વેપારીએ રૂ.4 લાખની ઓફર કરી,એસીબીને જાણ કરી વન અધિકારીએ પકડાવ્યા

Jan 03, 2017 08:31 PM IST | Updated on: Jan 03, 2017 08:31 PM IST

વડોદરાઃસરકારી બાબુ લાંચ લેવાના આરોપસર એસીબીના હાથે ઝડપાયા હોવાના અનેક કિસ્સા તમે સાંભળ્યા હશે પરંતુ વડોદરામાં આનાથી ઊલટું સરકારી અધિકારીને લાંચ આપવાના આરોપમાં ગુંદરના વેપારી પિતા-પુત્રને એસીબીએ ઝડપી પાડયા હતા.નડીયાદમાં રહેતા મુલુકચંદ અગ્રવાલ અને તેમનો પુત્ર કિર્તી અગ્રવાલ ગેરકાયદેસર મહારાષ્ટ્રના ઔરંગાબાદથી ધુપ કરવાનું ગુંદર મંગાવી બારોબાર વેચાણ કરતા હોવાની બાતમી ગોધરાના ઈન્ચાર્જ આરએફઓ નિરૂપમ વૈષ્ણવને મળી હતી.

જેના આધારે વન અધીકારીએ વેપારીના ગોધરાના ગોડાઉનમાં તપાસ કરતા અંદાજિત 1 કરોડથી વધુની કિમતના 1108 કવિન્ટલ ગુંદરનો માલ બારોબાર વેચી દીધા હોવાનો ખુલાસો થયો હતો.જેથી વન વિભાગે વેપારી મુલુકચંદ અગ્રવાલ સામે તપાસના આદેશ આપ્યા હતા.જે મામલાની તપાસ કરતા અધિકારી નિરૂપમ વૈષ્ણવને પિતા-પુત્રએ મામલાની પતાવટ માટે 4 લાખની લાંચ આપવાની ઓફર કરી હતી.જે અંગે અધિકારીએ વારંવાર ના પાડવા છતાં પણ વેપારીએ લાંચ આપવાની હઠ પકડી રાખતાં અધિકારીએ એસીબીમાં ફરીયાદ કરી હતી.

વેપારીએ રૂ.4 લાખની ઓફર કરી,એસીબીને જાણ કરી વન અધિકારીએ પકડાવ્યા

જેના આધારે એસીબીએ વેપારીના વાસદ પાસે આવેલી ઓફિસમાં છટકું ગોઠવી વેપારી પિતા-પુત્રને 2 લાખની લાંચ આપતા રંગેહાથે ઝડપી પાડયા હતા.મહત્વની વાત છે કે વર્ષ 2004 બાદ એટલે કે 12 વર્ષ પછી એસીબીએ લાંચ આપવાના આરોપસર કોઈ વ્યક્તિની ધરપકડ કરી હોવાની ઘટના બની છે.એસીબીએ બંન્ને પિતા-પુત્ર સામે ફરીયાદ નોંધી આગળની તપાસ હાથ ધરી છે.

 

સંબંધિત સમાચાર

સુચવેલા સમાચાર