AAP Office Raid: 'આપના ગુજરાતમાં વધતા વ્યાપથી ભાજપ ગભરાઇ, પાર્ટીની ઓફિસ પર રેડ કરાવવાનું કામ ભ્રષ્ટ ભાજપ કરી રહી છે'

અમદાવાદ: રવિવારે મોડી રાતે આપ દ્વારા ટ્વિટ કરીને માહિતી આપવામાં આવી હતી કે, અમદાવાદની આપની ઓફિસમાં સર્ચ ઓપરેશ કરવામાં આવ્યું હતુ. ઇસુદાન ગઢવીના ટ્વિટ બાદ અરવિંદ કેજરીવાલે રિટ્વિટ કરીને ભાજપ પર ગંભીર આક્ષેપ લગાવતા લખ્યુ હતુ કે, આપને ગુજરાતની જનતા પાસેથી મળી રહેલા અપાર સમર્થનથી ભાજપ ડઘાઇ ગયું છે. ત્યારે આ દાવા વચ્ચે અમદાવાદ પોલીસે પણ ટ્વિટ કરીને જણાવ્યુ છે કે, અમદાવાદ પોલીસ દ્વારા આપની ઓફિસમાં કોઇ દરોડા પાડવામાં આવ્યા નથી. આ બધા વિખવાદ બાદ આપના ઇસુદાન ગઢવીએ પ્રેસ કોન્ફરન્સ કરીને કહ્યું કે, આ એક અનઓફિશિયવ રેડ પાડવામાં આવી હતી. જેની કોઇ નોંધ નહીં હોય પરંતુ અમારી ઓફિસમાં દોઢ કલાકથી વધુ સર્ચ ઓપરેશન ચલાવવામાં આવ્યુ હતુ.

'ભાજપના 27 વર્ષના કુ:શાસનનો અંત આવવા જઈ રહ્યા છે'

ઇસુદાન ગઢવીએ પ્રેસ કોન્ફરન્સમાં જણાવ્યુ હતુ કે, 'જે રીતે ગુજરાતમાં આમ આદમી પાર્ટીનો વ્યાપ વધી રહ્યો છે તે જોઈને ભ્રષ્ટ ભાજપ ગભરાઈ ગઈ છે. ગુજરાતમાં ભાજપના 27 વર્ષના કુ:શાસનનો અંત આવવા જઈ રહ્યા છે. ત્યારે દિલ્હી બાદ ગુજરાતમાં પણ આમ આદમી પાર્ટીની ઓફિસ પર રેડ કરાવવાનું કામ ભ્રષ્ટ ભાજપ કરી રહી છે.'

આ સાથે તેમણે જણાવ્યુ કે, 'ભ્રષ્ટ ભાજપ પોલીસ, સીબીઆઈ, ઇડી જેનો ઉપયોગ કરવો હોય તે કરી લે. અમે ભ્રષ્ટ ભાજપથી ડરવાના નથી.'

આ પણ વાંચો: આણંદ: ખાનગી ફાર્મ હાઉસમાં જામી દારૂની મહેફિલ

આ વિવાદમાં સૌથી પહેલી ટ્વિટ

ઇસુદાન ગઢવીએ રવિવારે મોડી રાતે ટ્વિટ કર્યું હતુ. જેમાં તેમણે લખ્યુ હતુ કે, 'કેજરીવાલ જીના અમદાવાદ પહોંચતા જ આમ આદમી પાર્ટીની અમદાવાદ ઓફિસ પર ગુજરાત પોલીસના દરોડા. બે કલાક તપાસ કરીને ચાલ્યા ગયા છે. કાંઇ મળ્યુ નથી. કહ્યુ છે, ફરી આવશે.'

"જે રીતે ગુજરાતમાં આમ આદમી પાર્ટીનો વ્યાપ વધી રહ્યો છે તે જોઈને ભ્રષ્ટ ભાજપ ગભરાઈ ગઈ છે. ગુજરાતમાં ભાજપના 27 વર્ષના કુ:શાસનનો અંત આવવા જઈ રહ્યા છે. ત્યારે દિલ્હી બાદ ગુજરાતમાં પણ આમ આદમી પાર્ટીની ઓફિસ પર રેડ કરાવવાનું કામ ભ્રષ્ટ ભાજપ કરી રહી છે." - @isudan_gadhvi pic.twitter.com/MhpbGlRYUq

— AAP Gujarat । Mission2022 (@AAPGujarat) September 12, 2022

અરવિંદ કેજરીવાલે પણ કરી હતી ટ્વિટ

જેને રિટ્વિટ કરીને અરવિંદ કેજરીવાલે પણ લખ્યુ છે કે, ' ગુજરાતની જનતા પાસેથી મળી રહેલા અપાર સમર્થનથી ભાજપ ડઘાઇ ગયું છે. આપના પક્ષમાં ગુજરાતમાં આંધી ચાલી રહી છે. દિલ્હી બાદ હવે ગુજરાતમાં પણ દરોડા પાડવાનું શરૂ કર્યુ છે.'

"ભ્રષ્ટ ભાજપ પોલીસ, સીબીઆઈ, ઇડી જેનો ઉપયોગ કરવો હોય તે કરી લે. અમે ભ્રષ્ટ ભાજપથી ડરવાના નથી." - @isudan_gadhvi pic.twitter.com/sjNCQDzV74

— AAP Gujarat । Mission2022 (@AAPGujarat) September 12, 2022

તેમણે વધુમાં કહ્યુ કે, 'દિલ્હીમાં કાંઇ મળ્યું નથી અને ગુજરાતમાં પણ કાંઇ મળ્યું નથી. અમે કટ્ટર ઇમાનદાર અને દેશભક્ત લોકો છીએ.'

AAPના કાર્યાલય પર પોલીસ રેડનો મામલો

સ્થાનિક પોલીસે દરોડાની વાત નકારી

કોઈ જ દરોડા પાડ્યા ન હોવાનું પોલીસે જણાવ્યું#Ahmedabad #AAP #Gujaratpolice pic.twitter.com/hE2Cv5wubB

— News18Gujarati (@News18Guj) September 12, 2022

પોલીસના ખુલાસાની ટ્વિટ

આજે સવારે અમદાવાદ પોલીસે આ અંગેની સ્પષ્ટતા કરતા ગુજરાતી અને હિન્દીમાં ટ્વિટ કરીને જણાવ્યુ છે કે, 'ગઈકાલે આમ આદમી પાર્ટીની ઓફિસે પોલીસે રેડ કરી છે તેવા સમાચાર સોશિયલ મીડિયા દ્વારા જાણવા મળેલ છે. આવા પ્રકારની કોઈ પણ રેડ શહેર પોલીસે દ્વારા કરવામાં આવી નથી.'

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Gujarat Elections, Gujarat Politics, અમદાવાદ, અરવિંદ કેજરીવાલ, આપ, ગુજરાત