બૂટલેગર બેફામ: સાણંદમાં બૂટલેગરે પોલીસ પર કાર ચડાવી દીધી

Mar 14, 2017 11:48 AM IST | Updated on: Mar 14, 2017 11:48 AM IST

સાણંદ #એક તરફ રાજ્યમાં દારૂબંધીને કડક બનાવા પ્રયાસો કરાઇ રહ્યા છે ત્યાં બૂટલેગરો બેફામ બન્યાની વધુ એક ઘટના સામે આવી છે. સાણંદમાં ગત મોડી રાતે એક બૂટલેગરે પોતાનો દાવ ઉંઘો પડતો જોઇ પોલીસથી બચવા પોલીસ પર કાર ચડાવી હત્યાનો પ્રયાસ કર્યો હતો. આ ઘટનાને પગલે પોલીસ બેડામાં ઘેરા પ્રત્યાઘાત પડ્યા છે.

સાણંદ પોલીસ સ્ટેશનના હેડ કોન્સ્ટેબલ ઝીલુભા ગઇ કાલે પેટ્રોલિંગમાં હતા ત્યારે દારૂનો વેપલો કરતો બૂટલેગર અંકિત જયસ્વાલ દારૂની હોમ ડિલીવરી કરવા આવ્યો હતો. જોકે અહીં પોલીસને જોતાં તે મુશ્કેલીમાં મુકાયો હતો.

પોલીસથી બચવા દારૂ ભરેલી કાર એણે પોલીસ પર ચડાવી હતી જોકે પોલીસ હેડ કોન્સ્ટેબલનો બચાવ થયો હતો. પરંતુ એમણે નાની મોટી ઇજાઓ થવા પામી હતી. આ ઘટનાને પગલે સમગ્ર પંથકમાં ચકચાર મચી જવા પામી છે. પોલીસે આ મામલે હત્યાનો પ્રયાસ સહિતનો ગુનો નોંધી તપાસ હાથ ધરી છે.

સંબંધિત સમાચાર

સુચવેલા સમાચાર