અમદાવાદ ઈન્ટરનેશનલ ચિલ્ડ્રન ફિલ્મ ફેસ્ટિવલની ચોથી આવૃત્તિ, 19 દેશોમાંથી 50થી વધુ ચિલ્ડ્રન ફિલ્મો બતાવાશે

અમદાવાદઃ ઈન્ટરનેશનલ ચિલ્ડ્રન ફિલ્મ ફેસ્ટિવલની ચોથી આવૃત્તિ આ વર્ષે અમદાવાદ મેનેજમેન્ટ એસોસિયેશન (AMA) ખાતે યોજાશે. 24મી ડિસેમ્બર 2022ના રોજ આ વર્ષે ભારતની ઓફિશ્યિલ ઓસ્કાર એન્ટ્રી ગુજરાતી ફિલ્મ & લાસ્ટ ફિલ્મ શૉ (છેલ્લો શૉ) સાથે ફેસ્ટિવલની શરૂઆત થશે. 26થી 29 ડિસેમ્બર સુધી સિલેક્ટ થયેલી વિવિધ ચિલ્ડ્રન ફિલ્મોનું AMA ખાતે 4થી 7 PM વચ્ચે સ્ક્રિનિંગ થશે. આ ફેસ્ટિવલમાં ઇચ્છુક પ્રેક્ષકો માટે પ્રવેશ ફ્રી છે, પરંતુ AMA ખાતે નોંધણી કરાવાની રહેશે.

AICFFએ એક એવું પ્લેટફોર્મ છે, જ્યાં વિશ્વભરમાંથી બાળકોના સંબંધિત વિવિધ ફિલ્મો એકસાથે આવે છે. વર્ષ 2019, 2020 અને 2021માં આ ફેસ્ટિવલમાં વિશ્વભરમાંથી લગભગ 500થી વધુ ફિલ્મોની એન્ટ્રી મળી છે. આ વર્ષે ઇસ્લામિક રિપબ્લિક ઓફ ઈરાન, યુનાઇટેડ સ્ટેટ્સ, બ્રાઝિલ, પોલેન્ડ, તુર્કી, સિંગાપોર, કેનેડા, સ્પેન, સ્લોવાકિયા, રશિયન ફેડરેશન, પોર્ટુગલ, નોર્વે, મોરોક્કો, ઇટાલી, આયર્લેન્ડ, બાંગ્લાદેશ, ચેક રિપબ્લિક, ચિલી અને આપણો પોતાનો દેશ ભારત સહિત 19 દેશોમાંથી 50થી વધુ ચિલ્ડ્રન ફિલ્મોની એન્ટ્રી આવી છે.

આ વર્ષની કૅટેગરી અને એવોર્ડ્સ:

બેસ્ટ ફીચર ફિલ્મ, બેસ્ટ શોર્ટ ફિલ્મ, બેસ્ટ ડોક્યુમેન્ટરી ફિલ્મ, બેસ્ટ એનિમેશન ફિલ્મ, બેસ્ટ સ્ટુડન્ટ ફિલ્મ, બેસ્ટ ડિરેક્ટર ફીચર ફિલ્મ, બેસ્ટ ડિરેક્ટર શોર્ટ ફિલ્મ, બેસ્ટ ડિરેક્ટર ડોક્યુમેન્ટરી ફિલ્મ, બેસ્ટ એક્ટર ફીચર ફિલ્મ, બેસ્ટ ચાઈલ્ડ એક્ટર, બેસ્ટ સ્ટોરી, બેસ્ટ બેકગ્રાઉન્ડ સ્કોર અને સ્પેશ્યિલ એવોર્ડ તરીકે ગોલ્ડન કાઈટ એવોર્ડ, સિલ્વર કાઈટ એવોર્ડ અને બ્રોન્ઝ કાઈટ એવોર્ડ.

