ભોપાલથી ઉજ્જૈન આવી રહેલી પેસેન્જર ટ્રેનમાં વિસ્ફોટ, ઘાયલોને સારવાર માટે ખસેડાયા

Mar 07, 2017 11:45 AM IST | Updated on: Mar 07, 2017 02:59 PM IST

ઇન્દોર #મધ્યપ્રદેશના શુજાલપુરમાં ચાલુ ટ્રેનમાં વિસ્ફોટ થતાં ખળભળાટ મચી ગયો છે. આ વિસ્ફોટથી ઘણા મુસાફરો ઘાયલ થયાનું જાણવા મળી રહ્યું છે. જોકે હજુ આ અંગે ખાસ વિગતો સામે આવી નથી.

પ્રાપ્ત વિગતો અનુસાર ભોપાલ ઉજ્જૈન પેસેન્જર ટ્રેન નંબર 59320 આજે સવારે ઉજ્જૈન તરફ આવી રહી હતી ત્યારે રસ્તામાં એકાએક ટ્રેનમાં વિસ્ફોટ થયો હતો. આ વિસ્ફોટ અંદાજે 10 વાગ્યાની આસપાસ થયો હતો.

વિસ્ફોટને પગલે ટ્રેનમાં મુસાફરી કરી રહેલા મુસાફરોના જીવ અધ્ધર થઇ ગયા હતા. આ વિસ્ફોટથી ઘણા મુસાફરો ઘાયલ થયા છે. ઘાયલોને કાલાપીપલની સરકારી હોસ્પિટલમાં દાખલ કરાયા છે.

રેલવે એસપી કૃષ્ણા વેણીના જણાવ્યા અનુસાર પ્રાથમિક માહિતી મુજબ શોર્ટ સર્કિટને લીધે આ વિસ્ફોટ થયાનું જાણવા મળી રહ્યું છે. જોકે એમણે એક સૂટકેશમાં વિસ્ફોટક હોવાની પણ વાત કરી છે. સ્થાનિક પોલીસ સાથે જીઆરપી અને આરપીએફ તપાસમાં લાગી છે.

સંબંધિત સમાચાર

સુચવેલા સમાચાર