ઓસ્ટ્રેલિયા: મેલબોર્નના શોપિંગ સેન્ટર પર પ્લેન થયું ક્રેશ, તમામ મુસાફરોના મોત

Feb 21, 2017 10:20 AM IST | Updated on: Feb 21, 2017 12:55 PM IST

નવી દિલ્હી #ઓસ્ટ્રેલિયાના મેલબોર્નમાં મંગળવારે સવારે એક પ્લેન ક્રેશ થયું છે. જેમાં સવાર તમામ પાંચેય લોકોના મોત નીપજ્યાં છે. મિની પ્લેન મેલબોર્નના શોપિંગ કોમ્પલેક્ષ પર ક્રેશ થયું હતું.

પોલીસના અનુસાર આ પ્લેને એસેડન ફિલ્ડ્સ એરપોર્ટથી ઉડાન ભરી હતી. બાદમાં આ પ્લેન શોપિંગ સેન્ટરની દિવાર સાથે જઇ ભટકાયું હતું અને એમાં આગ ભડકી ઉઠી હતી. આગ એટલી બધી વિકરાળ હતી કે એમાં સવાર કોઇ બચી શક્યું ન હતું.

સદભાગ્યે આ ર્દુઘટના વખતે આ શોપિંગ કોમ્પલેક્શ બંધ હતું. જેથી અહીં વધુ જાનમાલને નુકશાન થતું અટક્યું છે. પરંતુ પ્લેનની ટક્કરને લીધે બિલ્ડીંગ અસરગ્રસ્ત થઇ છે.

વિક્ટોરિયાના આસિસ્ટંટ પોલીસ કમિશ્નર લીનનું કહેવું છે કે આ પ્લેન ર્દુઘટનામાં કોઇ મુસાફર બચી શક્યો નથી. એમણે જણાવ્યું કે, ચાર્ટર પ્લેને ઉડાન ભર્યા બાદ ગણત્રીના સમયમાં જ એનું એંજિન કામ કરતું બંધ થઇ ગયું હતું.

સુચવેલા સમાચાર