અમદાવાદ મેનેજમેન્ટ એસોસિએશન (AMA)ના પ્રેસિડેન્ટ દિવ્યેશ રાડિયા કહે છે, ‘AMA એટલે એકધારું અને સતત ચાલતું શિક્ષણ અને અમે તમામ હિતધારકોની વિવિધ તાલીમ, મંચ અને કાર્યક્રમો દ્વારા શિક્ષણની જરૂરિયાતોને સતત સમર્થન આપીએ છીએ. ફિલ્મ ફેસ્ટિવલ આવી જ એક ઇવેન્ટ છે, જ્યાં અમે યુવા પેઢીને મનોરંજન સાથે શિક્ષણ પણ મળે એનો આગ્રહ રાખીએ છીએ. AMA ખાતે આંતરરાષ્ટ્રીય ફિલ્મોનું પ્રદર્શન એક ગર્વની ક્ષણ છે અને હું ઈચ્છું છું કે અમદાવાદના તમામ નાગરિકો તેનો મહત્તમ લાભ લે.‘

આ વર્ષે અમારા ફેસ્ટિવલ ડિરેક્ટર મનીષ સૈની છે અને જ્યુરી મેમ્બર આરતી પટેલ અને ગિરીશ મકવાણા છે.

મનીષ સૈનીઃ ગુજરાતી ફિલ્મ ‘DHH’ માટે રાષ્ટ્રીય ફિલ્મ પુરસ્કાર વિજેતા કહે છે કે, અમે આ વર્ષે ઑફલાઇન ઇવેન્ટ તરીકે આ ફેસ્ટિવલને હોસ્ટ કરવા માટે ઉત્સાહિત છીએ. કૉમ્યુનિકેશનના માધ્યમ તરીકે ફિલ્મો, તમામ વય જૂથો અને ખાસ કરીને યુવાનો જેમના મગજ ફ્રેશ અને શીખવા માટે આવકાર્ય છે તેના માટે મનોરંજન સાથે અમૂલ્ય શિક્ષણ સાધન હોવાના તમામ ઇનપુટ્સ ધરાવે છે.

આરતી પટેલ: આરતી પટેલ એક ભારતીય અભિનેત્રી, લેખક, રેડિયો જોકી અને ગુજરાતી સિનેમા અને ટેલિવિઝનમાં તેમના કામ માટે જાણીતા નિર્માતા છે તેઓ કહે છે કે, મને આનંદ છે કે હું જ્યુરી તરીકે આ ફેસ્ટિવલનો ભાગ છું અને અમે હંમેશા બાળકોના સિનેમાને સમર્થન આપીશું, કારણ કે તેઓ ફ્યુચર સ્ટોરી ટેલર છે.

ગિરીશ મકવાણા: ઓસ્ટ્રેલિયામાં રહેતા ફિલ્મ ડિરેક્ટર, લેખક, સંગીતકાર, નિર્માતા અને સંગીતકાર કહે છે કે, આપણા બાળકો આપણું ભવિષ્ય છે, બાળકોના સિનેમાને પ્રોત્સાહિત કરવું એ તેમને તેમના વિઝન અને તેમની વિચારધારા વિશે વાત કરવાની તક આપવા જેવું છે.

ચેતન ચૌહાણ: વ્યવસાયે પબ્લિસિસ્ટ, ફેસ્ટિવલના સ્થાપક કહે છે, AICFF એ સમાજના લોકો માટે અમારા દ્વારા શરૂ કરાયેલ એક નાની પહેલ છે જ્યાં અમે આપણાં બાળકોને ચિલ્ડ્રન સિનેમાની દુનિયાનો અહેસાસ આપીએ છીએ, ખાસ કરીને જ્યારે બાળકોના સિનેમા પર ઓછું ધ્યાન કેન્દ્રિત કરવામાં આવે છે, ત્યારે અમે અમારા ફેસ્ટિવલને બાળકો અને પ્રેક્ષકો માટે ફ્રી રાખીએ છીએ જેઓ આવે અને ફિલ્મોનો આનંદ માણે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Ahmedabad news, Gujarati celebrities