ચિરાયુ અમીન જૂથ દ્વારા સમરજીત ગાયકવાડને હટાવવાની માગ

Jan 03, 2017 05:45 PM IST | Updated on: Jan 03, 2017 05:45 PM IST

અમદાવાદઃ બરોડા ક્રિકેટ એસોસિએશનના પ્રમુખ પદેથી સમરજીત ગાયકવાડને હટાવવાની માગ સાથે ચિરાયુ અમીન જૂથ દ્વારા હાઈકોર્ટમાં અરજી કરવામાં આવી છે.સુનાવણી બાદ હાઈકોર્ટે બંને પક્ષોને આદેશ કર્યો છે કે, યથાવત સ્થિતિ જાળવી રાખવામાં આવે.આ કેસની વધુ સુનાવણી 10 જાન્યુઆરીએ હાથ ધરાશે.

સુનાવણી દરમિયાન હાઈકોર્ટમાં ચિરાયુ અમીન જૂથના વકીલની રજૂઆત હતી કે ભૂતકાળમાં બરોડાના જોઈંટ ચેરિટી કમિશનરે સમરજીત ગાયકવાડની તરફેણમાં જે આદેશ કર્યો હતો તેના પર રોક લગાવો.આ ઉપરાંત એ પણ રજૂઆત હતી કે સમરજીત ગાયકવાડ છેલ્લા નવ વર્ષથી બીસીસીઆઈના ઓફિસ બેરિયર તરીકે કામ કર્યુ છે તેથી તેઓ બીસીએના પ્રમુખ પદે રહી શકે નહીં.

ચિરાયુ અમીન જૂથ દ્વારા સમરજીત ગાયકવાડને હટાવવાની માગ

બીજી તરફ સમરજીત ગાયકવાડની રજૂઆત હતી કે સુપ્રીમ કોર્ટના આદેશ મુજબ બીસીએમાં જીતેન્દ્ર પટેલ અને અન્ય સભ્યો વય મર્યાદાના લીધે રહી શકે નહીં.મહત્વનુ છે કે બરોડાના જોઈંટ ચેરિટી કમિશનરના આદેશ પહેલાં મેનેજિંગ કમિટી દ્વારા બીસીએનુ સંચાલન થતુ હતુ.ભૂતકાળમાં બરોડાના જોઈંટ ચેરિટી

કમિશનરનો આદેશ હતો કે સમરજીત ગાયકવાડને બીસીએના પ્રમુખ તરીકે કામ કરતા મેનેજિંગ કમિટી દ્વારા અટકાવવામાં આવે નહીં.

સુચવેલા સમાચાર