો. ઘરના દરવાજાનો નકુચો તોડીને આવેલા શખ્સે 700 રૂપિયાની ચોરી કરીને નાસી જતા સોસાયટીને જાણ કરી હતી. દરમિયાનમાં વસંતકુમારને જાણવા મળ્યુ હતું કે, તેમની સોસાયટીમાં રહેતા મીલનભાઇ સુરેજાના ઘરમાં પણ શખ્સો ઘૂસ્યા હતા અને દરવાજનો નકુચો તોડીને સોનાની વીંટી અને રોક્ડની ચોરી કરીને નાસી ગયા હતા. બંગ્લોઝમાં સિક્યોરીટી ગાર્ડ હોવા છતાંય બે મકાનમાં ચોરીની ઘટના બનતા અનેક સવાલો ઉભા થયા છે. ચાંદખેડા પોલીસે આ મામલે ગુનો દાખલ કરીને તપાસ શરૂ કરી છે અને સીસીટીવી ફૂટેજ મેળવીને આરોપીને પકડવા માટે ચક્રો ગતિમાન કર્યા છે.
Published by:Azhar Patangwala
First published:

Tags: Ahmedabad news, Crime news, Gujarat News

विज्ञापन

विज्ञापन

આગામી સમાચાર

विज्ञापन
विज्ञापन