આજે આ જનધન ખાતાઓમાં સરકાર જમા કરશે 500-500 રૂપિયા, જાણો ક્યારે ઉપાડી શકાશે

નવી દિલ્હીઃ પ્રધાનમંત્રી ગરીબ કલ્યાણ પેકેજ (Pradhan Mantri Garib Kalyan Package) હેઠળ પ્રધાનમંત્રી જનધન યોજના (PM Jan Dhan Yojana)ના મહિલા ખાતાધારકોના ખાતામાં 500-500 રૂપિયાના બીજા હપ્તાની રકમ આજથી જમા કરવામાં આવશે. આ ખાતામાં પૈસા ટ્રાન્સફર જનધન ખાતાના છેલ્લા નંબરના હિસાબથી કરવામાં આવશે. પૈસા 5 દિવસમાં ટ્રાન્સફર કરવામાં આવશે.

તેમાં સામાજિક અંતરના દિશા-નિર્દેશોનું પાલન કરવામાં મદદ મળશે. નોંધનીય છે કે એપ્રિલ મહિનામાં 20.5 કરોડ મહિલા જનધન ખાતાઓમાં 500-500 રૂપિયા ટ્રાન્સફર કરવામાં આવ્યા હતા.

લૉકડાઉન 17 મે સુધી લંબાવાયું - સરકારે લૉકડાઉનને 17 મે સુધી લંબાવી દીધું છે. જોકે આ દરમિયાન સમગ્ર દેશમાં કેટલીક છૂટછાટ આપવામાં આવી છે. કોવિડ-19 સંકટ દરમિયાન ગરીબોની મદદ માટે નાણા મંત્રી નિર્મલા સીતારમણે 26 માર્ચે મહિલા જનધન ખાતાધારકોના ખાતામાં એપ્રિલથી 3 મહિના સુધી દર મહિને 500 રૂપિયાની મદદ આપવાની જાહેરાત કરી હતી.

શું છે ટાઇમ ટેબલ? - જનધન લાભાર્થી મહિલાઓને તેમના એકાઉન્ટ નંબરના આધારે પૈસા ઉપાડવાની મંજૂરી આપી છે. નાણા મંત્રાલય દ્વારા આપવામાં આવેલી જાણકારી મુજબ, જે ખાતાધારકોનો એકાઉન્ટ નંબર 0 કે 1 પર ખતમ થાય છે, તેમના ખાતામાં 4 મેના રોજ રૂપિયા ટ્રાન્સફર કરવામાં આવશે.

2 અને 3 અંક વાળા ખાતાઓમાં 5 મેના રોજ, 4 અને 5 અંતિમ અંકના ખાતાઓમાં 6 મેના રોજ પૈસા ટ્રાન્સફર કરવામાં આવશે. 6 અને 7 અંતિમ અંકની મહિલા લાભાર્થીઓના ખાતામાં આ પૈસા 8 મેના રોજ જમા કરવામાં આવશે. જે ખાતાધારકોના ખાતાનો અંતિમ અંક 8 અને 9 છે તેમને 11 મે ના રોજ પૈસા મળશે. 11 મે બાદ તમે કોઈ પણ દિવસે પોતાની બેંકમાંથી રકમ ઉપાડી શકો છો.

રૂપિયા કેવી રીતે ઉપાડી શકો છો? - સરકારે જણાવ્યું કે, તમે પોતાના ઘર પાસે આવેલા ATM મશીન, નજીકના બેંક મિત્ર, CSPs, વગેરેના માધ્યમથી રકમ ઉપાડો અને બેંકોમાં શક્ય હોય ત્યાં સુધી ન જાઓ. ભારત સરકારના નિર્દેશ મુજબ, આ લૉકડાઉન દરમિયાન ATMનો ઉપયોગ બિલકુલ મફત છે.