Home /News /ahmedabad /

Ahmedabad Accident: અમદાવાદના SG હાઈવે પર અકસ્માત, હેલમેટ પહેર્યુ હોવા છતાં જિંદગી ન બચી

Ahmedabad Accident: અમદાવાદના SG હાઈવે પર અકસ્માત, હેલમેટ પહેર્યુ હોવા છતાં જિંદગી ન બચી

Ahmedabad Accident : અમદાવાદમાં અકસ્માત, એસજી હાઈવેના ઝાયડસ બ્રીજ પર વિદ્યાર્થિનીનું મોત

Ahmedabad Accident: અમદાવાદના એસજી હાઈવે (SG Highway) પર આજે સવારે ગમખ્વાર અકસ્માત (Accident), એક્ટિવા લઈને જતી વિદ્યાર્થિનીનું ઝાયડસ ઓવરબ્રિજ (Zuydus Overbridge) પર મોત

    Ahmedabad SG Highway Accident:  અમદાવાદમાં આજે અકસ્માતની (Ahmedabad Accident) એક કરૂણ ઘટનામાં આશાસ્પદ વિદ્યાર્થિનીનું મોત નીપજ્યું છે. શહેરમાં કાળમુખા ડમ્પરો (Dumper) બેફામ દોડી રહ્યા છે ત્યારે આવા જ એક ડમ્પર સાથે અકસ્માત થતા વિદ્યાર્થિનીનો જીવન દીપ બુઝાઈ (Girl Died in Accident ગયો છે. આ ઘટનામાં એક પરિવારે પોતાની લાડકી દીકરી ગુમાવી છે. શહેરના વિકાસ ની સાથે સાથે સારા રસ્તાઓ પર ગતિ મર્યાદા ઓળંગી રહેલા ભારે વાહનો પર હવે લગામ મૂકવામાં આવે તે પણ જરૂરી બન્યું છે.

    આજના અકસ્માતની વિગતો એવી છે કે અમદાવાદના હ્યદય સમાન સરખેજ ગાંધીનગર હાઈવે (SG Highway) પર બનેવા નવા ઓવરબ્રીજ ટ્રાફિકની સમસ્યાના નિવારણ માટે આશિર્વાદ સમાન છે. જોકે, આ ઓવરબ્રીજ પરની ગતિ મર્યાદા અને ભારે વાહનોના પ્રવેશના નિયમો હોવા છતા તેનું સરેઆમ ઉલ્લંઘન થઈ રહ્યુ છે. આજે આવા જ એક ભારે વાહન ડમ્પરના અકસ્માતમાં વિદ્યાર્થિનીએ જિંદગી ગુમાવી છે.

     ઝાયડસ બ્રિજ પર અકસ્માત થયો

    સરખેજ ગાંધીનગર હાઈવે પર આવેલા ઝાયડસ બ્રિજ પર ડમ્પર અને ટુવ્હીલર વચ્ચે અકસ્માત થયો હતો. આ અકસ્માતમાં વિદ્યાર્થિનીનું મોત નીપજ્યું છે. જોકે, સૌથી ચોંકાવનારી બાબત એ છે કે વિદ્યાર્થિનીએ હેલમેટ પહેર્યુ હોવા છતાં તેની જિંદગી બચી શગકી નથી. મૃતક વિદ્યાર્થિનીની ઓળખાણ નિકિતા તરીકે થઈ છે.

    આ પણ વાંચો :  અમદાવાદ : બાપ-દીકરીના સંબંધને લાંછન લગાડતી ઘટના, સાવકા પિતા-ફૂવાએ સગીર પુત્રી પર દુષ્કર્મ ગુજાર્યુ



    ગણપત યુનિવર્સિટીનું વિદ્યાર્થિની

    આ અકસ્માતમાં મોતને ભેટનાર વિદ્યાર્થિની ગણપત યુનિવર્સિટીની વિદ્યાર્થિની હોવાની વિગતો સામે આવી છે. ડમ્પરના પાછલા જોટાની પાસે થયેલા અકસ્માતમમાં વાંક કોનો હતો તે તો તપાસના અંતે જ જાણવા મળે પરંતુ એક પરિવારે પોતાની વ્હાલસોયી દીકરી ગુમાવી દીધી છે તે કરૂણ હકિકત છે.

    આ પણ વાંચો : Onion Price: પ્રજાને રડાવતી ડુંગળીએ ખેડૂતોને રોવડાવ્યા, પાણીના પાઉચથી પણ ઓછો ભાવ ઉપજતા ચારામાં ફેંકી દેવી પડી!

     દ્વીચક્રી વાહન ચાલકો માટે હેલમેટ જરૂરી

    દ્વીચક્રી વાહનચાલકોએ નિયમ મુજબ અને જીવનની સુરક્ષા માટે પણ હેલમેટ પહેરવું જરૂરી છે, આજના અકસ્માતમાં વિદ્યાર્થિનીનું મોત થયું તે હેલમેટની અસુરક્ષાના કારણે થયું છે કે નહીં તે જાણી શકાયું નથી. પરંતુ જીવન રક્ષક હેલમેટ દ્વીચક્રી વાહનચાલકો માટે અત્યંત જરૂરી છે.
    Published by:Jay Mishra
    First published:

    Tags: અકસ્માત, અમદાવાદ, ગુજરાતી સમાચાર

    આગામી સમાચાર