Home /News /ahmedabad /અમદાવાદ: ભાઇ-ભાભી મારામારી કરી રહ્યા હતા, વચ્ચે પડેલા નાના ભાઇને જ પતાવી દીધો!

અમદાવાદ: ભાઇ-ભાભી મારામારી કરી રહ્યા હતા, વચ્ચે પડેલા નાના ભાઇને જ પતાવી દીધો!

કાગડાપીઠ પોલીસ સ્ટેશનમાં જેઠ વિપુલ ચુનારા વિરૂદ્ધ હત્યાની ફરિયાદ કરી છે

ભાઇ-ભાભીના ઝઘડામાં વચ્ચે પડ્યો હતો નાનો ભાઇ. મોટા ભાઇએ નાના ભાઇની છાતીમાં છરીના ઘા ઝીંકીને મોતને ઘાટ ઉતારી દીધોઃ પોલીસ હત્યાનો ગુનો દાખલ કર્યો

અમદાવાદ: શહેરના રાયપુર વિસ્તારમાં આવેલા કંટોડીયાવાસમાં મોડીરાતે ભાઇએ નાના ભાઇની કરપીણ હત્યા કરી દેતા ચકચાર મચી ગઇ છે. ભાઇ-ભાભી વચ્ચે બબાલ ચાલતી હતી ત્યારે નાનો ભાઇ અને તેની પત્ની છોડાવવા માટે વચ્ચે પડ્યા હતા. આ દરમિયાન લોહીયાણ ખેલ ખેલાયો હતો.

પતિ-પત્ની બુમો પાડીને ઝઘડો કરી રહ્યા હતા

રાયપુર વિસ્તારમાં આવેલા કંટોડીયાવાસમાં રહેતી મનીષા ચુનારાએ કાગડાપીઠ પોલીસ સ્ટેશનમાં જેઠ વિપુલ ચુનારા વિરૂદ્ધ હત્યાની ફરિયાદ કરી છે. મનીષા તેના પતિ નિતિન તેમજ ત્રણ દિકરી અને સાસુ સસરા સાથે રહે છે અને તેમના મકાનના પહેલા માળે જેઠ વિપુલ અને જેઠાણી કાજલ રહે છે. ગઇકાલે રાતે મનીષા, નિતિન અને બાળકો સુતા હતા ત્યારે એકદમ વિપુલ અને કાજલ વચ્ચે બબાલ શરુ થઇ ગઇ હતી. પતિ-પત્ની જોરજોરથી બુમો પાડીને ઝઘડતા હતા ત્યારે મનીષા, નિતિન અને સાસુ સસરા બબાલ શાંત કરાવવા માટે પહેલા માળે ગયા હતા.

આ પણ વાંચો: સ્કૂલમાં પરીક્ષા આપવા જતાં બે વિદ્યાર્થીઓ ગાડીમાં ઘુસી ગયા, એકનું મોત

છાતીના ભાગે છરી ભોંકી દીધી હતી

વિપુલ અને કાજલ મારમારી કરી રહ્યા હતા ત્યારે મનીષા અને નિતિને તેમને છોડાવવા માટે પ્રત્યનો કર્યો હતો. વિપુલની હાથમાં છરી હતી અને તે જનુની થઇ ગયો હતો. જેથી તેણે નિતિનને પણ માર મારવાનું શરુ કરી દીધુ હતું. વિપુલ છરી લઇને નીચે ઉતરી ગયો હતો. જ્યાં નિતિન, કાજલ, મનીષા નીચે તેને પકડવા માટે ઉતરી રહ્યા હતા. નિતિન સીડીમાં નીચે ઉતરતો હતો ત્યારે વિપુલે તેને છાતીના ભાગે છરી ભોંકી દીધી હતી. ઇજાગ્રસ્ત નિતિન જમીન પર ઢળી પડ્યો હતો, જ્યારે વિપુલ ત્યાંથી નાસી ગયો હતો.

ઇજાગ્રસ્ત નિતિનને 108 એમ્ય્બુલન્સ મારફતે સારવાર માટે હોસ્પિટલ લઇ ગયા હતા. જ્યાં ટૂંકી સારવાર દરમિયાન તેનું મોત થયું હતું. ઘટનાની જાણ કાગડાપીઠ પોલીસને થતા તેઓ હોસ્પિટલમાં પહોંચી ગયા હતા અને મનીષાની ફરિયાદના આધારે વિપુલ વિરૂદ્ધ હત્યાનો ગુનો દાખલ કર્યો હતો. પોલીસે નિતિનની લાશને પોસ્ટમોર્ટમ માટે હોસ્પિટલમાં મોકલી આપી છે, જ્યારે વિપુલને ઝડપી પાડવા માટે ચક્રોગતિમાન કર્યા છે.

ચોથુ સંતાન દુનિયામાં આવે તે પહેલા પિતાની આંખો મીચાઇ ગઇ

ચોથુ સંતાન દુનિયામાં આવે તે પહેલા પિતાની આંખો મીચાઇ ગઇ છે. ભાઇ-ભાભીના ઝઘડામાં સમાધાન કરવા માટે વચ્ચે પડેલા નિતિનનું મોડીરાતે સારવાર દરમિયાન કરુણ મોત થયું છે. નિતિન અને મનીષાને ત્રણ દિકરીઓ છે, જ્યારે ચોથુ સંતાન દુનિયામાં આવવાની તૈયારીમાં હતું. મોડીરાતે સામાન્ય ઝઘડામાં ખેલાયેલા ખુની ખેલમાં નિતિનની આંખો કાયમ માટે મિચાઇ ગઇ છે.
Published by:Azhar Patangwala
First published:

Tags: Ahmedabad news, Crime news, Gujarat News

विज्ञापन

ન્યૂઝ 18 ગુજરાતી ટ્રેન્ડિંગ

વધુ વાંચો
विज्ञापन
विज्ञापन
विज्ञापन